Pu Pau Lun leh Kei
Zomite' tangthu ah mopawi thupi mahmah khat hong bawlkhia Pu Pau Lun Min Thang i mopawi ah moliah in ka om ciang in pawlkhat in lamdangsa in dotna tampi om hi. Tua tungtawn in mipi in zong theih huai kasak thu pawlkhat sut ding hoih kasa hi. Pu Pau Lun i min ka puaksak hang in Pu Cin Sian Thang te Pu Thang Lian Pau te' min khawng leh min tuamtuam zong hong kihel ding hi. Akumkum in atom theipen in sutto ni:
2004 - 2005 Kum
Pu Pau Lun' min kazak cil pen 1999 kum hi. India ah LST sangkah ding in kapaitoh ciang in Tonzang pan kapu Michael/Suan Lamh Mang {L} in Cikha tawn in Lamka dong hongkha hi. Cikha katun uh ciang in "Pau Lun' khua hi ei hih. Hau mahmah tading ahi" hong ci hi. Tua pen amin kazak cilna hi.
2004 kum India pan kaciah khit asawtlo in Pu Do Khan Khup (Chin United FC) makai in Zangkong CBC biakinn ah stage show khat hong bawlpih a ken bass guitar katum hi. Tua pawi ah zong mikhat in "Pau Lun in zong hong en ei" acih ka zakha hi.
2004 kum hiam 2005 kum hiam thei nawn keng India pan in Zomite' music kungpu Pu Go Hau Zangkong hong hawh a tualaitak a Sia Nang Thawn Tuang' biakinn ah Pu Lengtong Kam Khen te makai in tutpihna kinei hi. Tua lai ah Pu Pau Lun in zong thugenna nei hi. Ami kamuh cilna hi. Hunman ciang in kava bansah phei leh aman zong hong na thei bilbel ahih man in kihona hong nuam peuhmah hi. Tua a kipan kimu zeuhzeuh in ka kiho zeuhzeuh zel uh hi.
2006 Kum
Dimlo khuasuak US a teng Sia Khai Pau in TS Khai VCD bawlsak ding cih thu kaza hi. Tualaitak in ZOMUS (Zomi Music Uplift Society) ah Vice President kasep laitak hi. Pu En Khan Nang (Thangtawng' Pa) in President sem hi. President pu khual zinzin ahih man in ken Acting President kasem zaw hi. TS Khai in ZOMUS in hong panpih un acih ciang in ZOMUS mintawh bawl ding in sum sazian pen ZOMUS in lenlo ding ci'n thukimna kanei uh hi. Upmawh sangin langpanna tampi hong om ciang in Pu Pau Lun mah ka kuppih uh a aman zong hong dinpih tinten pah hi. Tuabang teng tawh lawhcinna kingah a Zomite' neih masak penpen ahi Live Recording taktak kinei zo hi. (Thukimna omsa mah bang in hih DVD bawlna tawh kisai sum bangzah bei a bangzah kingah kik cihpen ZOMUS in theihpih lo hi.)
Kilemna
"Pu Cin Sian Thang te leh Pu Thang Lian Pau kisia uh in Pu Thang Lian Pau India lam taito" cih thu kazak sawt mahmah ta hi. 2006 kum ciang in ka ngaih sutsut teh Zomi te'n leitung pianzawh Zomi min tawh MP 2 ih neih sunsun kilem kei mawk leh mailam ah hoih mawk ding hiam cih veiina lianpi kanei hi. Bang cih leng ka lemtuahzo tam maw cih ka ngaih sunden hi. Nitak khat Pu Cin Sian Thang tawh saikhat ah nitak an nekhawm in zulim mahmah khat kalup hi. Kiho dan hong nop mahmah ciang in "Sia Pau tawh hong kilem kik le uh cin ut mahmah veng aw Pa Thang. Kilemkik ding nang e na lunggulh hia?" kacih leh "Let bygones be bygones." ong cih lian ciang in zuangawp nuam zahdong in ka lungdam hi. Abeisate abeisa bang hita hen acihna hi. Tua te nusiat ding hita ong cihna hi.
