Kei leh Jesus

Kei leh Jesus

Nang dinmun tawh aki tuak kha keilua hia. Nuam na sa kei lua hia. A hi bangbang kong gen suk ding hi. Mihingte ih tecianl zia leh, Jesus ih telcianzia ki bang hetlo hi.

Kei maw mihingten hong telcian semsem leh:
Hong ki haimuh semsem
Ka pilloh lam hong ki tel semsem
It huailo hong kisa semsem
Hong ki deihlo semsem
Hong ki-itlo semsem
Hong ki zakta lo semsem
Hong muanglo semsem
Hong ki muhdah semsem...cihdan hi.

Jesus maw mihingten tel semsem leng:
Ki pil muh semsem
It huai ki sa semsem
Ki zahtak semsem
Ki muang semsem
Piaktak ahihna ki tel semsem
Phattak ahihna ki tel semsem
Beltak ki sa semsem...gen ding tamlua hi veh aw.

Hih sungah thukhat om hi. Tua Jesus a neihten mite mihing mahin mu uh aa, tua mite Pasian bawlsa hi cih tel uh ahih manin mi nuntakna nawng kaisak lo uhhi. Ahi ding bangin muhdan siam uhhi. Kuami kuami Pasian bawlsa ahih manin neu et leh zahpih bawlnang thu om tuanlo hi. Lungdam.


Thawn Tuang
April 25,2015
www.zomi-angvaan.blogspot.com