Tg. Thang Deih Tung, apa Rev. Cin Khen Kai, Tungtuang khua pen May 13, 2015 ni nitak nai 9:30 pawlin Tungtuang khua sung vak kim lai Kawlte a vak thap hon khat tawh kituak a, Tonzang khua a Sia Am Pau kicipa’ makpa in na sat gawp hi. Tonzang zatopi pan tu-in Tedim zatopi hong tung uh a, a dek kuak na sa lua mahmah hi. A veilam mit zong bawk gawp a, hak thei mel lo hi. Hih tawh kisai khangnote nak heh lua mahmah uh a, azanzanin mawtaw khat leh saikel 8 tawh Tonzang ah tua Kawlte zong to uh hi. Ahi zongin kamphatna maw kamsiatna thei lo ami mu lo bilbel uh hi. Tu-in upadi om bangin thu kibawl sawm hi, cih cina kem apanote in gen uh hi. Vuak thuak ih naupa pen tan 9 laivuan khin pan ahi hi. ZYA-Tedim makaite ahi thei teng in zato ah pai-in thapiakna leh thungetsakna kinei hi. By.Tedim Post
Post a Comment
Ngaihsutna hoih thei penpen tawh a nuai ah Comment na pia zel in maw Sanggam. Laigelh mite thapia in, mi a tampipi te muh theih dingin na Share kawikawi in. Lungdam.