ETHIOPIA AH THAU TAWI TEN NAUTANG 140 THAT
April 17, 2016: Ethiopia gam sunga om Gambela kiim-ah zan halin thau tawi ten nautang 140 that uh hi ci’n Ethiopia kumpi’n pulak hi. A kithatte lakah numei leh naupang zong kihel hi.
Ethiopiate' communications minister Getachew Reda in hih mi thatte pen South Sudan a teng Murle minamte gamtatna hi ci’n gen hi. Hih thau tawi a mi thatte Ethiopia gam panin South Sudan gam ah a lut dek lai un Ethiopia galkap ten 60 gamgi ah na kaplum uh a, gamgi kan khin nai lo uh ahih manin hih theih bangin pan kila ding hi ci’n gen beh hi. Hih thau tawi ten naupang pawlkhat zong galmat in nei uh a, South Sudan luppih sawm uh ahih manin gamgi a kanpih man uh leh zong South Sudan gam dong kidelh ding hi ci’n gen beh lai hi.
Hih thau tawi ten a mi thahna mun pen Gambela sunga om Jakawa kiim hi a, hih mun pen Ethiopia leh South Sudanese gamgi ahi hi. South Sudan gam-a tualgal hangin hih kiimah South Sudan panin galtai mi 284,000 val om hi. Hih thau tawi Murle minamte pen South Sudan ah galkapte leh kumpi lehdote (rebels) tawh a kipawl loh hangun South Sudan tualgal ah kigolh uh a, mi tul tampi that ta uh hi. George Washington University ah International Relations professor sem leh Ethiopia gam-a US ambassador sem lui David Shinn in Ethiopia leh South Sudan gamgi pen nidang pekin tualgal a om mun mahmahna mun hi ci’n gen hi.
Source: Al Jazeera and agencies
Post a Comment
Ngaihsutna hoih thei penpen tawh a nuai ah Comment na pia zel in maw Sanggam. Laigelh mite thapia in, mi a tampipi te muh theih dingin na Share kawikawi in. Lungdam.