US AH NAUPANG TAWH BIAKPIAKNA TAU LIM KIBAWL SAWM
April 1, 2016: IS ten Palmyra khuapi ah Aug. 2015 in a suksiat uh, naupang tawh meihal biak piakna 'Temple of Baal' kici lim Times Square, New York ah April 2016 sungin kibawl ding hi. Hih Temple of Baal pen hun beisa ciamtehna dingin New York bek hi loin London khuapi ah zong Baal Temple lim kibawl ding hi ci'n The New York Times in suaksak hi. Baal biakna tau pen Mesopotamia mite pasian Bel (Baal zong a kici) phawkna dinga kibawl ahi hi.
Baal biakna tau tawh kibang lianin Times Square leh London khuapi ah feet 50 a sangin tausangpi kibawl ding hi. IS ten hih tausangpi pen amau biakna tawh kituak lo hi ci'n a suksiat uh ahi hi.
Baal biakna tau pen kum 2,000 banga upa ahi hi. Hih tausangpi pen Piancilna 10 sunga a kigen a mingthang sabengpa a kici Nimrod in Noah hun lai-in tuiciin a tun' khit nunga a bawl Babel tausangpi kici pen hi ci'n misiam ten gen uh hi. Secret Scoiety kici pawlkhatin hih a mingthang sabengpa Nimrod (Marduk/Osiris/Apollo/Baal zong a kici) hong hing kik dinga, leitung khempeuh hong uk ding hi ci'n um in, a ngak bel in a neihpa uh ahi hi. Lai Siangtho siam ten a genna ah hih Nimrod hong piang kik hi leh Kris langpangpa (Anti-Christ) kicite makaipipa in hong pang dinga, a pan' kei leh zong Anti-Christ kicite tawh hong kipawl ding hi ci'n ummawh uh hi.
-Your News Wire
Post a Comment
Ngaihsutna hoih thei penpen tawh a nuai ah Comment na pia zel in maw Sanggam. Laigelh mite thapia in, mi a tampipi te muh theih dingin na Share kawikawi in. Lungdam.