Kapteel khua leh Khuaphelep mei (hydropower).

Australia gam Sydney khua a teng Kapteel khua mi Teeltuivon Dr. Pu Suan Za Dong leh a zi Dr.Maisie Dong te in ih pianna Zogam ah singkung lopate eng dildial a ih kepcing nading ngimna bulpi leh a khua a tui a ong khualna  uh tawh 2012 December 27 ni-in Meiset khat ong piakhia uhhi.


 Tuipi pan a sanna pi-4351 a hi,  Kapteel  inn (500) val a tenna khua ah Tuito lui pan in mei tha kilo 100 (160KVA-1,100KVA-1,50KVA-2) sumtang in kyats  54,519,700/- ong pia khia in, khua zangbup in mei nuamtak in kizang toto aa 2016 April 15 ni in khatvei a kisap na a om tuamtuam te ong van kik hi.


Tu in Kapteel hausapa leh khua nu khua pa a kuama khempeuh in amah pahtawina in meiset minding in “Dongno Maisie Hydropower” cih min ki pia a, Pu Dongno vaidawnna nasiatak in Zongeina lamte leh zamlehkhuang tawh kidawn in thau lawng 20 val ki lawn ziahziah hi.

Dr. Pu Dongno in meiset ong piakkhiatna thu tomno khat ong gen khiatna sung pan, hih meitha te tawh anhuan, meivaak, puantaihna te zang in hi leng sing phuk te phatuam dinghi. Ihgam a singkungte ong khangto mahmah in khua hunte ong hoih tuam dinghi. Hihdan in ih khua tektek ah a neizaw deuhte in ih pianna khuaciat ah meiset te hanciam in hi lehang ihgam pen “etlawm mualkuam Zogam nuam”  ih cihcih sa a om mah bang in ong etlawm in khua hunt e ong maan dinghi.

Suan Tuang

Kaptel Hydropower Meisaap piakdan.

1.Meigong te      akhong in

2.Meigong namtui te   Ks; 500/-

3.pi nih mei tawn 4  ks; 1000/-

4.No;3 leh TV 12" nuaisiah ks; 1500/-

5.pi nih mei tawn 6 lehTV 12" tungsiah ks; 2000/-

6.pi nih mei tawn y8 leh anhuanna;puantaihna;leh mei tawh nasep na te ks; 3000/-

7. No 6 na leh puansawpna; a ki pan a dang tuam2 te ks; 5000/-

       cih dan in alom a zat ding in thukimna bang in kha khat in ks; 500000/- kiim kingah hi.Nasem mi 5 kinei in kha khat in ks;190000/- ki bei hi.Theihnopna takpi tawh ki dong thei a; kheldot na a om leh ongkidawng kik man lo ding hi.

 By  Hausapa Kapteel khua