Leitungah mihingte khat ciat in kisapna leh kicin lahna i nei aa, a langlam ah zong hoihna phatna leh picinna zong i ne teki hi. Mi a tamzaw te ahih uh leh akisapna, akicin lahnate bek uh kimu in lungkia thanem in vul ningniang aa, pawlkhat te leuleu bel tuate hangin lung himawh lo in, ahoihna, a phatna uh leh a picinna te uh tawh na hoih sem in a man nei nuntakna kisuah uhhi.
Hunkhat lai in, sumbawl papi khat pen guitar zuak in pai kawikawi aa, khuakhat khit khuakhat pai in zin khia hi. A pai kawikawi na ah a guitor a hoih teng khawng khin aa, a tawpna ah a hoih lopen ciding i hiam, mite deih lohpen khat bebek omlai hi.A dangte $50 in a zuak hina pi’n hih pen $ 30 in a zuak zong kua mah in deih lo uhhi. Tua ciangin $20 in zuak aa, kideih tuanlo hi. $10, $5 cih bang in khiam suksuk ta leh kilei thei mahmah lo hi. A man zong puak kik ding lah ut tuanlo paih liangding lah utlo ahih man in sun thapai a lei ding a muh loh tak ciangin Papi khat khiang ah a mawkna in a piak leh tua pa’n a zat nading theilo in sang nuamlo sawnsawn hi..A ma’n zong a zatding dan leh a kitum dan te lak aa, tua pa khiang ah a mawkna in phum mai hi..Papi pa pen khuata lampan hong zin hia a sanloh ding lah maitang zahtak huai sa in tumthei peuh mahlo ahih man in aman nading theilo in baang tungah khai hi.
Hun sawtpi khit ciang in tuakhua ah Pasian thungen khat hong pai aa, tuate inn ah hong tung citciat hi. Tua pa in hih Guitar a muh ciangin lungdam lua in Pasian thu a gen kawm in Pasian phatna late “Keitang kitam suangpi aw” “I mawhna leh I dahna te” Guitor tum khawm in ong sa aa, mipi te’n tha ngah in mitampi tak in Pasian hong theih lawh in hong ki-ap uhhi. A ni ani in mi ki behlap aa, Guitor tawh lasak a zanuam mipi hong ki behlap toto in a sawtna ciangin a khua vengte nangawn un Pasian thugen ding in sam uhhi.. Nidang in Kam bektawh a gen hia, mipite cim in lunglut mel lo uhhi. Tu in ahih leh a mi za asim in mi hong tam tetek hi..
Sanggam aw, na nuntakna bang mah manh kei na ci kha hiam? Lam et neilo in nang guak cih nading theilo in na mawk omom hiam? Na lawm na gual leh midangte in hong nawl khin in hong pampaih aa, kiman na neilo mival bangin na om hiam? Lung himawh kei-in, hong bawl Topa khut sungah na nuntakna ki-ap in, Topa kizek sak in, Topa adingin tuni in kipia khia in. A mannei nuntakna hong suaksak ding hi.... Bang mah a manlo Guitar pen Topa phatna dingin a kizat tak teh mitampi te Topa khiangah kai hi. Mi tampi takte lungsim kikhel sak in nalianpi sem hi. Jermiah 18:4 (Belsekpa khutsung aa aki ap bel kitamh pen, belsekpa in a hoih in a bawl pha thei hi. Bang mah a manhlo na nuntakna Topan hong bawlpha dinga, na hoihnate topan hong tawisang ding hi. Topa minthanna hitahen.
Topa tawh tonkhawm in napaina peuh ah, lampi hong hilh ding hi khuamial nasungah.
Avang in na lampi hong tangsak ding hi, keungaw gam zong lono a hong suaksak ding.
Tonkhawm in hangtak mainawt in.....(Na zom vo le...)
Philipkhaipu
Hunkhat lai in, sumbawl papi khat pen guitar zuak in pai kawikawi aa, khuakhat khit khuakhat pai in zin khia hi. A pai kawikawi na ah a guitor a hoih teng khawng khin aa, a tawpna ah a hoih lopen ciding i hiam, mite deih lohpen khat bebek omlai hi.A dangte $50 in a zuak hina pi’n hih pen $ 30 in a zuak zong kua mah in deih lo uhhi. Tua ciangin $20 in zuak aa, kideih tuanlo hi. $10, $5 cih bang in khiam suksuk ta leh kilei thei mahmah lo hi. A man zong puak kik ding lah ut tuanlo paih liangding lah utlo ahih man in sun thapai a lei ding a muh loh tak ciangin Papi khat khiang ah a mawkna in a piak leh tua pa’n a zat nading theilo in sang nuamlo sawnsawn hi..A ma’n zong a zatding dan leh a kitum dan te lak aa, tua pa khiang ah a mawkna in phum mai hi..Papi pa pen khuata lampan hong zin hia a sanloh ding lah maitang zahtak huai sa in tumthei peuh mahlo ahih man in aman nading theilo in baang tungah khai hi.
Hun sawtpi khit ciang in tuakhua ah Pasian thungen khat hong pai aa, tuate inn ah hong tung citciat hi. Tua pa in hih Guitar a muh ciangin lungdam lua in Pasian thu a gen kawm in Pasian phatna late “Keitang kitam suangpi aw” “I mawhna leh I dahna te” Guitor tum khawm in ong sa aa, mipi te’n tha ngah in mitampi tak in Pasian hong theih lawh in hong ki-ap uhhi. A ni ani in mi ki behlap aa, Guitor tawh lasak a zanuam mipi hong ki behlap toto in a sawtna ciangin a khua vengte nangawn un Pasian thugen ding in sam uhhi.. Nidang in Kam bektawh a gen hia, mipite cim in lunglut mel lo uhhi. Tu in ahih leh a mi za asim in mi hong tam tetek hi..
Sanggam aw, na nuntakna bang mah manh kei na ci kha hiam? Lam et neilo in nang guak cih nading theilo in na mawk omom hiam? Na lawm na gual leh midangte in hong nawl khin in hong pampaih aa, kiman na neilo mival bangin na om hiam? Lung himawh kei-in, hong bawl Topa khut sungah na nuntakna ki-ap in, Topa kizek sak in, Topa adingin tuni in kipia khia in. A mannei nuntakna hong suaksak ding hi.... Bang mah a manlo Guitar pen Topa phatna dingin a kizat tak teh mitampi te Topa khiangah kai hi. Mi tampi takte lungsim kikhel sak in nalianpi sem hi. Jermiah 18:4 (Belsekpa khutsung aa aki ap bel kitamh pen, belsekpa in a hoih in a bawl pha thei hi. Bang mah a manhlo na nuntakna Topan hong bawlpha dinga, na hoihnate topan hong tawisang ding hi. Topa minthanna hitahen.
Topa tawh tonkhawm in napaina peuh ah, lampi hong hilh ding hi khuamial nasungah.
Avang in na lampi hong tangsak ding hi, keungaw gam zong lono a hong suaksak ding.
Tonkhawm in hangtak mainawt in.....(Na zom vo le...)
Philipkhaipu
Post a Comment
Ngaihsutna hoih thei penpen tawh a nuai ah Comment na pia zel in maw Sanggam. Laigelh mite thapia in, mi a tampipi te muh theih dingin na Share kawikawi in. Lungdam.