Zomi Sanggamte,
Zomi khangthak adiak-in cihmawh gentheih ziak hitaleh lonona lunggulhna hitaleh minam nasepna khatpeuh-a manpanna ziak hitaleh gam thumna atung Zomi ataangpi-in "Zomi cihteh Chin hilo., Zomi-pen Zomi: kampheen kisamlo pau kisaangthei namteng" cihpen I-saangkim phial-a, I-pomkip kimciat dektak-phial khinhi. Ahizong-in I' mipil-milian neihsunsun (khenkhat) te-in "Zomi cihteh Chin ahihi" cihpen apomkip ngiat-uh ahihi. Amau' thumuhna leh ei khangthakte' thumuhna hong kitumpelh simsimta; amau' muhna siakmit-zong abaan zolo-in hongseh uhhi. Kei mimal muhna-ah mipil-ulian I' neihte pil taktakmah kasa-hi, minam' ading-in Kawl Gamukte' muhdah cih genloh a-sawi-et khaakding nangawn kidawm khiinkhian siam-mahmah kasa-hi. Pahtawi mahni! Ahizong-in tua mipilte pahtawina-tawh hunbei toto lelding sang-in amau' pomkip Minam Zungpi Saanzia ahimah-hiam, alampi maan mahhiam cih naakpi-a telgeh/kheh siam-a, amaante zuui-in akhialte pelhding kisam mahmah tahi.
"Prism of the Zo People" sung-a laigelh mipilteng-mah maaiguan-in "Brief Introduction of Zomi (2009)" -in English-tawh ka-gelh khin-a, Embassy tuamtuam leh AU Immigration Dept leh organisation pawlkhat-ah ka-puak ngei-hi. Tua sung-a Zomi-tawh kisai laigelh khempeuh-in Zomi acih-uhteh Chin State sung-a minamte bek hilo-in Mizoram, Manipur, Tripura, Chittagong Hill Tracks, Assam cihte ciangdong huam uhhi. Dr Vumson leh Pu Vumkhohau te' gelhna-zong tuabangmah ahihi. Hih laite "bias" ahihlam thei kahih man-in Conclusion-ah:
"Tu-in Chin State Leilulam minamte bek-in Zomi pomkip uh-a, Leitawlam khempeuh-in political benefit mitsuanna bek-tawh amau' kisapna ahilopi-mah 'Chin' kicizaw uh-a, 'Zomi' akici diakte naakpi-in deidan uhhi. Adiak-in CNF/A te' hiamgamh khutma tungtawn-in Zomi akicite naakpi-a hong khentuam bawlsiatna-uh kilangh-hi......"
ci-in thukhupna kabawl-hi. Hihpen Malaysia leh Australia Zomi context bek-tawh akigelh hilo-in, Kawlgam Chin State sung-a Zomi leh Chin akici mite' kaalthu huamkim-a akisuut ahihi. Chin State sung-a Zomite' tung-ah CNF/A te' khutlum hong tukna tamveipi kisuut zo-a, Zomi khempeuh phial-in ahoihkhom theiciat ding-uhhi.
Theihnop-huai or Theihhuai Thu:
"Zomi cihteh Chin ahihi" ci-a apomkip taktak I-hihleh Chin kicite-in Zomi akicidiakte' tung-ah khutlum angak laaitak banghang-in "innkuan kilemna" geello-uh ahitam., innkuan khat-mah kithah kivuak, sum kisuhding alungkimpih-mah ahi-uhtam., hihte theihhuai leh theihding kilawm honghi dinghi.
"Zomi cihteh Chin ahihi" cici napi-in banghang-in Chin minsel kipawlnate-ah Pu Nang Lian Thang leh Pu Kip Kho Lian te-nih longal kihello ahi-uhtam., amau-geel thaang-antah (bait) bang-a nei khiinkhian-uh ahimai-tam., theihhuai leh theihding kisam-hi.
"Zomi cihteh Chin" ahihleh banghang-in Chin or Laimi bek apomkip mite-in Zomi akicite anial, anolh, abawlsiat ciang-in "ei akibang hihang, pangkhawm nihang, ..." vaci tuanlo-in, kitheihmawh bawl-uh ahitam., hihte theihhuai leh theihding akisam ahihi.
"Zomi cihteh Chin himah" cihcihleh tua Chin akici mite' lak-ah akguulmu bangbek lelngeel-in, "sungkhat hihang, namkhat hihang" vaci tuanlo., tuate' lak-ah kihello, tuate inzong bangmah-a sim khollo, a-Zomi akici mite' sung bekmah-ah munla, panla, thugen, lasa, akoici ahitam., hihte theihhuai leh theihding akilawm ahihi.