Keizong Pu Pau Lun leh Dr Khen Za Sian te sam in ka project (ka sepsawm pen) kagen hi. Na nih un hong kithawi unla paito ni ci'n kazawn hi. Anih un hoihsa tuak napi uh in hong zuimanlo uh hi. Sia Khen Za Sian in laikhat ngen inla tua puato in hong ci ahih man in kei zong Pu CIn Sian' kiang lai kanget leh amah leh ZNC tang a hong paisak ahihna mikang lai in ZNC Letterhead tawh hong pia pah hi. Tua hun laitak in ZRO gamdang vuanzi Pu Steven Suan Mang (tu'n Washington DC ah om) in Aizawl ah kha khat sung nainganzi tentan kahding mi 2/3 hong zawn inla hong kuanto in acih tawh kituak hi. Kei zong tualaitak a kawlgam ah aminthang computer sang ahi KMD ah asem ka lawm Do Lem Kim (tu'n Texas, US ah om) kazawt leh hong ut bilbel hi. Tualaitak amah zong a Pa kumpi nasem ulian khat ahih man in apa khem in Aizawl ah nainganzi sin ding in hong zuito hi.
Tua hun laitak mah in Mizoram a om Zomi te'n Tonsim ah pawipi khat bawlsawm uh a kawlgam pan lasiam 2/3 hong zonsak in ci'n Pu J Thang Lian Pau' tungtawn in hong cial uh hi. Kei zong kawlpi ah Pu Lengtong Pauno ka zawnto pah hi. Tedim ah Sianu Cing San zong ka zawn uh hi. Ahi zong in ama'n hong zuitheilo hi. Pu Lengtong Pauno, Pu Do Lem Kim, Laituite khat, tualaitak a Tonzang Khualaiveng hausa kapu Pu Thang Lam Pau tawh ka 5 un Tedim pan Tonsim ah pawi sim khit teh Aizawl ah kha 1 sung nainganzi kasin uh hi. Ka siate uh pen Dr Sui Khar, Salai Lian Hmung Sakhong, Victor Biak Lian, Salai Lingling, Cherry Zahau cihte pawl hi.
Aizawl pan in ZRA phualpi khat ahi Mt Sinai ah "The First Chin National Assembly" kava kah uh hi. Tua mun ah Pu Cin Sian' hongpiak lai pen convening committee te' kiang ka ap hi. Tua committee sung ah Pu Steven Suan Mang leh Pu GS Mang (tu'n kawlpi ah om) zong om hi. Ka lungtup pipen ahi Pu Thang Lian Pau leh Pu Cin Sian Thang kikal kilemhkikna hong piang peetpeet ahih man in tuni dong kalung dam ngaungau hi.
2007 - 2010 Kum
ZOMUS president Pu En Khan Nang in Malaysia lam hong paisanta ahih man in Pu Pau Lun president in kateel uh a, hih kum 4 sung nakpi tak in ka kithuah uh hi. Hih hun sung pen Than Shwe akhauh mahmah hunsung ahih man in ZNC nasepna tha hongpia ngam ding kikhat mahmah hi. Sumbawl sung pan ZNC akipat cil pek pan ana panpih den ahi Pu SB Len Cin Thang leh atupa Pu SB Langhno (Tu'n Portland, US ah om) te khitteh Pu Pau Lun khawng bek mah ka theikha hi. Biakna makai lam pan in EBC siate leh ZBCM siate in hong panpih mahmah hi. Gampua lam ah Japan pan Pu Nang Lian Thang (tua lai amah CNF hinailo) leh US pan Pu Go Sawm Khup te'n hong panpih mahmah hi. Anung lam teh WZC kiphuan a tua in zong hong panpih mahmah hi. Tua teng ka phawkkhak pak hong panpih phadiak teng hi.
