US Kumpi Kiteelna biakna mit tawh etna

US pen a na phutkhia ten Lai Siangtho bulphuh a hong phuhkhiat ahih manin Pasian in zong leitung mi namdang te lak ah lamsang in leitung thu leh biakna lamah leitung bup makai suak hi cih a kimu, a ki gengen thu khat ahihi. Hi napi hih vangletna damdam in hong beibei a, a telthei te a patau mahmah ahihi. Khalam pan a ki-et ciangin upna leh Pasian zia pan ki nak pial mahmah ta ahih man in PS in zong ompihna kiam semsem hi cih mitmuh hita hi. Leitung ah empire 5 bang om khin te lak a, US pen tulai tak hun ahihi. Ahi zong empire khat hong khan ciangin kum 150 kim vive ciang bek kip a, tua khit ciangin a dang khat ta kahto hi.US zong kum 200 bang leitungah a thuneihna hong cing ta a, a paipai a hi ta hi. Hih a hang pen PS a lehngat na hang a hihi.

Taanglai a, Judah gam bangin hih US zong a daupai na ding kumpi a semte tungah nakpitak kinga mahmah hi. Pasian a theilo kumpi hong khan ciangin, tua pa in thukhun hoih tampi susia hi.

Kumpi Ronald Reagan pen Pasian zahtak in ki gen a, a sepna peuh a dau pai mahmah hi. Biakna lam ah zong ama' hangin khantohna lianpi piang in, sum bawlna leh gallam thahatna ah gamdang ten a kih tak mahmah dingin na hih zo hi. Ama khit cianga kumpi te pan sumbawlna leh vai tuamtuam te kiam suk hanhan hi.

A diakin Clinton hun pan kipan nak kiam mahmah hi. Hih pa kumpi a kah ding lai in Pastor khatin mangmuhna ngah hi. Tua a mangmuhna ah, Clinton hong kah dinga, tua pan in dawimangpa deihna (agenda) khempeuh khat khitkhat hong semtoto ding cih mu hi. Petpet ah, Clinton hong kah tak ciangin neih kibang kitenna (gay marriage) leh nauphiatna tayavuan a hih na ding hong bawl a, tua pen Obama in hong zomto in, tuni hi ciang atung hita hi. A sawtlo in gay te thapiakna mualsuang zong bawl lai ding cih gen hi. (Hih link ah ki en thei 

Tua vision a mu pastor pa'n zong tu'n vision dang khat mu leuleu a, hih kitel kikna ah numei in president ngah ding a, tua pan in satan agenda omlai teng hong sem ding ci hi. Hih te nupa in hunkhat lai in native shaman khat thupha kipia sak hi. Tua ahih leh satan in ama' deihna a sem dinga a vangletna a piaksa ahih lam ki langh hi. 

Afrarica pan prophet Bernard Bleesing a cih in zong Clinton in innkang pi sung a lut kik na ding leh, ama hun sung thupiang ding te gen a, hih zong ekcik huai khat ahihi.

America te nainganyee pen a genhak mahmah khat ahihi. A thuin party nih in a om hangin a nunglam ah nakpheh khau tawh a heihei khat om gige hi. Republican te pen Pasian deihna tawh kinai zaw ding ki ngaihsun hi napi, amau zong a sungah mugilna nei nonlo uh hi. Party tawh a om hangun minam tawh zong a paipai na om veve hi. Gentehna bangin, Bush ii secretary pa Colin Powel bangin Obama mee pia lel hi. Tua ahih man party ii ngimna zong kuaman thupi ngaihsut lo uh hi.

Hih kitelna ah zong evangelical ten piteknu pialo kha ding hi. Ahi zong evangelical mee pen tua zah in khauhpai lo ahih man in mi tamzaw deihna, liberal, satan agenda in hong zo ding hi.

Tua ahih leh damdam in satan in thu-um te bawlsiatna ding hong sem toto ta ding hi. Tapidaw te deihna kikhak tan in, Pasian theilo te deihna hong tangtung semsem ding hi. Mihing sungah chip koihna ding te, one world government cih te hong kizom to ding hi. Hih te khempeuh a tangtun na ding satan in ami (AGENTS) nei zihziah hi. Gentehnana freemason cih te bang mipil teng leh sumhau teng hi a, tuate nasepna a piang toto hi ta hi. Tua ahih man thu-um mite haksatna thuak zo dign ki gin ding hong nak phawk sak mahmah hi.

Tua ahih leh pawlpi te bangci ding cih dotna om hi.Bawlsiatna khit ciangin khanlawhna na sia tak hong piang ding cih thu-um mite  lametna ahihi.

John T Hum