KAWLGAM AH POLITICAL PRISONERS 83 KIMAISAK KIK
April 18, 2016: Myanmar president Htin Kyaw Kawlgam in gam sungah kituahna leh kilemna a om theihna ding ngimna tawh zan halin gam vai tawh kisai a thongkia (political prisoners) mi 83 maisakna ding suai kai a, Kawl kumpi' Kum thak Ni pawi lopna tawh kituakin zan in hih mi 83te maisakna (amnesty) kipiate kikhah kik hi ci'n president's office deputy director Zaw Htay AFP newste kiangah zan in pulak uh hi.
Thong cing ulian min gen loh khatin (mediate kiangah thugen ding a kiphal loh manin a min gen nuam lo) Reuters news agencyte kiangah a genna ah, "Kei theihna ciang panin thong inn panin a kikhahkhiate pen rights groups ten political prisoners a cihte uh hi," ci'n gen hi. A kikhahkhiate lak panin joounalist li leh Unity journal newspaperte exucutive khat kihel a, tua exucutivepa pen 2014 in galkap ten za tawh kibawl galvan bawlna (military chemical weapons factory) bawl hi thu a pholak manin kiman a, kum 10 thong kia dingin dan kipiapa hi ci'n gen beh hi.
National League for Democracy (NLD) ten kumpi a let nung (April 1 khit) NLD makaipinu Aung San Suu Kyi in political crimes (mawhna) bawl a kingawh manin thong panin a khah khiat leh a maisakte kigawmin mi 282 pha ta hi. NLD ten Nov 1, 2015 kiteelna ah gualzawhna a ngah hangin galkap ten minister za lian mahmah 3 - defense, internal security leh local governance ministryte len lai uh a, tua banah parliament ah 25% thuneihna len lai uh ahih manin Kawlgam pen democracy lian kici thei nai lo a, quasi-civilian government democracy ci'n leitung in ciamteh lai hi.
News 24 in a genna ah thong panin kikhiahkhiate lakah lai gelh (writer) Htin Lin Oo leh Presidentpa tawh min kibang a nei, kum 10 val thong haksa mahmah a kigen a kia khin NLD information officer lui Htin Kyaw kihel hi ci'n gen hi.
-Reuters/News 24
Post a Comment
Ngaihsutna hoih thei penpen tawh a nuai ah Comment na pia zel in maw Sanggam. Laigelh mite thapia in, mi a tampipi te muh theih dingin na Share kawikawi in. Lungdam.