2011 - 2014 Kum
Hih hunsung pen kei gilbem sung ah ka om hun hi. Pu Pau Lun in 3 vei vilvel hong veh hi. Khat vei Sia Zel Khaw Suan leh Pu Zam Za Mung (tu'n ZCD GS-1) tawh hong veh uh hi. Khatvei bel Pu Cin Sian Thang tawh Naypyitaw ah census vai pai aciah lam un hong baang uh hi. Thu tampi ka kikum thei uh hi. Pu Cin Sian hong banpih nop luatna hang tawh mawtaw kawm ahih man in lawmte pawl khat in telkhial in minsiat lawh dektak liang hi. Pu Cin Sian tawh ka kimuh ding uh adeih luatna hizaw hi. Athumveina ah bel ka Nu leh ka sanggam numeite hong hawhpih hi.
2015 kum
July kha 16 ni in Tedim ZCD khawmpi ah ka kahkhawm uh hi. 17 ni hong nusiasa Pu Suan Dal Pau' mawtaw tawh Tonzang ka kahto uh hi. Pu Pau Lun leh Pi Cing Ngaih Mang tawh ka 3 un "Zomi party ih hih teh" ci'n Zogam hotel ah ka tung uh hi. 18 ni zingsang lam in Pu Pau Lun tawh ZCD pan kuanglui ding in Sia Am Cin Pau ka zot uh leh hong utlo hi. Tonzang khangthak sungpan thudot huai kasak uh ahi Pu Thang Khaw Lian' kiang ah bang cih ding ih hiam ci'n kavadot uh leh Tung Tuang a kapu Sia Tual Lian vazol un hong ci hi. Ko zong taisuk pah in kava zol uh hi. Ka ngahzo tuankei uh hi. Ka 3 un Tedim ka zuansuk kik uh hi. 19 ni Tedim EBC biakinnpi ah kikhawm in haksat hun a hong panpihnate uh lungdam koh khit ciang in kawlpi ka zuansuk uh hi. Ka 3 un Chin Taungtan Hotel ah ka tung uh hi. Pu Pau Lun in kei na taam lai ning hong cih ciang in 20 ni kei leh Pi Cing Ngaih Mang vanleng tawh Zangkong ka zuansuk uh hi.
Thu Lamdang
Pu Pau Lun in zan khat na taam lai ning acih ciang in majesty hotel hih zah a minthang bangci hiam zong thei nuam hang in tuah na giak mai in ka ci hi. 20 ni vanleng tual zuankawm in Pu Pau Lun atunna ding Majesty Hotel ah kava kha hi. Room nambat 111 ah tung hi. Aden teh Pi Cing Ngaih Mang tawh vanleng sung ah ka tutna mai vuah news paper (tadensa) pawlkhat na om a atungnung pen ah 7 Days tadensa na om hi. 7 Days tadensa i frontpage (atuamna tung) ah "Kitel ni ding ni 111 bek in kisam lai" ci'n laimal golpi in kigelh viavua hi. Tua ka-et kawm in Pu Pau Lun' tunna room nambat ka mitkha ah hong suak in kabil hong puaklak hi. Kei zong Pi Cing Ngaih Mang' kiang ah "Ih lawmpa bel misuak in cei" kaci pah hi. Pi Cing Ngaih Mang in zong "Kei e leh ?" hong cipah a ka kimuh sial un hong dong den hi.
2016 Kum
ZIUSA te' sapna tawh January kha 31 ni US leng tading kahih man in ka paima deuh in Pu Pau Lun kitelna ah guahzawhna hong ngah lungdampihna kawm in nitak an ka nekpih hi. Wartan street a Doron Restaurant ah kanekpih hi. Aisanip kan limsa ing ci ahih man in tuazong ka vaikhak uh a kei zong ka nek cilna hipah hi. "Nang pen aniam penpen vuanzi (minister) suak ding na hi" ci'n ka vaikhak hi. Zozum ah zong hih thu kitelma pek in ka genngei hi.
2017 Kum
US pan in 2016 kum December 22 ni katungkik a zan 2 inn ah ka giah khit teh Shan gam lam ah gospel ka pai hi. December 31 ni Mogoke katung uh a kumthak Mogoke a Immanuel pawlpi te tawh ka zangkhawm uh hi. Kumthak LST sawkna ah anuai a kangah hi.
