0
1. Jack Tarmiel

 
Hi mipa pen Commodore computer hong bawlkhia pa a hihi. Hih mipa pen 1945 April kha- galpi nihna lai in US galkap sungah lut hi. German te bawlsiatna pan a galtai mah a hihi.
Galkap sungah na kisia, setvan kisia te a puah a hihi. Kumsawtpi tuabang a sepkhit ciangin a kholsa sumte tawh laigelhna set khat hong leizo hi.

Tuabang tengtawh hong kipan toto a, 1960-1970 kum ciangin personal computer hong bawlkhia thei mawk hi.

2. Nathan Shapell

pen galpi nihna lai in German te’n thahdingin a matsa a hihi. A taklam khuttungah ciaptehna 134138 ci in tattoo kigelh sitset hi. Kaamphatna lianpi tawh bawlsiatna thongpan suakta thei aa, 1950s in US gam hong tung hi.

Cimawh buk ah om masa in tuapan, inn nasem in hong om hi. A sawtlua lo in a lianpen innlam nasep, leitangtawh kisai nasep a neipa hong suak zo veve lai hi.

3. Fred Kort

leuleu pen Trevlinka bawlsiatna mun (concentration camp) a om mi tul tampi lakpan a suakta mi 9 lak ah khat a hihi. US a tunma in a innkuanpih khempeuh mukha nawnlo a, a mahbek guaktangin a suakta a hihi.

Sum neilo, puanneilo, melsia, gilkial dangtak in galtai a hihi. Nasep neupen mahtawh hong kipan aa, a hun ngahsim in naumilim bawl hong sem hi.

Tua nasep bekbek tawh hauhcihtak a hau mi hong suak leuleu hi. A company pan a kibawl naumilim a omlohna inn a omloh zahdongin hong lawhcing hi.

4.Felix Zandman

zong thah ding a kizonna pan leihawm sungkhat tawn in hong suakta ciamciam mi a hihi. Ni tampi mikiang ah nektawm ding an a ngenpa ahihi.

A sawtlua lo in leitungah a minthang Vishay Intertechnology hong phuan khia a, setvan thupi tampi a kibawlna company a neipa hong suak hi.

A lungsim puakzia uh

Hih mite khempeuh bemguak vive tawh a kipan hiaa, ahizongin a lawhcindan uh genzawh hilo hi. Hih mite lawhcinna thusim khat om a, tua pen: tuni ka pianzia in zingciang ka lawhcinna ding hong khaktan theilo hi. Tuni leh zingciang kisai lo hi’ cih lungsim nei tentan uh hi. Lungneu, lungkham, khasia, lungkia cih te zangvetlo uh hi.

Hi Jew mite’ lungsim puakzia in Hauhna leh Lawhcinna lianpi a ngahsak uh a hihi. Tua lungsim tawh ei zong mainawt ding hihang. Siamsin Library

Post a Comment

Ngaihsutna hoih thei penpen tawh a nuai ah Comment na pia zel in maw Sanggam. Laigelh mite thapia in, mi a tampipi te muh theih dingin na Share kawikawi in. Lungdam.

 
Top