2. Kum 2014 mipi kisimna census ah 914:Zomi mimal phazah thuneite in manlang takin hong tangko khiat ding ka lunggulh uhhi.
Zomi ulehnau,
Taangkona, declaration i ci diam ahkl, proclamation i cidiam nam 7 kinei aa avek aa ong pulaakpahlo khatkhat aa kong suahsakna pen mipi mahmah in abanban in limtak leh teltak i ngaihsut khopding lunggulhna hizaw hi. Tuaban ah Manglai leh Kawllai tawh suahkhat in suakkhawmsak nuam, mediate ah puaknuam i hihman in malep pak dan hizaw hihang.
Hih 914:Zomi phazah pen, alangpangte'n a gen uhteh Kumpi in ong tangko loding uh ci-in gen uhhi. Kei bangin bel ong taangko mahmah ding uhhi aci kahihi. Bhm cihleh 914:Zomi cihbang gelh theih nading ngah ngei aa i ki uploh kawmkal ah Kumpi in pulaak hun ong piakpen vanglian Pasian nasepna hi aci khin ka hihi. Tua ahihman in Kumpi in hun asakteh ong taangko lua mahmah dinghi.
Himah taleh, a langpang honkhat thahat ahihman in i nget ding, i phuutding (ei lampan) kisam hihang. Khaicii hileh a kituh pan hi aa, a po khia nailo, a mom nailo ahihman in tuibuah kul lai dinghi.
Tedim gam tul 80 val, Tonzang tul 20 val, Cikha tul11 val milip ong kitheih khiat ciang ei sung ahilo apua lam pan hih 914:Zomi kalsuanna patauhna ong lian zawsem aa Zogam bup ii seh 3 suah seh 1 phial ong hihteh lamdang kisa ciathi. Tua ahihman in Zomi taktak bangzah phalian cih kithei takei leh phamawh a salo tam semsem cihna ahihi.
914:Zomi phazah ong kitaangko khiat ding lunggulhna pen Kumpi lampan ahi aa i taangmi MPte ahizongin thupi tak aa ong san nading uh pulaak theih bangbang tawh a pulaak khia ihihi.
Kei mimal lian bangin Kalay, Tamu, Khampat leh Sagaing regional sung pan ong tamzaw mahmah lai in ka um aa, himah taleh mom nailo, po nailo mawk ahihman in tuibuakbuak aa kinei ihihi. Zomi bup kua pawl kua pawl cilo, mimal nangawn in maban lianpi a nei i hihlam, mangngilh loding hihang.
Khat veivei Kipawlna tuamtuamte sep ding, kanding sa in mimal in awlmawhlo kha hihang. Tu'n minam vai ahihnak leh i lungtang puak, i sandan laih in mimal mahmah in aituam sanciat ding, kisamta hihang. Tuabang i kalsuan ciang namdangte huatbawl, galbawl, muhdah bawl hetlo ding ki gen phapha nuam hang.
Tedim khuapi sung mahmah ah numei naupang in, "Meiteite leh namdangte kihawl khialo banghang Zomite'n hawlkhiat ngahhiam?" acih nungsang gampua aa om thuthei, latheite ki thuman zo mahmah ding lametna lianpi omhi.
Khat veivei ei Zomi akici nuamte pen bangmah phu nuamlo, sem nuamlo, hanciam nuamlo, mimal sepding aa ngaihsunlo, kin aa neilo, ihihman in bangmah i ngahloh ciang Pasian deihna hi ci-in kihehnep lam manawh den hihang. Ataktak awlmawh neilo hizaw hihang. Agilo, akheltat khat leh nih in manglai sinna khawl sakzo ahihleh, lungsim hoih lungsim pha hizahta in banghang nahoih sem zolo ding, phu zolo ding ihihiam?
Ei sung pan aa mikheltatte gamtat kazaaksawn khat kong hawm nuamhi.