Samuel Masa 2:8
Amah in leivui panin mizawngte phongto a, amah in a cimawhte a lungkhamna panun a phongto hi. Uliante tawh tukhawmsak a, minphatna ngahsak hi. Bang hang hiam cih leh leitung khuampite Topa a’ hi a, tuate tungah amah in leitung pumpi a koih hi.
Ka LST ngah tha kangah mahmah a lamdang zong kasa mahmah hi. Kum thak ni Immanuel pawlpi ah ka LST mun ngah bulphuh in sermon ka pia pah hi. Bek thamlo in ka facebook ah zong ka suaksak hi. Tukum sung na lamdang khat piang ding cih ka theipah gige hi. Van Thio mun ah hong koih mahmah ding uh ahia bang ahia kaci phial hi. Bhh cih leh eipau ah "Uliante" acih pen kawl LST ah Minthar ci a mikang LST te ah zong Prince kici hi. Ulian hi ningniang beklo hi. Kumpi/kumpipa' tapa zah a lian ahi hi.
Tuabang teng tawh 2017 kum kumlang bang hong tundong bangmah thu lamdang lua omlo ahih man in ka ngaklah simta hi. Tua laitak in Pu Pau Lun in ong hongpih a "Mopawi nong siim zo diam?" hong ci hi. "Nong sap tangial leh vaiteng nusia in hong pai lian ning" kaci hi. "Ken nang manlah lua naihteh hong paiman kei khale cin ci a midang khat na hopih khin veng in maw; mo hong liah thei lecin hoih ding hiveh aw. Kalawm sung ah tangval nangbek omlai teh" ong ci hi. Asawtlo in hong hopih kik a "Hia pen na cancel khin ing in moliah ding in hong kithawi o" hong ci hi. Tua zawh asawt lo in hih thu teng lungngai in ka om leh Mogoke a ka LST sawk ka phawk hi. Ka lungsim sung ah "Hih Pu Pau Lun pen kumpi/kumpipa' tapa hi samlo hiveh aw" kacih leh Pasian in amah tua mun ah koih ahih lam hong telsak ahih man in ka lungdam mahmah hi. Ka LST ngah hong tangtung peetpeet ahih lam kaphawk a Pasian' Min ka phat hi. Tedim ah June 19 ni, kawlpi ah 21 ni, Khalkha ah 23 ni thumvei mopawi kibawl khin hi. Zomite' tangthu ah mopawi thupi pawl hi hamtang ding hi.
Thu Khupna
Ka LST ngah Pu Pau Lun kagen leh "Ka Pa in zong Piancil alian 17 bang in nang leh nasuan nakhak tung ah tung ding hi cih hopihna khat ngah ngei hiveh aw asih dong mah gengen veh" ong ci hi. Pu Pau Lun pen amin mah zui in hong Min Thang vanghvangh ta hi. Pasian' hong theihsakna bang in tu a sang in asangzaw mun ah hong kahto lai ding hi.
Amah pen Pasian in Zomi missionary ding a hong teelsak ahi hi. Pu Guite sung pan apian limlim zong Pasian' gelna mah hi. Pu Khan Thuam te' hunlai a thu tuamtuam tawh Falam sung ana tung Pu Guite te tam mahmah hi. Tuni in thahat mahmah ta uh hi. Tua teng bek hong manzo leh zong Zomi thahat tuam mahmah ding hi. Tutung mopawi in zong a Falam beh te'n vok khat gawh uh hi. Khalkha sung ah amangthang ih mi ihsa tampi om hi. Zotung Zophei sung ah zong Zomi ih hat nak leh Zomi hi'ng aci ding vive uh hi. Chin state bup Zomi suakzo mahmah ding hi. Pasian in gelna nei hi. Pu Pau Lun cidam in hong khansau ding thupi hi. Ama' thukhualna zahzah in ih Zomi mazang ding hi.
