KENYA AH SAI HAPAAK TON 105 KIHAL
May 1, 2016: Kenya president Uhuru Kenyatta in Kenya gam sungah sai hapaak kimante ton 105 (105*1000=105000 Kgs.) leh cingpi hapaak ton 1 (1000 Kgs) Nairobi National Park ah nei hi. Hih sai hapaakte pen mun 11 ah kisengkhawm in, cingpi hapaakte mun khatah kisengkhawm a, zan nitakin Uhuru Kenyahatta in halna nei hi.
Al Jazeera reporter Catherine Soi in hih sai hapaak leh cingpi hapaak kihalte pen Africa continent sunga kihalte lak panin a tam pen hi lai hi ci-in Nairobi panin gen hi. Hih sai leh cingpi hapaak kihalna panin sai leh cingpi pen a site sangin a hingte manpha zaw hi cih lahna lim hi a, a tamzawte pen Africa gam tuamtuam panin zuak dingin Kenya gam-a hong kipualut a kimante hi ci-in gen beh hi.
Uhuru Kenyatta in South Afica gamah tu kum in Convention on International Trade of Endangered Species khawmpi a 17 veina a kineih ciangin Kenya in sai hapaak a sum bawlna a kikhamna dingin gam tuamtuamte nawhna kinei ding hi ci-in gen hi.
Source: Al Jazeera and agencies
Post a Comment
Ngaihsutna hoih thei penpen tawh a nuai ah Comment na pia zel in maw Sanggam. Laigelh mite thapia in, mi a tampipi te muh theih dingin na Share kawikawi in. Lungdam.