ECUADOR AH ZINLING, MI 41 SI
April 17, 2016: Million 16 teenna Ecuador gamah zan in magnitude 7.8 a hat zingling a, inn leh van tampi a siat banah mi 41 in sihna tuak hi. Hih zinlin'na hangin President Rafael Correa in national emergency pulak a, zinlin'na hangin tuihual hat ding hi ci'n kuapeuh inn sungah omcip dingin zong theisakna pulak hi.
Ulian ten tuihual panin kidalna dingin tuipi pang-a tengte hemkhia uh hi. Hih zinling pen 1979 khit nunga dingin Ecuador gam-a zinglingte lak panin a hat pen hi lai hi kiciamteh hi.
Ulian ten tuihual panin kidalna dingin tuipi pang-a tengte hemkhia uh hi. Hih zinling pen 1979 khit nunga dingin Ecuador gam-a zinglingte lak panin a hat pen hi lai hi kiciamteh hi.
US Geological Survey in a genna hih zinling pen Muisne leitaw-nisuahna lamah km 27 kiim sungah hat pen a, a kipatna mun lian (epicenter) pen Guayaquil hi ci hi. Pacific Tsunami Warning Center in 0.3 - 1 meter a hat tsunami om kha thei ding hi ci'n gen ahih manin mipi patau tampi ten Ecuadorte khuapi Quito manawh ngeingai uh hi. Equador kianga om Peru zong tsunami in nawk kha thei ding hi ci'n Pacific Tsunami Warning Center in theih kholhna zasak hi.
Ecuador pen South/Latin America continent sunga om ahi hi.
-The Hindu/Agencies
Post a Comment
Ngaihsutna hoih thei penpen tawh a nuai ah Comment na pia zel in maw Sanggam. Laigelh mite thapia in, mi a tampipi te muh theih dingin na Share kawikawi in. Lungdam.