Lai nong simsak lungdam mahmah ing
Mung Laan Thang
Zangkong
Zomite' tangthu ah mopawi thupi mahmah khat hong bawlkhia Pu Pau Lun Min Thang i mopawi ah moliah in ka om ciang in pawlkhat in lamdangsa in dotna tampi om hi. Tua tungtawn in mipi in zong theih huai kasak thu pawlkhat sut ding hoih kasa hi. Pu Pau Lun i min ka puaksak hang in Pu Cin Sian Thang te Pu Thang Lian Pau te' min khawng leh min tuamtuam zong hong kihel ding hi. Akumkum in atom theipen in sutto ni:
2004 - 2005 Kum
Pu Pau Lun' min kazak cil pen 1999 kum hi. India ah LST sangkah ding in kapaitoh ciang in Tonzang pan kapu Michael/Suan Lamh Mang {L} in Cikha tawn in Lamka dong hongkha hi. Cikha katun uh ciang in "Pau Lun' khua hi ei hih. Hau mahmah tading ahi" hong ci hi. Tua pen amin kazak cilna hi.
2004 kum India pan kaciah khit asawtlo in Pu Do Khan Khup (Chin United FC) makai in Zangkong CBC biakinn ah stage show khat hong bawlpih a ken bass guitar katum hi. Tua pawi ah zong mikhat in "Pau Lun in zong hong en ei" acih ka zakha hi.
2004 kum hiam 2005 kum hiam thei nawn keng India pan in Zomite' music kungpu Pu Go Hau Zangkong hong hawh a tualaitak a Sia Nang Thawn Tuang' biakinn ah Pu Lengtong Kam Khen te makai in tutpihna kinei hi. Tua lai ah Pu Pau Lun in zong thugenna nei hi. Ami kamuh cilna hi. Hunman ciang in kava bansah phei leh aman zong hong na thei bilbel ahih man in kihona hong nuam peuhmah hi. Tua a kipan kimu zeuhzeuh in ka kiho zeuhzeuh zel uh hi.
2006 Kum
Dimlo khuasuak US a teng Sia Khai Pau in TS Khai VCD bawlsak ding cih thu kaza hi. Tualaitak in ZOMUS (Zomi Music Uplift Society) ah Vice President kasep laitak hi. Pu En Khan Nang (Thangtawng' Pa) in President sem hi. President pu khual zinzin ahih man in ken Acting President kasem zaw hi. TS Khai in ZOMUS in hong panpih un acih ciang in ZOMUS mintawh bawl ding in sum sazian pen ZOMUS in lenlo ding ci'n thukimna kanei uh hi. Upmawh sangin langpanna tampi hong om ciang in Pu Pau Lun mah ka kuppih uh a aman zong hong dinpih tinten pah hi. Tuabang teng tawh lawhcinna kingah a Zomite' neih masak penpen ahi Live Recording taktak kinei zo hi. (Thukimna omsa mah bang in hih DVD bawlna tawh kisai sum bangzah bei a bangzah kingah kik cihpen ZOMUS in theihpih lo hi.)
Kilemna
"Pu Cin Sian Thang te leh Pu Thang Lian Pau kisia uh in Pu Thang Lian Pau India lam taito" cih thu kazak sawt mahmah ta hi. 2006 kum ciang in ka ngaih sutsut teh Zomi te'n leitung pianzawh Zomi min tawh MP 2 ih neih sunsun kilem kei mawk leh mailam ah hoih mawk ding hiam cih veiina lianpi kanei hi. Bang cih leng ka lemtuahzo tam maw cih ka ngaih sunden hi. Nitak khat Pu Cin Sian Thang tawh saikhat ah nitak an nekhawm in zulim mahmah khat kalup hi. Kiho dan hong nop mahmah ciang in "Sia Pau tawh hong kilem kik le uh cin ut mahmah veng aw Pa Thang. Kilemkik ding nang e na lunggulh hia?" kacih leh "Let bygones be bygones." ong cih lian ciang in zuangawp nuam zahdong in ka lungdam hi. Abeisate abeisa bang hita hen acihna hi. Tua te nusiat ding hita ong cihna hi.
