INDIA LEILU-NISUAHNA LAMAH MEMCIM HANGIN MI 16 SI
April 23, 2015: North East India a om Arunachal Pradesh state sunga om Tamang town sunga om Phamla khua-ah zan zingsang nai 3:00 am pawlin nasemte a ihmut lai un mencim in vuk khum a, mi 16 a sih banah mi thum nak liam lua loin suak ta hi. Khat tu dong a omna kithei nai lo lai hi ci'n AFP news agency in suaksak hi. PTI in bel mi khat nak liam mahmah a, zato inn ah kipuak hi ci'n gen hi.
National Disaster Management Authority ten huh ding kisamte huh ding police leh galkapte kisawl hi ci'n gen uh hi. India gam a tamzaw pen nisat luatin a si leh dawn ding tui nei loin mi tampi a om lai-in Notrh East state sungah guah zu leh gial kia nasia mahmah a, mun pawlkhatah mawtaw limlang leh sikkang innte dengsia gawp hi.
India gam pen guah zuk tawmna pen pawlin a ciamtehna Thar, Rajasthan state sung sehnel gamah om a, leitunga guah tam a zukna pen a kiciamteh Mawsynram, Meghalaya state ah om leuleu a, khuahun pen mun khat pan mun khat tuam mahmah hi. North East state ah monsoon guah kici June - October sungin tam thei mahmah a, mencipna mun zong tam thei mahmah hi. Nung diak a kipanin guah tam a zuk luat manin leite nip gawp ahih manin mencim hi kici hi.
Source: Al Jazeera and agencies
Post a Comment
Ngaihsutna hoih thei penpen tawh a nuai ah Comment na pia zel in maw Sanggam. Laigelh mite thapia in, mi a tampipi te muh theih dingin na Share kawikawi in. Lungdam.