Hakha Khuapi aa Kawlgam bup sangnaupang Pawipi atun lai aa kizang generator setpi pen pawi manciang Tedim piakding gelna omsa hihtuakhi. Tuathu atheih ciang Tedim pan aa papii khelpil khat in Chin State zum aa meilam sai ulian teng, Tedim meilam sai ulian teng khiatna lai khat geltawm pak in khia hihtuakhi. Tua khiatna (tai-sar) Tedim Khua pan ong paiciang, ii generaror ngahding Taingen pan Tedim lam zuan nawnlo in Kawlpi lam zuansukta hi. Kazaaksawn ahihi. Khelpil mahmah veve maw!
Zaaksawn ahilo ka tuahkhaak khat
914:Zomi lai Tedim CNF zum ah meeting khat sam uh aa ko zong saplohpi ka va kihel uhhi. Tua mun ah sang Sia (teacher) lui, papi khat in 914:Zomi na gelh uhleh gamdangmi suak ding ci-in laibu sung lemliang in ong taangkohi. Uphuai sak mahmahhi. Laibu a page nambat tawh lo khia ahihman in uploh phamawh hi. Azuau na hizen hi. Sang sia ahihnak leh i zahtak nam, kawmkal ah zuau tawh nungta cih limlim lamdang kasa mahmahhi. Mi kheltatte, mizuaute sep ngamzia kong genna ahihi. Ka zuau ong kithei ci-in tuni dong zum tuak tuanlo mawkhi.
Banghang hici ngam uhhiam cihleh, alangpangte'n semlo, kinlo, bawllo, awlmawhlo, a ma sepding salo, mi sep ding ngaak ahihlam theilua uh ahihman ahihi.
Tu aa kipan hibang mite a tuntunna pan zungkawk ciat lehang, pholaak lehang gamta ngam nawnlo dinghi.
Tu'n ii 914:Zomi po nailo, mom nailo hi. Mimal nasep in ngaihsun ding hihang. GZA bek, TA bek ZCD bek, MPte bek, ZYA bek nasep hilohi. Alangpangte'n semngam, zuau ngam, bei ngam uhhi.
914:Zomi result zong a sawtnawnlo in ong kitaangko ding i Thungetna ahihi.
hkl
--
Hang Khan Lian
Block 646#13-115
Jalan Tenaga
Singapore 410646
Zomi ulehnau,
Taangkona, declaration i ci diam ahkl, proclamation i cidiam nam 7 kinei aa avek aa ong pulaakpahlo khatkhat aa kong suahsakna pen mipi mahmah in abanban in limtak leh teltak i ngaihsut khopding lunggulhna hizaw hi. Tuaban ah Manglai leh Kawllai tawh suahkhat in suakkhawmsak nuam, mediate ah puaknuam i hihman in malep pak dan hizaw hihang.
Hih 914:Zomi phazah pen, alangpangte'n a gen uhteh Kumpi in ong tangko loding uh ci-in gen uhhi. Kei bangin bel ong taangko mahmah ding uhhi aci kahihi. Bhm cihleh 914:Zomi cihbang gelh theih nading ngah ngei aa i ki uploh kawmkal ah Kumpi in pulaak hun ong piakpen vanglian Pasian nasepna hi aci khin ka hihi. Tua ahihman in Kumpi in hun asakteh ong taangko lua mahmah dinghi.
Himah taleh, a langpang honkhat thahat ahihman in i nget ding, i phuutding (ei lampan) kisam hihang. Khaicii hileh a kituh pan hi aa, a po khia nailo, a mom nailo ahihman in tuibuah kul lai dinghi.
Tedim gam tul 80 val, Tonzang tul 20 val, Cikha tul11 val milip ong kitheih khiat ciang ei sung ahilo apua lam pan hih 914:Zomi kalsuanna patauhna ong lian zawsem aa Zogam bup ii seh 3 suah seh 1 phial ong hihteh lamdang kisa ciathi. Tua ahihman in Zomi taktak bangzah phalian cih kithei takei leh phamawh a salo tam semsem cihna ahihi.
914:Zomi phazah ong kitaangko khiat ding lunggulhna pen Kumpi lampan ahi aa i taangmi MPte ahizongin thupi tak aa ong san nading uh pulaak theih bangbang tawh a pulaak khia ihihi.