"Zomi cihteh Chin ahihi" aci Zomi lak-ah mipil-milian te-in tua uplehsaanna banghang-in Zomi akici mite' kiang bek-ah genngam-in, Chin akicite' lak-ah gen ngamlo-uh ahitam., hihte theihhuai leh theihding akilawm ahihi.
"Zomi cihteh Chin" ahihleh banghang-in CNF/A om-a, ZRO/A om ahitam., banghang-in CNP om-a ZCD om ahitam., banghang-in CBC om-a, ZBCM om ahitam., hihte theihhuai leh theihding kilawm thute ahihi.
Chin akici mite muhdah zenzending, gaalbawl laaizangding hilo-hi. Zomi akicite Chin-tawh nuhnau, paaikaan, nahvawh denkeei lohding cihna ahihi.
Kawl Gamukte-in Chin State sung-a minam khempeuh abeisa hunsung National Residency Card tung-ah "Chin" hong cihsak-pen minam sukkhapna thautang ahi kimlaai athumaan daan-a reference kiikkiik, quote kiikkiik peuhmah-pen Pu Peng mah cihding hizeel-hi. Akhangto gamliante-ah Nationality ( - gtn: Australian cbt) simloh, Victorian, Tasmanian cihte NRC or Passport tung-ah omlo, Citizenship Certificate tung-ahzong omlo-hi, banghanghiam cihleh tuate-in minam kihualna thahaatsak lo-hi.
Lunggulhna-pen:
"Zomi cihteh Chin ahihi" cihthu-pen Zomi akicite' kiang-ah I-gengen man-in kinialna longal bangmah phattuamna hongpia hetlo ahihman-in tua uplehsaanna apomkipte-in Zomi kici nuamlo-a Chin akici mite' lak-ah va-hahgen masa photleh practical panding cih kilangh mahmah-hi.
Lungdeih sinthu khaubang suutna hi-a, minam' ading sumlehpaai leh pilna siamna, thagui thatang piakzawh ka' neihloh kawm-in, "ka' hihtheih omsun" ci-in honggelh teeiteei ka-hihi. Deihna akituakkim keileh akituak sunsunte zuunkhawm dihni!
Zomi Pasian' Thupha!
Zokhai
Zomi khangthak adiak-in cihmawh gentheih ziak hitaleh lonona lunggulhna hitaleh minam nasepna khatpeuh-a manpanna ziak hitaleh gam thumna atung Zomi ataangpi-in "Zomi cihteh Chin hilo., Zomi-pen Zomi: kampheen kisamlo pau kisaangthei namteng" cihpen I-saangkim phial-a, I-pomkip kimciat dektak-phial khinhi. Ahizong-in I' mipil-milian neihsunsun (khenkhat) te-in "Zomi cihteh Chin ahihi" cihpen apomkip ngiat-uh ahihi. Amau' thumuhna leh ei khangthakte' thumuhna hong kitumpelh simsimta; amau' muhna siakmit-zong abaan zolo-in hongseh uhhi. Kei mimal muhna-ah mipil-ulian I' neihte pil taktakmah kasa-hi, minam' ading-in Kawl Gamukte' muhdah cih genloh a-sawi-et khaakding nangawn kidawm khiinkhian siam-mahmah kasa-hi. Pahtawi mahni! Ahizong-in tua mipilte pahtawina-tawh hunbei toto lelding sang-in amau' pomkip Minam Zungpi Saanzia ahimah-hiam, alampi maan mahhiam cih naakpi-a telgeh/kheh siam-a, amaante zuui-in akhialte pelhding kisam mahmah tahi.
"Prism of the Zo People" sung-a laigelh mipilteng-mah maaiguan-in "Brief Introduction of Zomi (2009)" -in English-tawh ka-gelh khin-a, Embassy tuamtuam leh AU Immigration Dept leh organisation pawlkhat-ah ka-puak ngei-hi. Tua sung-a Zomi-tawh kisai laigelh khempeuh-in Zomi acih-uhteh Chin State sung-a minamte bek hilo-in Mizoram, Manipur, Tripura, Chittagong Hill Tracks, Assam cihte ciangdong huam uhhi. Dr Vumson leh Pu Vumkhohau te' gelhna-zong tuabangmah ahihi. Hih laite "bias" ahihlam thei kahih man-in Conclusion-ah:
"Tu-in Chin State Leilulam minamte bek-in Zomi pomkip uh-a, Leitawlam khempeuh-in political benefit mitsuanna bek-tawh amau' kisapna ahilopi-mah 'Chin' kicizaw uh-a, 'Zomi' akici diakte naakpi-in deidan uhhi. Adiak-in CNF/A te' hiamgamh khutma tungtawn-in Zomi akicite naakpi-a hong khentuam bawlsiatna-uh kilangh-hi......"
ci-in thukhupna kabawl-hi. Hihpen Malaysia leh Australia Zomi context bek-tawh akigelh hilo-in, Kawlgam Chin State sung-a Zomi leh Chin akici mite' kaalthu huamkim-a akisuut ahihi. Chin State sung-a Zomite' tung-ah CNF/A te' khutlum hong tukna tamveipi kisuut zo-a, Zomi khempeuh phial-in ahoihkhom theiciat ding-uhhi.
