Lungsim Limlang

Ki siangsak nuamlua, miteng kawkkawk napi;
mawh baang pen pa/nu zong  na hi thei zawsop hi.

Naupang tuikia leh zum in kap aa;
ulian tuikia leh zum in nui hi.

Mi siatna ding a zong zong khat pen;
a ma inn sungah siatna kam ngeilo hi.

Mi mawhna a zong zong khat pa pen;
ama giitnatlona a kigenciang, a thuaklah pen pa hizel hi.

Mi agen siasia khat pa leuleu pen;
amah a kigensiat ciang, ui mei kang bang suak hi.

Mi agen siasia innkuan khat sung ah, Khaniin bek tengthei ahihman in; lungnopna, khamuana taktak om thei ngeilo hi.

Mi siatsak nopna tawh gensiatna in, khasiangtho gensiatna zong hi thei aa; tua mimal lungtang sung ah, khasiangtho tengtheilo  hi.

Khasiangtho teenlo na, inn sung leuleu ah;
A siangtho khamuana, khantona taktak  om thei lo hi.

Thusia lasia a kin, a huai te inn ah pen ahih leh;
thusia lasia mah in, bawm nuam pha deuh pah hi.

Mi siatna genlo aa, an kam lim a salo te inn sung ah;
thupha namtui kiza ngei khol lo hi.

Topa kiangpan thupha tuinaak, a kihon theihna dingin;
Ih lungsim isian suah maaksak phot kul hi.

Thu hoih thupha bek a ngaihsun te  inn  ah;
Thuhoih thupha mah in bawm nuam zaw deuh hi.

Topa in, a thadah te sang in, a hahkat te tung ah;
A thupha tampi te pia zaw den hi.

Mi gensia te pen, misang hoihzaw phazaw a kisa te hi aa;
a taktak in cileng, mihoih mipha ten mi gensia sia lo zel hi.

Mi gensia te pen, mitung ah thukhen te a ahi hi;
a hizong in, LST in thukhen mang Zeisu bek om na ci zel hi.

Job Thawngno