TURKEY AH NUMEI SUICIDE BOMBER KHATIN BOMB PUAKSAK
April 28, 2016: Ottaman kumpi ten a uk lai-in a khuapi dingin a zat uh Bursa khuapi a kum zalom 14 hun a kilam Grand Mosque ah zanin kum 25 mi numei khatin sihpih bomb puaksak a, mi 13 in liamna tuak hi ci'n Turkey ulian ten pulak uh hi. Hih bomb puak pen kuate gamtatna hiam cih tu dong kuamah kipulakkhia nai lo hi.
A bomb puakin a puahna kiim-a sumbuk limlangte kitamsak gawp a, police ten hih thupiang kanna dingin a bomb puahna munah kuamah lutsak lo uh hi. A liamte lakah a tamzaw pen sumbuk limlang kitamte den' khak hi a, a nak liam lua om lo hi ci'n Turkish health minister Mehmet Muezzinoglu in gen hi.
Bursa khuapi pen Asia leh Europe kizopna dingin Silk khau zuakna munpi khat hi a, Turkey gam-a khuapi lianpen 4na hi-in, million 2.7 teenna khua ahi hi.
Turkey kumpi in Kurdistan Workers' Party (PKK) tawh ceasefire thukimna suai a kaih palsatin July 2015 panin PKKte kap kipan kik hi. Tua khit nung buaina hong nasia kik a, February leh March kha-in PKK panin a pengkhia Kurdistan Freedom Falcons (TAK) ten Akara khuapi suam uh a, mi 15 in sihna tuak hi. Nung kum October in zong IS ten Ankara khuapi ah sihpih bomb mun nih ah puaksak uh a, mi 103 in sihna na tuak ngei hi.
-Telegraph
Post a Comment
Ngaihsutna hoih thei penpen tawh a nuai ah Comment na pia zel in maw Sanggam. Laigelh mite thapia in, mi a tampipi te muh theih dingin na Share kawikawi in. Lungdam.