Nang leh kei mel kimu ngei zong hi kei hang! Na min leh na khua zong ka khatvei zaakna hi! Himah leh na sihdan leh na thuakna in ka lungsim namsau tawh dawt let bangin hong su kha lua ahihmanin na thu na la a kipost khempeuh ka na sim a, Kawlpi na tun dongin ka mitkha leh ka lungsim in na luang hawm zui den hi. Nang leh kei cikmah a kimu ngei lo ih hihangin Zomi khat na hihna tawh minam khat, sisan kibang, tunsung khat a piang laizom ih hihna hong phonglo a, khitui luangin lungsim mitkha tawh ka innkuan un Yangon Airport leh Kawlpi Airport ah kong na dawn tuah uh hi.
Na thuakna hanga na kahna Awging in minam vaiah a ihmu lai Zomi teng hong khanglo sak a, na sisan in Chin leh Tedim sungah a kikhenthaangsa Zomi teng Zomi sungah hong gawm khawm kik zo hi. A khasiat huai na sihna in Zomi te mit panin lainatna leh veina, Phualva tawh a kiciamteh Zomite khitui hawktui bangin lampi khat zuiin luang khawm sak hi. Na luang hawmin Sente leh Mangvom Mangkaangte bek hi lo Kawlte dongin a lungsim uh su kha hi. Thu tampi gen zen si teh maw! Nang nungah Singapore a innteng nei teng a mit uh na vaak ta dinga kuamah intengte na simmawh lua ngam nawn lo tuam ding uh hi. Na luang hawm tungtang a Zomite kipumkhatna in Mizoram leh mun tuamtuam a innteng a om Zomite mailam tampi tak noptuam sak ding hi. Leitungbup in Zomite ih kipumkhat zia FB, Utube leh News tungtawn in na mu khin uh ahihmanin leitungbup in Zomite hong zahtaak mahmah ta uh hi.
Nu Piang Ngaih Don aw, khangluiten "sisan in thugen hi" anacih uh pen tutungin tel taktak ingh. A kiza lo a na kahna Aw, na tauna Thawm leh a taak keuhkeuh na sisan leh khitui pen Pasian in na mu in na za a, tua tungtawn in na suan na khak, na minam Zomi sungah a lamdang takin Pasian in Revival hong piangsak hi. Zomite lungsim sungah a sisa Phualva itna hong khanglo kik hi. A ki It minam ih hihna hong kipsak semsem hi. Cikmah hunin Zomite tangthu sungah a mang ngei nawn lo ding na hi gige hi!
Mi manpha hi ciai Nu Piang Ngaih Don....
Francis Lam Thang
Zomi Quavadis
Na thuakna hanga na kahna Awging in minam vaiah a ihmu lai Zomi teng hong khanglo sak a, na sisan in Chin leh Tedim sungah a kikhenthaangsa Zomi teng Zomi sungah hong gawm khawm kik zo hi. A khasiat huai na sihna in Zomi te mit panin lainatna leh veina, Phualva tawh a kiciamteh Zomite khitui hawktui bangin lampi khat zuiin luang khawm sak hi. Na luang hawmin Sente leh Mangvom Mangkaangte bek hi lo Kawlte dongin a lungsim uh su kha hi. Thu tampi gen zen si teh maw! Nang nungah Singapore a innteng nei teng a mit uh na vaak ta dinga kuamah intengte na simmawh lua ngam nawn lo tuam ding uh hi. Na luang hawm tungtang a Zomite kipumkhatna in Mizoram leh mun tuamtuam a innteng a om Zomite mailam tampi tak noptuam sak ding hi. Leitungbup in Zomite ih kipumkhat zia FB, Utube leh News tungtawn in na mu khin uh ahihmanin leitungbup in Zomite hong zahtaak mahmah ta uh hi.
Nu Piang Ngaih Don aw, khangluiten "sisan in thugen hi" anacih uh pen tutungin tel taktak ingh. A kiza lo a na kahna Aw, na tauna Thawm leh a taak keuhkeuh na sisan leh khitui pen Pasian in na mu in na za a, tua tungtawn in na suan na khak, na minam Zomi sungah a lamdang takin Pasian in Revival hong piangsak hi. Zomite lungsim sungah a sisa Phualva itna hong khanglo kik hi. A ki It minam ih hihna hong kipsak semsem hi. Cikmah hunin Zomite tangthu sungah a mang ngei nawn lo ding na hi gige hi!
Mi manpha hi ciai Nu Piang Ngaih Don....
Francis Lam Thang
Zomi Quavadis
Post a Comment
Ngaihsutna hoih thei penpen tawh a nuai ah Comment na pia zel in maw Sanggam. Laigelh mite thapia in, mi a tampipi te muh theih dingin na Share kawikawi in. Lungdam.