Theihnop-huai or Theihhuai Thu:
"Zomi cihteh Chin ahihi" ci-a apomkip taktak I-hihleh Chin kicite-in Zomi akicidiakte' tung-ah khutlum angak laaitak banghang-in "innkuan kilemna" geello-uh ahitam., innkuan khat-mah kithah kivuak, sum kisuhding alungkimpih-mah ahi-uhtam., hihte theihhuai leh theihding kilawm honghi dinghi.
"Zomi cihteh Chin ahihi" cici napi-in banghang-in Chin minsel kipawlnate-ah Pu Nang Lian Thang leh Pu Kip Kho Lian te-nih longal kihello ahi-uhtam., amau-geel thaang-antah (bait) bang-a nei khiinkhian-uh ahimai-tam., theihhuai leh theihding kisam-hi.
"Zomi cihteh Chin" ahihleh banghang-in Chin or Laimi bek apomkip mite-in Zomi akicite anial, anolh, abawlsiat ciang-in "ei akibang hihang, pangkhawm nihang, ..." vaci tuanlo-in, kitheihmawh bawl-uh ahitam., hihte theihhuai leh theihding akisam ahihi.
"Zomi cihteh Chin himah" cihcihleh tua Chin akici mite' lak-ah akguulmu bangbek lelngeel-in, "sungkhat hihang, namkhat hihang" vaci tuanlo., tuate' lak-ah kihello, tuate inzong bangmah-a sim khollo, a-Zomi akici mite' sung bekmah-ah munla, panla, thugen, lasa, akoici ahitam., hihte theihhuai leh theihding akilawm ahihi.
"Zomi cihteh Chin ahihi" aci Zomi lak-ah mipil-milian te-in tua uplehsaanna banghang-in Zomi akici mite' kiang bek-ah genngam-in, Chin akicite' lak-ah gen ngamlo-uh ahitam., hihte theihhuai leh theihding akilawm ahihi.
"Zomi cihteh Chin" ahihleh banghang-in CNF/A om-a, ZRO/A om ahitam., banghang-in CNP om-a ZCD om ahitam., banghang-in CBC om-a, ZBCM om ahitam., hihte theihhuai leh theihding kilawm thute ahihi.
Chin akici mite muhdah zenzending, gaalbawl laaizangding hilo-hi. Zomi akicite Chin-tawh nuhnau, paaikaan, nahvawh denkeei lohding cihna ahihi.
Kawl Gamukte-in Chin State sung-a minam khempeuh abeisa hunsung National Residency Card tung-ah "Chin" hong cihsak-pen minam sukkhapna thautang ahi kimlaai athumaan daan-a reference kiikkiik, quote kiikkiik peuhmah-pen Pu Peng mah cihding hizeel-hi. Akhangto gamliante-ah Nationality ( - gtn: Australian cbt) simloh, Victorian, Tasmanian cihte NRC or Passport tung-ah omlo, Citizenship Certificate tung-ahzong omlo-hi, banghanghiam cihleh tuate-in minam kihualna thahaatsak lo-hi.
Lunggulhna-pen:
"Zomi cihteh Chin ahihi" cihthu-pen Zomi akicite' kiang-ah I-gengen man-in kinialna longal bangmah phattuamna hongpia hetlo ahihman-in tua uplehsaanna apomkipte-in Zomi kici nuamlo-a Chin akici mite' lak-ah va-hahgen masa photleh practical panding cih kilangh mahmah-hi.
Lungdeih sinthu khaubang suutna hi-a, minam' ading sumlehpaai leh pilna siamna, thagui thatang piakzawh ka' neihloh kawm-in, "ka' hihtheih omsun" ci-in honggelh teeiteei ka-hihi. Deihna akituakkim keileh akituak sunsunte zuunkhawm dihni!
Zomi Pasian' Thupha!
Zokhai
Post a Comment
Ngaihsutna hoih thei penpen tawh a nuai ah Comment na pia zel in maw Sanggam. Laigelh mite thapia in, mi a tampipi te muh theih dingin na Share kawikawi in. Lungdam.