Kei mimal lian bangin Kalay, Tamu, Khampat leh Sagaing regional sung pan ong tamzaw mahmah lai in ka um aa, himah taleh mom nailo, po nailo mawk ahihman in tuibuakbuak aa kinei ihihi. Zomi bup kua pawl kua pawl cilo, mimal nangawn in maban lianpi a nei i hihlam, mangngilh loding hihang.
Khat veivei Kipawlna tuamtuamte sep ding, kanding sa in mimal in awlmawhlo kha hihang. Tu'n minam vai ahihnak leh i lungtang puak, i sandan laih in mimal mahmah in aituam sanciat ding, kisamta hihang. Tuabang i kalsuan ciang namdangte huatbawl, galbawl, muhdah bawl hetlo ding ki gen phapha nuam hang.
Tedim khuapi sung mahmah ah numei naupang in, "Meiteite leh namdangte kihawl khialo banghang Zomite'n hawlkhiat ngahhiam?" acih nungsang gampua aa om thuthei, latheite ki thuman zo mahmah ding lametna lianpi omhi.
Khat veivei ei Zomi akici nuamte pen bangmah phu nuamlo, sem nuamlo, hanciam nuamlo, mimal sepding aa ngaihsunlo, kin aa neilo, ihihman in bangmah i ngahloh ciang Pasian deihna hi ci-in kihehnep lam manawh den hihang. Ataktak awlmawh neilo hizaw hihang. Agilo, akheltat khat leh nih in manglai sinna khawl sakzo ahihleh, lungsim hoih lungsim pha hizahta in banghang nahoih sem zolo ding, phu zolo ding ihihiam?
Ei sung pan aa mikheltatte gamtat kazaaksawn khat kong hawm nuamhi.
Hakha Khuapi aa Kawlgam bup sangnaupang Pawipi atun lai aa kizang generator setpi pen pawi manciang Tedim piakding gelna omsa hihtuakhi. Tuathu atheih ciang Tedim pan aa papii khelpil khat in Chin State zum aa meilam sai ulian teng, Tedim meilam sai ulian teng khiatna lai khat geltawm pak in khia hihtuakhi. Tua khiatna (tai-sar) Tedim Khua pan ong paiciang, ii generaror ngahding Taingen pan Tedim lam zuan nawnlo in Kawlpi lam zuansukta hi. Kazaaksawn ahihi. Khelpil mahmah veve maw!
Zaaksawn ahilo ka tuahkhaak khat
914:Zomi lai Tedim CNF zum ah meeting khat sam uh aa ko zong saplohpi ka va kihel uhhi. Tua mun ah sang Sia (teacher) lui, papi khat in 914:Zomi na gelh uhleh gamdangmi suak ding ci-in laibu sung lemliang in ong taangkohi. Uphuai sak mahmahhi. Laibu a page nambat tawh lo khia ahihman in uploh phamawh hi. Azuau na hizen hi. Sang sia ahihnak leh i zahtak nam, kawmkal ah zuau tawh nungta cih limlim lamdang kasa mahmahhi. Mi kheltatte, mizuaute sep ngamzia kong genna ahihi. Ka zuau ong kithei ci-in tuni dong zum tuak tuanlo mawkhi.
Banghang hici ngam uhhiam cihleh, alangpangte'n semlo, kinlo, bawllo, awlmawhlo, a ma sepding salo, mi sep ding ngaak ahihlam theilua uh ahihman ahihi.
Tu aa kipan hibang mite a tuntunna pan zungkawk ciat lehang, pholaak lehang gamta ngam nawnlo dinghi.
Tu'n ii 914:Zomi po nailo, mom nailo hi. Mimal nasep in ngaihsun ding hihang. GZA bek, TA bek ZCD bek, MPte bek, ZYA bek nasep hilohi. Alangpangte'n semngam, zuau ngam, bei ngam uhhi.
914:Zomi result zong a sawtnawnlo in ong kitaangko ding i Thungetna ahihi.
hkl
--
Hang Khan Lian
Block 646#13-115
Jalan Tenaga
Singapore 410646
Post a Comment
Ngaihsutna hoih thei penpen tawh a nuai ah Comment na pia zel in maw Sanggam. Laigelh mite thapia in, mi a tampipi te muh theih dingin na Share kawikawi in. Lungdam.