USA gama Ohio State-ah ka teng a, Radio-ah part-time announcer na ka sem hi. Inn zuana ka ciahna lampiah University Hospital leh Grand Hospital om ahih manin, ka ciah kawmin ka bang thei zel a, cinate adingin Lai Siangtho simin ka hun ka zang zel hi.
Hih banga ka cih pen cinate ka khualman leh ka lainat man zong hi masa loin, ka buaina hong dawn ding leh Pasian in cidamna hong piak mana lungdamkohna dinga ka sep hizawhi. Tua bang a ka sep pen cinate in phattuamna a ngah uh thu khat hi ta leh, kei ading mahmah in zong bitna ka ngahna ding na himawk hi! Radio a thu ka pulaknaah mi huat ding thu khat ka pulak kha lai zang hi. Khatvei ko khua a limpiah siamte, a member masa teng uh om nawn lo ahih manin tuma hun bang zo nawn loin a limpiah uh zong muhnop nawn lo cih thu ka pulak hi. Hih thu hangin a makaipa uh kei tungah heh cihtakin heh a, a na thei penin kei tungah phu lak sawmin hanciam hi.
Ka nasep pen khat veivei zan sawt dong sep a kul hun om thei zel hi. Zan khat, zingsang lam nai 2 pawlin ka ciah leh khuamialna mun pan mi khat in hong dingsak hi. Hong suam sawm hi a ka theih manin ka patau peuhmah hi. Tuapa in, “Les Brown na hi hiam?” hong cih ciangin ka hih thu ka hilh hi. “Thu khat kong hilh ding om hi; mi khatin nangmah sat gawp dingin hong cial hi” ci hi. Ke’n, “Bang hangin maw? Hong theikhial hi ni cia?” ka cih leh, “Hong theikhial peuhmah keng ei. Mi khat heksak lua na hih manin tuapa in hong cial hi” ci kik a, “Tua ahih leh bangci bangin hong sat sawm na hiam?” cih thu ka gen laiin lau lua ka hih manin ka aw liing liang hi.
A man awnem takin hong dawng a, “Bang mah hong cih sawm peuhmah keng ei!” a cih ciang ka lungdam lua a, ahih hang bang thu hangin hong sat sawm lo hiam cih bel ka dong ngam tuan kei hi. Amah mahin, “Na theih lai ding zong ka um khol kei a, ka nu cina in Grand Hospitalah sawtpi lum hi. Ohio thong sunga ka om laiin Lai Siangtho na simsak zel mana a lungdam thu hong hilh thei zel hi. Tua panin na min ka thei a, na mel muh ding ka ngaklah peuhmah hi.
“Thong pan ka pusuah ciang mi khat in nangmah a sat dingin mi cial nuam cih thu ka za a, a kiangah pai pahin, “Kei hong cial in? ka ci hi. Nang hongsat dinga hong cialpa kiangah, “Tu a kipan nang tawh kisaiin themkhat zong subuai nawn lo ding leh sawm nawn lo dingin ka hilh hi,” hong ci hi.
Mi dangte adingin ka nasep pen neucik hi a ka theih laiin, ka nuntakna hong honkhia zo nasep a sem ka hih lam tua munah ka phawkkhia hi.
Source: ZBYF
Hih banga ka cih pen cinate ka khualman leh ka lainat man zong hi masa loin, ka buaina hong dawn ding leh Pasian in cidamna hong piak mana lungdamkohna dinga ka sep hizawhi. Tua bang a ka sep pen cinate in phattuamna a ngah uh thu khat hi ta leh, kei ading mahmah in zong bitna ka ngahna ding na himawk hi! Radio a thu ka pulaknaah mi huat ding thu khat ka pulak kha lai zang hi. Khatvei ko khua a limpiah siamte, a member masa teng uh om nawn lo ahih manin tuma hun bang zo nawn loin a limpiah uh zong muhnop nawn lo cih thu ka pulak hi. Hih thu hangin a makaipa uh kei tungah heh cihtakin heh a, a na thei penin kei tungah phu lak sawmin hanciam hi.
Ka nasep pen khat veivei zan sawt dong sep a kul hun om thei zel hi. Zan khat, zingsang lam nai 2 pawlin ka ciah leh khuamialna mun pan mi khat in hong dingsak hi. Hong suam sawm hi a ka theih manin ka patau peuhmah hi. Tuapa in, “Les Brown na hi hiam?” hong cih ciangin ka hih thu ka hilh hi. “Thu khat kong hilh ding om hi; mi khatin nangmah sat gawp dingin hong cial hi” ci hi. Ke’n, “Bang hangin maw? Hong theikhial hi ni cia?” ka cih leh, “Hong theikhial peuhmah keng ei. Mi khat heksak lua na hih manin tuapa in hong cial hi” ci kik a, “Tua ahih leh bangci bangin hong sat sawm na hiam?” cih thu ka gen laiin lau lua ka hih manin ka aw liing liang hi.
A man awnem takin hong dawng a, “Bang mah hong cih sawm peuhmah keng ei!” a cih ciang ka lungdam lua a, ahih hang bang thu hangin hong sat sawm lo hiam cih bel ka dong ngam tuan kei hi. Amah mahin, “Na theih lai ding zong ka um khol kei a, ka nu cina in Grand Hospitalah sawtpi lum hi. Ohio thong sunga ka om laiin Lai Siangtho na simsak zel mana a lungdam thu hong hilh thei zel hi. Tua panin na min ka thei a, na mel muh ding ka ngaklah peuhmah hi.
“Thong pan ka pusuah ciang mi khat in nangmah a sat dingin mi cial nuam cih thu ka za a, a kiangah pai pahin, “Kei hong cial in? ka ci hi. Nang hongsat dinga hong cialpa kiangah, “Tu a kipan nang tawh kisaiin themkhat zong subuai nawn lo ding leh sawm nawn lo dingin ka hilh hi,” hong ci hi.
Mi dangte adingin ka nasep pen neucik hi a ka theih laiin, ka nuntakna hong honkhia zo nasep a sem ka hih lam tua munah ka phawkkhia hi.
Source: ZBYF
Post a Comment
Ngaihsutna hoih thei penpen tawh a nuai ah Comment na pia zel in maw Sanggam. Laigelh mite thapia in, mi a tampipi te muh theih dingin na Share kawikawi in. Lungdam.
EmoticonClick to see the code!
To insert emoticon you must added at least one space before the code.