ZEHTANG LEH ZEHPHIT
Khanglui lai in Zomi te in khua a kisat ciangin kimawksat lo hi. Siampi, Hausa, Tangko, Tuinakkhuat, Tualteek, Tualtanu, Siikseek leh Khuangtum a omlohin khua kisat ngeilo hi. Tuikhuk khuatte kisawl masa a, tuihoih tuilim amuh ciangin khuasat pan uh hi. Amasa penin Khuasiam ding, ahu akem ding sapna bawl masa uh a, tua pen Tualbia kici hi.
Tualbiakna dingin vok zang uh hi. Tualbiakna pen Khuatangpi aa hi-a, lawhta-in zu kidong hi. Tualbiakna Vok leina ding lawhta mahin an dong uh a, a bei khempeuh tangpi sik ahi hi.
Khua dingin gamtak leihoihna kizuan a, a lauhuai sapite leh dawi leh kau , gulsia tangsiate , ngia leh vompi sahangte, pulnatna tuamtuamte nawkkhakna panin ahung-akem dingin Asiam ahi Khuasiam khai masa hi. Khai cihpen bia, lungkimsak, thoih cihna hi. Tua pen Tualbiakna kici hi. Tualbiak nasep leh Sialsawm (Lawm annek) kizom tawntung hi.
Tua Biakna ah khuamite cidamna dingleh kithutuahna ding, guahtui hoihna ding, ankung susia thei lungnote a omlohna ding, gah leh paak hoihtak aneihna dingin kingen hi.
Zehtang;
Tualbiakni zingciangin Zehtang uh a, kuamah Lo kikuansak lo, leigil suaksak lo, Singno leh lopahing sisuah lo uh hi. Kahna leh gamlumna bawllo (misi aneih uleh tuani-in guilo) uh hi. Gualnopna khuang leh zam gingsak lo hi.
Zehphit;
Zehphit ci-in thukham palsat a om ciangin guahtuiluan hoihlo hi. Ngalhawk in lolai ankungte nawksia thei hi. Khuasung thusia-lasia piang thei hi. Pulnatna tuamtuam in nawk thei hi. Tua ahih ciangin Zehphit a omleh a beikhempeuh kiloh sak in Tualbiakna bawlpha kik uhhi.
Moses Thukham zehphit te tawm en dih ni;
Vankah leh aisan te;
Numei ahi a, pasal ahi zongin van a kah a, ai a saan leh kithat ding a, suang tawh amaute kidenglum ding hi. Amau’ sihna amau mah ngawh ding ahi hi,” a ci hi. (Siampi laibu 20:27)
Pasian min a samsia khat;
Tua ahih ciangin Moses in Israel mite tungah hih thu a gen hi. Amaute in a samsia mipa giahphual pualamah paipih uh a, suang tawh a denglum uh hi. Topa in Moses a thupiak bangin Israel mite in a hih uh hi. (Siampi laibu 24:23)
Sabbath tanglo khat pa;
Mihonte khempeuh in giahphual pua-ah amah paipih uh a, Topa in Moses a thupiak bangin suang tawh amah a denglum uh hi. (Gamlak vakna 15:36)
Moses Thukham palsat te zong zehphit mah ki ci a, suang tawh deng lum uhhi. Pasian nasem siampi za (Ordination) a ngah te in Ordination a ngah uh zahtak lo in a om ding kilawmlo hi. Pasian min tawh siampi te zangin kitenna siangtho a bawl te in a kitenna uh a zahtak lo in a om ding uh kilawm lo hi.
Moses Thukham leh Zomi te khanglui biakna te ah zehtang leh zehphit tuazah in thupi ahih leh Sangpen Pasian a bia Christian te a dingin zehtang leh zehphit zong thupi mahmah kha dinghi. Hehpihna hun hitah ci in Padian thudon lo in mawk om dinghi hilo hi. Pasian thu zuih ding pen Thukham bangin ih gen ciangin ki pum zakdah kha zel hi. A taktak in zehtang leh zehphit pen Thukham te lakah a khauh penpen ahihi.
