"Jerusalem, Jerusalem aw, kamsangte na that a, Pasian sawl kamtaite na denglum hi. Akpi in a note a huai mahbangin na mite ka huai nuam tawntung hi, ahizongin na ut kei hi" (Mt.23:37)
Hih atunga thu pen Jesu kammal ahi hi.
Zogam khuapi: Sangmangte hong tualbialna Zogam khuapi Tedim pen la tampi ih phuah a, Zomite kihuaina ding thu tam veisim kigel ngei khin hi. Biakinn lian pipi tam mahmah a, Pasian nasem minthang tampite khankhiatna khat ahi hi. Zomite pilna ah hong kha ih sangpi omna hi a, mipil tampi hong suaksak ih khuapi hi. Zogam ngai ing ih cih leh Tedim khuapi ki kantan theilo a, Zogam limlang golpen hong suak hi.
Tedim Road: Zokam tawh gam, mual leh guam, lui leh gun min neite ih hi a, namneu ih hikei hi. Galpi nihna hangin ih gam ah motor lampi ong kito a, Zogam sung tawn in motor lampi kikhung tosuak hi. Hih hun in Aizawl ah motor lampi om nailo hi. Zogam dung leh vangah lampi kikhung suak pen Manipur State in tuni dongin Tedim Road na cilai hi. Ei nisuahna Zogam (Dr Vum Son) te in ih khuasung lampite ah Zomi "Pasal phate" min ih puaksak lampi a omnai hiam? Maha Bandula Street cih peuh bangtan vei nuamtuam lai ding ih hi hiam? Meitei Gun cih limlim zong ei khang ah Zo Gun beek tawh sam nailo ding ih hi hiam?
Myomya min koi pan ih ngah hiam? Zogam khuapi laizang (center downtown) vengmin limlim pen "Myoma" Pu Kam Hau khuapi, Zomite gualzawhna khuapi, meitei gal, Mangkang gal, Japan gal khutsung pan khuavak Pasian in ong huutpih ih Zogam khuapi a laizang vengmin bang hangin zawlta suak hi ding hiam? Ih Tedim khuapi ah biakna vai, gamvai, nam vai khatpeuh ih neihciangin Zomite ki maimial den cih pen Myoma in a nusun (Jerusalem in a nu Jebus sun) a cih paunak tawh kibang himawk ih hiam, dahhuai mahmah sa ing Zogam khuapi.
Thugen hun kipialo: the 5th General Youth Conference of UPCM pen May 14-17, 2015 ah khual pawisim 400 val bang kipha hi. Hih 400 val sungah US pan in hih pawisim ding Bro Jonathan leh a lawmte zong ong kihelthei uh hi. Chief guest and speaker dinga sapna ngah, sum tampi bei in Zogam khuapi leitang ong tungsa kimlai, nitak khat leh sun thuhilhna zong nuamtak in a neikhinsa khat, Myoma veng thunei te in yatkuat ah nong zasak kei uh cih tawh sum a deih man un thuhilh theihna pan khawlsak uh a hun zangsak nawnlo uh hi. Kawl kumpi, Kawlpi a thuneite leh Tedim thuneite tungah phalna kingahsa khat pen banghangin veng hausate (Zomi mah hisop lai uh) in Pasian min tawh ong pai Zogam khua phualpi ong phakhinsa khat hibang in nolh niloh ih hi hiam? Zogam khuapi genloh, ih Zogam khualian leh khua neu khempeuh ah zong gamdang pan in gospel tonpih ziahziah zotek leng gamdang a tung khinsa te in ih Zogam ih puahna khat mah himawk lo hiam? Thuneihna aana laknuam in, hausa khat in ih khuapi bang taktak tawh puahzo mawk ding ih hiam, gamsung gampua pangkhawm ni ih cihcihte koi ah koihmawk ding ih hi hiam? A taktak in U Ne Win, Pu Than Shwe te hun in zong ih thuaklah mahmahte pen ih veng hausa teng hi, eimiteng mah hi hang. Hih te a puahpha kik ding, a zutsiang ding Zogam leh Zomi puah ding khangno kipawlna khauhmahmah kilunggulh mahmah hi.
Zogam aw na sung pan a piangte mah in kong huainuam, puahnuam tawntung uh a, ahizongin nang na utkei hi.