Keizong Pu Pau Lun leh Dr Khen Za Sian te sam in ka project (ka sepsawm pen) kagen hi. Na nih un hong kithawi unla paito ni ci'n kazawn hi. Anih un hoihsa tuak napi uh in hong zuimanlo uh hi. Sia Khen Za Sian in laikhat ngen inla tua puato in hong ci ahih man in kei zong Pu CIn Sian' kiang lai kanget leh amah leh ZNC tang a hong paisak ahihna mikang lai in ZNC Letterhead tawh hong pia pah hi. Tua hun laitak in ZRO gamdang vuanzi Pu Steven Suan Mang (tu'n Washington DC ah om) in Aizawl ah kha khat sung nainganzi tentan kahding mi 2/3 hong zawn inla hong kuanto in acih tawh kituak hi. Kei zong tualaitak a kawlgam ah aminthang computer sang ahi KMD ah asem ka lawm Do Lem Kim (tu'n Texas, US ah om) kazawt leh hong ut bilbel hi. Tualaitak amah zong a Pa kumpi nasem ulian khat ahih man in apa khem in Aizawl ah nainganzi sin ding in hong zuito hi.
Tua hun laitak mah in Mizoram a om Zomi te'n Tonsim ah pawipi khat bawlsawm uh a kawlgam pan lasiam 2/3 hong zonsak in ci'n Pu J Thang Lian Pau' tungtawn in hong cial uh hi. Kei zong kawlpi ah Pu Lengtong Pauno ka zawnto pah hi. Tedim ah Sianu Cing San zong ka zawn uh hi. Ahi zong in ama'n hong zuitheilo hi. Pu Lengtong Pauno, Pu Do Lem Kim, Laituite khat, tualaitak a Tonzang Khualaiveng hausa kapu Pu Thang Lam Pau tawh ka 5 un Tedim pan Tonsim ah pawi sim khit teh Aizawl ah kha 1 sung nainganzi kasin uh hi. Ka siate uh pen Dr Sui Khar, Salai Lian Hmung Sakhong, Victor Biak Lian, Salai Lingling, Cherry Zahau cihte pawl hi.
Aizawl pan in ZRA phualpi khat ahi Mt Sinai ah "The First Chin National Assembly" kava kah uh hi. Tua mun ah Pu Cin Sian' hongpiak lai pen convening committee te' kiang ka ap hi. Tua committee sung ah Pu Steven Suan Mang leh Pu GS Mang (tu'n kawlpi ah om) zong om hi. Ka lungtup pipen ahi Pu Thang Lian Pau leh Pu Cin Sian Thang kikal kilemhkikna hong piang peetpeet ahih man in tuni dong kalung dam ngaungau hi.
2007 - 2010 Kum
ZOMUS president Pu En Khan Nang in Malaysia lam hong paisanta ahih man in Pu Pau Lun president in kateel uh a, hih kum 4 sung nakpi tak in ka kithuah uh hi. Hih hun sung pen Than Shwe akhauh mahmah hunsung ahih man in ZNC nasepna tha hongpia ngam ding kikhat mahmah hi. Sumbawl sung pan ZNC akipat cil pek pan ana panpih den ahi Pu SB Len Cin Thang leh atupa Pu SB Langhno (Tu'n Portland, US ah om) te khitteh Pu Pau Lun khawng bek mah ka theikha hi. Biakna makai lam pan in EBC siate leh ZBCM siate in hong panpih mahmah hi. Gampua lam ah Japan pan Pu Nang Lian Thang (tua lai amah CNF hinailo) leh US pan Pu Go Sawm Khup te'n hong panpih mahmah hi. Anung lam teh WZC kiphuan a tua in zong hong panpih mahmah hi. Tua teng ka phawkkhak pak hong panpih phadiak teng hi.