Tua ahih manin a thupi mahmah hih hotkhiatna thudon loin i om leh suahtakna om thei ngei lo ding hi. (Hebrew 2:3)
A gelh : NK Nang
Khanglui lai in Zomi te in khua a kisat ciangin kimawksat lo hi. Siampi, Hausa, Tangko, Tuinakkhuat, Tualteek, Tualtanu, Siikseek leh Khuangtum a omlohin khua kisat ngeilo hi. Tuikhuk khuatte kisawl masa a, tuihoih tuilim amuh ciangin khuasat pan uh hi. Amasa penin Khuasiam ding, ahu akem ding sapna bawl masa uh a, tua pen Tualbia kici hi.
Tualbiakna dingin vok zang uh hi. Tualbiakna pen Khuatangpi aa hi-a, lawhta-in zu kidong hi. Tualbiakna Vok leina ding lawhta mahin an dong uh a, a bei khempeuh tangpi sik ahi hi.
Khua dingin gamtak leihoihna kizuan a, a lauhuai sapite leh dawi leh kau , gulsia tangsiate , ngia leh vompi sahangte, pulnatna tuamtuamte nawkkhakna panin ahung-akem dingin Asiam ahi Khuasiam khai masa hi. Khai cihpen bia, lungkimsak, thoih cihna hi. Tua pen Tualbiakna kici hi. Tualbiak nasep leh Sialsawm (Lawm annek) kizom tawntung hi.
Tua Biakna ah khuamite cidamna dingleh kithutuahna ding, guahtui hoihna ding, ankung susia thei lungnote a omlohna ding, gah leh paak hoihtak aneihna dingin kingen hi.
Zehtang;
Tualbiakni zingciangin Zehtang uh a, kuamah Lo kikuansak lo, leigil suaksak lo, Singno leh lopahing sisuah lo uh hi. Kahna leh gamlumna bawllo (misi aneih uleh tuani-in guilo) uh hi. Gualnopna khuang leh zam gingsak lo hi.
Zehphit;
Zehphit ci-in thukham palsat a om ciangin guahtuiluan hoihlo hi. Ngalhawk in lolai ankungte nawksia thei hi. Khuasung thusia-lasia piang thei hi. Pulnatna tuamtuam in nawk thei hi. Tua ahih ciangin Zehphit a omleh a beikhempeuh kiloh sak in Tualbiakna bawlpha kik uhhi.
Moses Thukham zehphit te tawm en dih ni;
Vankah leh aisan te;
Numei ahi a, pasal ahi zongin van a kah a, ai a saan leh kithat ding a, suang tawh amaute kidenglum ding hi. Amau’ sihna amau mah ngawh ding ahi hi,” a ci hi. (Siampi laibu 20:27)
Pasian min a samsia khat;
Tua ahih ciangin Moses in Israel mite tungah hih thu a gen hi. Amaute in a samsia mipa giahphual pualamah paipih uh a, suang tawh a denglum uh hi. Topa in Moses a thupiak bangin Israel mite in a hih uh hi. (Siampi laibu 24:23)
Sabbath tanglo khat pa;
Mihonte khempeuh in giahphual pua-ah amah paipih uh a, Topa in Moses a thupiak bangin suang tawh amah a denglum uh hi. (Gamlak vakna 15:36)
Moses Thukham palsat te zong zehphit mah ki ci a, suang tawh deng lum uhhi. Pasian nasem siampi za (Ordination) a ngah te in Ordination a ngah uh zahtak lo in a om ding kilawmlo hi. Pasian min tawh siampi te zangin kitenna siangtho a bawl te in a kitenna uh a zahtak lo in a om ding uh kilawm lo hi.
Moses Thukham leh Zomi te khanglui biakna te ah zehtang leh zehphit tuazah in thupi ahih leh Sangpen Pasian a bia Christian te a dingin zehtang leh zehphit zong thupi mahmah kha dinghi. Hehpihna hun hitah ci in Padian thudon lo in mawk om dinghi hilo hi. Pasian thu zuih ding pen Thukham bangin ih gen ciangin ki pum zakdah kha zel hi. A taktak in zehtang leh zehphit pen Thukham te lakah a khauh penpen ahihi.
Tua ahih manin a thupi mahmah hih hotkhiatna thudon loin i om leh suahtakna om thei ngei lo ding hi. (Hebrew 2:3)
A gelh : NK Nang
Post a Comment
Ngaihsutna hoih thei penpen tawh a nuai ah Comment na pia zel in maw Sanggam. Laigelh mite thapia in, mi a tampipi te muh theih dingin na Share kawikawi in. Lungdam.