US TEN KUM 25 KHIT AMASA PEN DING MIDDLE EAST AH B-52 BOMBERS VANLENG KOIH
April 10, 2016: US Air Force ten Gulf War 1991 bei khit nung amasa pen dingin B-52 bombers Qatar gamah zanin koih ta uh hi. US in Iraq leh Syria gam-a ISte dona dingin B-52 bombers vanleng Qatar gam-a Al Udeid Air Base ah kikoih ta hi ci'n US Air Forces Central Command commander Air Force Lieutenant General Charles Brown in pulak hi.
US Central Command spokesman Lieutenant Colonel Chris Karns in B-52bombers pen "operational security leh precision bomb' khiatna dingin Al Udeid vanleng phualah ah kikoih hi a, B-52 vanleng bangzah kikoih ding hiam cih lian bel thei lo hing ci'n gen hi.
US Air Forces Central Command commander Air Force Lieutenant General Charles Brown in B-52 bombers vanleng pen ngimna lianlian kha thei ding galvan (precision weapons) pua ding, nasepna tuamtuam - strategic attack, close-air support, air interdiction leh maritime operations neihna a zat dinga kikoih hi ci'n gen hi.
Chris Karns in B-52 bombers pen US in bomb khat leh nih bek khiatna dingin zang ding a, bomb tampi pheng khiatna ding (carpet bombing) dingin kizang lo ding hi ci'n gen hi. Galte omna mun lianlian theih ding kisam pen a, carpet bomb a kikhiat ciangin nautang tampi sih lawh ahih manin nautang tampi sih loh ding kikhual hi ci'n gen hi.
US Central Command in a genna ah B-52 bombers vanleng pen a nunung pen dingin May 2006 in Afghanistan buaina ah kizang a, tua khit May 2015 in Jordan ah US makaih in galdo dingdan sinna (US-led military exercise) a kineihna ah kilengsak hi ci'n gen hi.
-Reuters
Post a Comment
Ngaihsutna hoih thei penpen tawh a nuai ah Comment na pia zel in maw Sanggam. Laigelh mite thapia in, mi a tampipi te muh theih dingin na Share kawikawi in. Lungdam.