Lainatna tawh,
Sia Khup
Hih atunga thu pen Jesu kammal ahi hi.
Zogam khuapi: Sangmangte hong tualbialna Zogam khuapi Tedim pen la tampi ih phuah a, Zomite kihuaina ding thu tam veisim kigel ngei khin hi. Biakinn lian pipi tam mahmah a, Pasian nasem minthang tampite khankhiatna khat ahi hi. Zomite pilna ah hong kha ih sangpi omna hi a, mipil tampi hong suaksak ih khuapi hi. Zogam ngai ing ih cih leh Tedim khuapi ki kantan theilo a, Zogam limlang golpen hong suak hi.
Tedim Road: Zokam tawh gam, mual leh guam, lui leh gun min neite ih hi a, namneu ih hikei hi. Galpi nihna hangin ih gam ah motor lampi ong kito a, Zogam sung tawn in motor lampi kikhung tosuak hi. Hih hun in Aizawl ah motor lampi om nailo hi. Zogam dung leh vangah lampi kikhung suak pen Manipur State in tuni dongin Tedim Road na cilai hi. Ei nisuahna Zogam (Dr Vum Son) te in ih khuasung lampite ah Zomi "Pasal phate" min ih puaksak lampi a omnai hiam? Maha Bandula Street cih peuh bangtan vei nuamtuam lai ding ih hi hiam? Meitei Gun cih limlim zong ei khang ah Zo Gun beek tawh sam nailo ding ih hi hiam?
Myomya min koi pan ih ngah hiam? Zogam khuapi laizang (center downtown) vengmin limlim pen "Myoma" Pu Kam Hau khuapi, Zomite gualzawhna khuapi, meitei gal, Mangkang gal, Japan gal khutsung pan khuavak Pasian in ong huutpih ih Zogam khuapi a laizang vengmin bang hangin zawlta suak hi ding hiam? Ih Tedim khuapi ah biakna vai, gamvai, nam vai khatpeuh ih neihciangin Zomite ki maimial den cih pen Myoma in a nusun (Jerusalem in a nu Jebus sun) a cih paunak tawh kibang himawk ih hiam, dahhuai mahmah sa ing Zogam khuapi.
Thugen hun kipialo: the 5th General Youth Conference of UPCM pen May 14-17, 2015 ah khual pawisim 400 val bang kipha hi. Hih 400 val sungah US pan in hih pawisim ding Bro Jonathan leh a lawmte zong ong kihelthei uh hi. Chief guest and speaker dinga sapna ngah, sum tampi bei in Zogam khuapi leitang ong tungsa kimlai, nitak khat leh sun thuhilhna zong nuamtak in a neikhinsa khat, Myoma veng thunei te in yatkuat ah nong zasak kei uh cih tawh sum a deih man un thuhilh theihna pan khawlsak uh a hun zangsak nawnlo uh hi. Kawl kumpi, Kawlpi a thuneite leh Tedim thuneite tungah phalna kingahsa khat pen banghangin veng hausate (Zomi mah hisop lai uh) in Pasian min tawh ong pai Zogam khua phualpi ong phakhinsa khat hibang in nolh niloh ih hi hiam? Zogam khuapi genloh, ih Zogam khualian leh khua neu khempeuh ah zong gamdang pan in gospel tonpih ziahziah zotek leng gamdang a tung khinsa te in ih Zogam ih puahna khat mah himawk lo hiam? Thuneihna aana laknuam in, hausa khat in ih khuapi bang taktak tawh puahzo mawk ding ih hiam, gamsung gampua pangkhawm ni ih cihcihte koi ah koihmawk ding ih hi hiam? A taktak in U Ne Win, Pu Than Shwe te hun in zong ih thuaklah mahmahte pen ih veng hausa teng hi, eimiteng mah hi hang. Hih te a puahpha kik ding, a zutsiang ding Zogam leh Zomi puah ding khangno kipawlna khauhmahmah kilunggulh mahmah hi.
Zogam aw na sung pan a piangte mah in kong huainuam, puahnuam tawntung uh a, ahizongin nang na utkei hi.
Lainatna tawh,
Sia Khup
Post a Comment
Ngaihsutna hoih thei penpen tawh a nuai ah Comment na pia zel in maw Sanggam. Laigelh mite thapia in, mi a tampipi te muh theih dingin na Share kawikawi in. Lungdam.