CHINA AH BUS KANG, MI 8 SI
April 29, 2016: China leilu lam-a om Xi'an khua kiangah zan in bus khat kang a, mi 8 a sih banah mi 4 in liamna tuak hi ci'n Xi'an police ten tu ni-in pulak uh hi.
A bus pen highway ah a tai lai-in kang vat ahih manin a bus pen a kihal dingin ki-ummawh a, ahih hangin police ten a muanmawh uh kuamah min gen nai lo uh a, hih thupiang lim takin kanna nei lai uh hi. Police ten hih thupiang pen mi gilote gamtatna hi dingin ummawh uh ahih manin 'criminalact' ci-in ciamteh uh hi.
China gamah bus kihal leh kang om mun mahmah a, pawlkhatte pen lungsim veng lote hal leh kitotna hangin a piang hi ci'n a kiciamteh tam mahmah ta hi. January 2016 in bus khat kihalna hangin mi 17 a sih banah mi 32 in liamna tuak a, 2013 in zong bus khat kihalna hangin mi 47 in sihna na tuak ngei hi.
-The Hindu
Post a Comment
Ngaihsutna hoih thei penpen tawh a nuai ah Comment na pia zel in maw Sanggam. Laigelh mite thapia in, mi a tampipi te muh theih dingin na Share kawikawi in. Lungdam.