COVID 19 PANIN:
1. Mihingte bangmah i hih lohna hong phawksak, pilna siamna, galvan hoih penpen nei-in kimuang mahmah leng zong, Pasian loin hih natna hik do nading a cimawh mahmah i hih lam kimu hi.
2. Biakinn ah kikhawm thei nawn loin i om ciangin Pawlpi (Church) i cih pen a biakinn hi loin a sung a kikhawm eite i hihna kimu hi. Pawlpi taktak i cih pen khut tawh kilam hi loin Jesu sisan tawh hong tatkhiatte i hi uh hi.
3. Innkuan a kikhawl man lote kikholh nading hun hong kipia hi. Zi le tate tawh hun manpha takin i zat theih leh a hampha mahmah i hi ding hi. Nupa ki-it lote zong kimaisakna, ki-itna hunin i zat ding deihhuai mahmah hi.
4. Leitung bup sum le pai haksatna lianpi hong tung ding hi. Corona virus hong tunma i nuntakna leh hong tunzawh i nuntakzia kibang ngei nawn lo ding hi. Gam khangto penpen i cihte zong hong niamkiat mahmah ding hi.
5. Inn ah i om leh mihing kisap i cih pen na tam khawl het lo hi. Khedap bulh 10 nei leng zong kizang nawn lo a, necktie awh ding 20 nei leng zong i innsung ah ki-awk lo hi. I nuntakna ah kisap taktak i cih na tam lo cih hong musak hi.
6. Pawlpite'n "media" kisapna kimu ciat hi. Nidangin youtube, whatapps leh Facebook khawng i thupi sim khak kei leh zong tutung i tuah a kipanin media lam Pawlpite'n i limzat ding a kisapna hong musak hi.
7. I kiim le kiang ah gilkial dangtak hong om ding uh hi. Gilkial luat manin puksi hong om ding hi. Tuhun pen Jesu nungzui i hihna mite muh theih dingin na pha i sep theih hun ahi hi. A cimawhte bek hi loin cina, pitek putek amau tha tawh van lei dingin vakkhia thei lote zong i vaihawmpih i huh ding ahi hi.
8. Lai Siangtho simna, laibu hoih simna hunin i zat leh a hampha mahmah i hi ding uh hi. Sumbuk kikhak, sanginn kikhak manin bangmah sem thei lo kihi loin, i sep theih ding ngaihsun leng tampi mah om ding hi. Phone tawh midangte hopih in thapiak hun dingin zong zat ding hi.
9. Thungetna hunin zang inla, sihna a tuakte le a thuak gamte thungetsak in. Late 91 sungin Topa pulnatna panin i kidalna hi cih i mu hi. Topa'n hong kem ding hi ci-in maituamna, khutsilna leh mi tawh kizopna i kikep kei leh ngaihsun khial i hi ding uh hi. Topa in hong kem ding hi, ahi zongin eima kikep theihna ciangciang ah i kikep ding eite vaipuakna hi.
10. Hih hunsungin na khalam thadimna dingin "pumpi tawlngakna" (Physical rest), "khalam thalakna" (Spiritual edification) leh "eimah ki-etna, kisitna" (Self evaluation) in zat ding hi. Tanglai thu um mite'n Pasian aw za dingin gamdai a pai bangun nang zong hih hunsungin Topa aw ngaihna in zang in.
Sia JM Paupu
1. Mihingte bangmah i hih lohna hong phawksak, pilna siamna, galvan hoih penpen nei-in kimuang mahmah leng zong, Pasian loin hih natna hik do nading a cimawh mahmah i hih lam kimu hi.
2. Biakinn ah kikhawm thei nawn loin i om ciangin Pawlpi (Church) i cih pen a biakinn hi loin a sung a kikhawm eite i hihna kimu hi. Pawlpi taktak i cih pen khut tawh kilam hi loin Jesu sisan tawh hong tatkhiatte i hi uh hi.
3. Innkuan a kikhawl man lote kikholh nading hun hong kipia hi. Zi le tate tawh hun manpha takin i zat theih leh a hampha mahmah i hi ding hi. Nupa ki-it lote zong kimaisakna, ki-itna hunin i zat ding deihhuai mahmah hi.
4. Leitung bup sum le pai haksatna lianpi hong tung ding hi. Corona virus hong tunma i nuntakna leh hong tunzawh i nuntakzia kibang ngei nawn lo ding hi. Gam khangto penpen i cihte zong hong niamkiat mahmah ding hi.
5. Inn ah i om leh mihing kisap i cih pen na tam khawl het lo hi. Khedap bulh 10 nei leng zong kizang nawn lo a, necktie awh ding 20 nei leng zong i innsung ah ki-awk lo hi. I nuntakna ah kisap taktak i cih na tam lo cih hong musak hi.
6. Pawlpite'n "media" kisapna kimu ciat hi. Nidangin youtube, whatapps leh Facebook khawng i thupi sim khak kei leh zong tutung i tuah a kipanin media lam Pawlpite'n i limzat ding a kisapna hong musak hi.
7. I kiim le kiang ah gilkial dangtak hong om ding uh hi. Gilkial luat manin puksi hong om ding hi. Tuhun pen Jesu nungzui i hihna mite muh theih dingin na pha i sep theih hun ahi hi. A cimawhte bek hi loin cina, pitek putek amau tha tawh van lei dingin vakkhia thei lote zong i vaihawmpih i huh ding ahi hi.
8. Lai Siangtho simna, laibu hoih simna hunin i zat leh a hampha mahmah i hi ding uh hi. Sumbuk kikhak, sanginn kikhak manin bangmah sem thei lo kihi loin, i sep theih ding ngaihsun leng tampi mah om ding hi. Phone tawh midangte hopih in thapiak hun dingin zong zat ding hi.
9. Thungetna hunin zang inla, sihna a tuakte le a thuak gamte thungetsak in. Late 91 sungin Topa pulnatna panin i kidalna hi cih i mu hi. Topa'n hong kem ding hi ci-in maituamna, khutsilna leh mi tawh kizopna i kikep kei leh ngaihsun khial i hi ding uh hi. Topa in hong kem ding hi, ahi zongin eima kikep theihna ciangciang ah i kikep ding eite vaipuakna hi.
10. Hih hunsungin na khalam thadimna dingin "pumpi tawlngakna" (Physical rest), "khalam thalakna" (Spiritual edification) leh "eimah ki-etna, kisitna" (Self evaluation) in zat ding hi. Tanglai thu um mite'n Pasian aw za dingin gamdai a pai bangun nang zong hih hunsungin Topa aw ngaihna in zang in.
Sia JM Paupu
Post a Comment
Ngaihsutna hoih thei penpen tawh a nuai ah Comment na pia zel in maw Sanggam. Laigelh mite thapia in, mi a tampipi te muh theih dingin na Share kawikawi in. Lungdam.