SYRIA AH GALKAPTE LEH REBELSTE KITHUK KIKNA HANGIN MI 35 SI BEH
April 27, 2016: Zan in Aleppo khuapi leh a Aleppo khua nawl kiim teng Syria galkapte leh Syria kumpi lehdo (rebels) ten a kapna hangun mi 35 sih beh a, a site lakah naupang 8 leh rescue workers 5 kihel hi ci’n Syrian Observatory for Human Rights (SOHR) in gen hi.
Rebels ten Aleppo leh Aleppo khuanawl kiim a kapna hangin mi 19 si a, Syria galkap ten tung lam panin a kapna hangin mi 11 si hi. Aleppo khua nawl-a om rebelste ukna Atarib rocket in a kikapna hang leh leh Syria galkap tung lam panin a kapna hangin Civil defence workers "White Helmets" a kicite mi nga si uh hi ci’n SOHR in gen hi. Liamna tuakte huh dingin “White Helmets” kicite hih munah a om lai un tung lam panin kikap a, 5 a sih banah nih nak liam mahmah a, Siavuante zat car zong bang zah hiam sia hi ci’n SOHR leh civil defence nasem Radi Saad in Reuters news agencyte kiangah gen hi.
Hih Atarib khua kap pen Syria galvante vanleng maw Russiate vanleng maw cih kithei cian lo a, Syria kumpi’n zong hih thupiang tawh kisai tu dong bangmah gen nai lo hi. Zan zingsang nai 8:00 am a kipan rebelste ukna Aleppo sungah vanleng niam len mahma in ngaih thei mahmah a, sumbuk leh sanginnte kikhakcip in kuamah a pusuak ngam om lo hi ci’n journalist Zouhir Al Shimale in Aleppo panin phone in Al Jazeera newste kiangah gen hi. Zan halin rebels ten Syria kumpi ukna sung kapin, mi 19 a thah ban ah mi 120 in liamna tuak a, tua khit zanin Atarib kikap hi ci’n SOHR leh local activists ten gen uh hi. Nung Laithai leh Nino ni (Friday and Sunday) in Aleppo ah Syria galkapte leh rebelste kithuk kiktuahna hangin mi 60 in sihna tuak hi ci’n SOHR in gen hi.
Syria gam-a United Nations special Staffan de Mistura in UN sazian (statistics) ahih loh hangin Syria buai kipat a kipan tu dong mi 400,000 valin sih lawh ta ding hi ci’n nung kalin gen hi. Nung kalin Syria kumpi leh rebel ten Geneva ah kilemna ding thugenna a neih hangun rebels ten President Assad kitawpna ding deih in, huhna kisamte huhna deih bangin a kipuak loh man leh Syria galkap ten ceasefire palsat hi ci-in ngawhin peavce talks neihna panin ciah kik uh hi.
Syria gam-a United Nations special Staffan de Mistura in UN sazian (statistics) ahih loh hangin Syria buai kipat a kipan tu dong mi 400,000 valin sih lawh ta ding hi ci’n nung kalin gen hi. Nung kalin Syria kumpi leh rebel ten Geneva ah kilemna ding thugenna a neih hangun rebels ten President Assad kitawpna ding deih in, huhna kisamte huhna deih bangin a kipuak loh man leh Syria galkap ten ceasefire palsat hi ci-in ngawhin peavce talks neihna panin ciah kik uh hi.
Source: Al Jazeera And Reuters
Post a Comment
Ngaihsutna hoih thei penpen tawh a nuai ah Comment na pia zel in maw Sanggam. Laigelh mite thapia in, mi a tampipi te muh theih dingin na Share kawikawi in. Lungdam.