2011 - 2014 Kum
Hih hunsung pen kei gilbem sung ah ka om hun hi. Pu Pau Lun in 3 vei vilvel hong veh hi. Khat vei Sia Zel Khaw Suan leh Pu Zam Za Mung (tu'n ZCD GS-1) tawh hong veh uh hi. Khatvei bel Pu Cin Sian Thang tawh Naypyitaw ah census vai pai aciah lam un hong baang uh hi. Thu tampi ka kikum thei uh hi. Pu Cin Sian hong banpih nop luatna hang tawh mawtaw kawm ahih man in lawmte pawl khat in telkhial in minsiat lawh dektak liang hi. Pu Cin Sian tawh ka kimuh ding uh adeih luatna hizaw hi. Athumveina ah bel ka Nu leh ka sanggam numeite hong hawhpih hi.
2015 kum
July kha 16 ni in Tedim ZCD khawmpi ah ka kahkhawm uh hi. 17 ni hong nusiasa Pu Suan Dal Pau' mawtaw tawh Tonzang ka kahto uh hi. Pu Pau Lun leh Pi Cing Ngaih Mang tawh ka 3 un "Zomi party ih hih teh" ci'n Zogam hotel ah ka tung uh hi. 18 ni zingsang lam in Pu Pau Lun tawh ZCD pan kuanglui ding in Sia Am Cin Pau ka zot uh leh hong utlo hi. Tonzang khangthak sungpan thudot huai kasak uh ahi Pu Thang Khaw Lian' kiang ah bang cih ding ih hiam ci'n kavadot uh leh Tung Tuang a kapu Sia Tual Lian vazol un hong ci hi. Ko zong taisuk pah in kava zol uh hi. Ka ngahzo tuankei uh hi. Ka 3 un Tedim ka zuansuk kik uh hi. 19 ni Tedim EBC biakinnpi ah kikhawm in haksat hun a hong panpihnate uh lungdam koh khit ciang in kawlpi ka zuansuk uh hi. Ka 3 un Chin Taungtan Hotel ah ka tung uh hi. Pu Pau Lun in kei na taam lai ning hong cih ciang in 20 ni kei leh Pi Cing Ngaih Mang vanleng tawh Zangkong ka zuansuk uh hi.
Thu Lamdang
Pu Pau Lun in zan khat na taam lai ning acih ciang in majesty hotel hih zah a minthang bangci hiam zong thei nuam hang in tuah na giak mai in ka ci hi. 20 ni vanleng tual zuankawm in Pu Pau Lun atunna ding Majesty Hotel ah kava kha hi. Room nambat 111 ah tung hi. Aden teh Pi Cing Ngaih Mang tawh vanleng sung ah ka tutna mai vuah news paper (tadensa) pawlkhat na om a atungnung pen ah 7 Days tadensa na om hi. 7 Days tadensa i frontpage (atuamna tung) ah "Kitel ni ding ni 111 bek in kisam lai" ci'n laimal golpi in kigelh viavua hi. Tua ka-et kawm in Pu Pau Lun' tunna room nambat ka mitkha ah hong suak in kabil hong puaklak hi. Kei zong Pi Cing Ngaih Mang' kiang ah "Ih lawmpa bel misuak in cei" kaci pah hi. Pi Cing Ngaih Mang in zong "Kei e leh ?" hong cipah a ka kimuh sial un hong dong den hi.
2016 Kum
ZIUSA te' sapna tawh January kha 31 ni US leng tading kahih man in ka paima deuh in Pu Pau Lun kitelna ah guahzawhna hong ngah lungdampihna kawm in nitak an ka nekpih hi. Wartan street a Doron Restaurant ah kanekpih hi. Aisanip kan limsa ing ci ahih man in tuazong ka vaikhak uh a kei zong ka nek cilna hipah hi. "Nang pen aniam penpen vuanzi (minister) suak ding na hi" ci'n ka vaikhak hi. Zozum ah zong hih thu kitelma pek in ka genngei hi.
2017 Kum
US pan in 2016 kum December 22 ni katungkik a zan 2 inn ah ka giah khit teh Shan gam lam ah gospel ka pai hi. December 31 ni Mogoke katung uh a kumthak Mogoke a Immanuel pawlpi te tawh ka zangkhawm uh hi. Kumthak LST sawkna ah anuai a kangah hi.
