SYRIAN OPPOSITION TEN TURKEY LEH SAUDI IN POISON CHEMICAL SUBSTANCE BAWL HI CI
April 9, 2016: Syria kumpi langpang Syrian Social Nationalist Party ten zanin Sputnik newste kiangah Turkey leh Saudi Arabia in sih theihna ding za/gu (poisoning chemical substances) bawlna mun Syria gamgi ah bawl uh hi ci'n gen hi.
Syrian Social Nationalist Party member Tarek Ahmad in Turkey leh Saudi Arabia in hih mi thahna dinga kizang za/gute gamgi panin Syria ah hong pua lutte huhna a piak bek uh hi loin Syria gamgi ah hi za/gu lauhuaite (toxic chemical substances) bawlna sumbuk bawl uh hi cih lim tawh lahna ding teci (evidences and witnesses) tampi kinei a, leitunga gam guamtuam teh Turkey leh Saudite gamtatna a dal ding uh ahi hi ci'n gen hi.
Syria a Kurdishte spokesman in zong zanin Sputnik newste kiangah a genna ah zan halin gamnuaimi ten Aleppo sung a suam lai un hih sihna dinga kizang huih hoih lo (poison gas) zang uh hi cih dam lote sisan sitna panin kimukhia hi ci'n gen hi. Hih poison gaste pen gal-a zat dingin kiphal lo a, hih poison gas pen Jaysh al-Islam ngongtat ten ko zat hi ci uh hi. IS ten zong Pithai ni (Tuesday) in Deir ez-Zor.province sunga om Syria galkapte vanleng phual a suam lai un sih theihna huih hoih lo - mustard gas kicite zang uh hi. Saudi Arabia ten hih sih theihna gute pen USte tung panin billion tampi tam a lei uh hi ci'n Red Cresent Society ten gen uh hi. Poison gas/toxic gas kici pen nam tampi om hi. Na theih nop leh hih link na mek le cin https://en.wikipedia.org/wiki/List_of_highly_toxic_gases
-Sputnik/Fars News Agency
Post a Comment
Ngaihsutna hoih thei penpen tawh a nuai ah Comment na pia zel in maw Sanggam. Laigelh mite thapia in, mi a tampipi te muh theih dingin na Share kawikawi in. Lungdam.