GERMANY POLICE TEN LUNGPHONA NEITE 400 MAN
May 1, 2016: Stuttgart khuapi ah puanvom sih in maituam a lungphona nei ten anti-immigration party meeting ah far-right Alternative for Germany (AfD) political party memberte kihelsak loh ding a dalna hangun kinawltuahna piang a, German riots police ten mitsipna vui (pepper spray) zangin lungphona neite kap in, lunphona neite mi 400 man uh a, AfD members-te congress hall ah lutsak veve uh hi. Lungphona nei ten mawtaw peite halin firecrackers tawh journalists leh policete deng in, pawlkhatin "Nazite propaganda tangkote thuneihna kipia lo ding hi," ci-in awng ngeingei uh hi. Kinawktuahna ah bel a liam leh a si om hi cih kigen lo hi. Hih anti-immigration party meeting pen a kigeelna bangin nei thei veve uh hi.
AfD party pen a beisa kum thum in na kiphuan khia a, Eurozone bailout (Europe gam kipawlna pan peng khiatna ding) deih in, gambeel leh galtaite deih lohna nasia takin tangkopih uh hi. Germany nisuahna lamah poll a kilakna ah German Chancellor Angela Markel' Christian Democrats nuai lian-ah om uh a, 20% percent ngah uh hi. Germany ah AfD paty deih kibehlap tektek a, a deih 13% in khan'beh hi.
Nung kalin AfD deputy leader leh European parliament member Beatrix von Storch in Islam biakna leh thu-up zia pen Germante thukham tawh kituak lo hi na ci ahih manin a zadah ten lungphona mun tuamtuamah nei kawikawi uh a, zan a meeting ah AfDte a kihel ding uh deih lo ten lungphona a neih manun kinawktuahna piang ahi hi. AfD deputy leader Beatrix von Storch Von Storch in Islam biakna lim tuamtuam a kizang Muslimte biakinn (mosque) a tausangte (minarets), pau ngaihna zanga thungetna leh numei maituam cihte pen Germany ah kham ding hi ci-in tangko hi. AfD ten a party uh ngimna sungah gamdangmi thukham palsatte gamdangah puakkhiat ding, khangnote galkap tumsak ding leh Russia tawh kitanauna hoihzaw sem bawl ding deihin tuate a ngimna sungah kihelsak uh hi.
Source: Al Jazeera And AFP
Post a Comment
Ngaihsutna hoih thei penpen tawh a nuai ah Comment na pia zel in maw Sanggam. Laigelh mite thapia in, mi a tampipi te muh theih dingin na Share kawikawi in. Lungdam.