Samuel Masa 2:8
Amah in leivui panin mizawngte phongto a, amah in a cimawhte a lungkhamna panun a phongto hi. Uliante tawh tukhawmsak a, minphatna ngahsak hi. Bang hang hiam cih leh leitung khuampite Topa a’ hi a, tuate tungah amah in leitung pumpi a koih hi.
Ka LST ngah tha kangah mahmah a lamdang zong kasa mahmah hi. Kum thak ni Immanuel pawlpi ah ka LST mun ngah bulphuh in sermon ka pia pah hi. Bek thamlo in ka facebook ah zong ka suaksak hi. Tukum sung na lamdang khat piang ding cih ka theipah gige hi. Van Thio mun ah hong koih mahmah ding uh ahia bang ahia kaci phial hi. Bhh cih leh eipau ah "Uliante" acih pen kawl LST ah Minthar ci a mikang LST te ah zong Prince kici hi. Ulian hi ningniang beklo hi. Kumpi/kumpipa' tapa zah a lian ahi hi.
Tuabang teng tawh 2017 kum kumlang bang hong tundong bangmah thu lamdang lua omlo ahih man in ka ngaklah simta hi. Tua laitak in Pu Pau Lun in ong hongpih a "Mopawi nong siim zo diam?" hong ci hi. "Nong sap tangial leh vaiteng nusia in hong pai lian ning" kaci hi. "Ken nang manlah lua naihteh hong paiman kei khale cin ci a midang khat na hopih khin veng in maw; mo hong liah thei lecin hoih ding hiveh aw. Kalawm sung ah tangval nangbek omlai teh" ong ci hi. Asawtlo in hong hopih kik a "Hia pen na cancel khin ing in moliah ding in hong kithawi o" hong ci hi. Tua zawh asawt lo in hih thu teng lungngai in ka om leh Mogoke a ka LST sawk ka phawk hi. Ka lungsim sung ah "Hih Pu Pau Lun pen kumpi/kumpipa' tapa hi samlo hiveh aw" kacih leh Pasian in amah tua mun ah koih ahih lam hong telsak ahih man in ka lungdam mahmah hi. Ka LST ngah hong tangtung peetpeet ahih lam kaphawk a Pasian' Min ka phat hi. Tedim ah June 19 ni, kawlpi ah 21 ni, Khalkha ah 23 ni thumvei mopawi kibawl khin hi. Zomite' tangthu ah mopawi thupi pawl hi hamtang ding hi.
Thu Khupna
Ka LST ngah Pu Pau Lun kagen leh "Ka Pa in zong Piancil alian 17 bang in nang leh nasuan nakhak tung ah tung ding hi cih hopihna khat ngah ngei hiveh aw asih dong mah gengen veh" ong ci hi. Pu Pau Lun pen amin mah zui in hong Min Thang vanghvangh ta hi. Pasian' hong theihsakna bang in tu a sang in asangzaw mun ah hong kahto lai ding hi.
Amah pen Pasian in Zomi missionary ding a hong teelsak ahi hi. Pu Guite sung pan apian limlim zong Pasian' gelna mah hi. Pu Khan Thuam te' hunlai a thu tuamtuam tawh Falam sung ana tung Pu Guite te tam mahmah hi. Tuni in thahat mahmah ta uh hi. Tua teng bek hong manzo leh zong Zomi thahat tuam mahmah ding hi. Tutung mopawi in zong a Falam beh te'n vok khat gawh uh hi. Khalkha sung ah amangthang ih mi ihsa tampi om hi. Zotung Zophei sung ah zong Zomi ih hat nak leh Zomi hi'ng aci ding vive uh hi. Chin state bup Zomi suakzo mahmah ding hi. Pasian in gelna nei hi. Pu Pau Lun cidam in hong khansau ding thupi hi. Ama' thukhualna zahzah in ih Zomi mazang ding hi.
Lai nong simsak lungdam mahmah ing
Mung Laan Thang
Zangkong
Post a Comment
Ngaihsutna hoih thei penpen tawh a nuai ah Comment na pia zel in maw Sanggam. Laigelh mite thapia in, mi a tampipi te muh theih dingin na Share kawikawi in. Lungdam.