Khatvei lai-inah Pau Za Ning ki ci sangnaupang khat a om hi. Tua pa sangkah a thadah hi. Sangkah dingin a inn panun a paikhiat hangin lam kalah bu simin sang a kah kei hi. Sang a kah tangin gampalah sing nuai-ah sun nilohin a lumlum hi. Nitak. sang tuah ciangin a lawmte tawh tonin innah a tung zel hi. Nikhat sangkah lo a singnuai-ah a tut laitakin, va-ak nih tua sing dawnah a tuang hi.
Tua va-ak khat in, ''Hua lai-ah sangkah thadah naupang khat a om hi, mihai ahi hi,'' ci-in a vekpi un, ''Ak, ak'' ci-in a nuihsan uh hi. ''A thadah naupang aw, ko ganhingte sangin a gina lo zaw na hi hi. Ko vasate nangawn thadah loin nakpi in na ka sem uh hi. En in, ko tomsa bu hoih na sa hiam?" a ci uh hi.
Pau Za Ning in, "Na bu hoih ka sa hi, ahi hangin na bu sungah ka om nuam kei hi," a ci hi. "Hi mah hi, nang ganhing hilo mihing na hi hang ahi hi," ci-in nakpi-in a hamsan kik uh hi.
"Nang bang naupang sangin va-akte bang zah in pilzaw cih na thei hiam? ci-in a dot ciangin, "Thei keng, no va-akte sangin naupangte pilzaw in ka um hi," a ci hi. "Bang hangin tua bangin um na hiam? Pilna na nei kei hi. Inn lam thei ding na hi hiam? Hong gen in," va-ak in a ci hi.
Pau Za Ning in, "Tu in ka lam theih loh hangin ka gol ciangin ka lam thei ding hi," a ci hi. "Bang hangin tu in lam thei lo ding na hi hiam," ci-in va-ak in a dawng kik hi. "Kuamah in hong hilh nai lo hi," ci-in Pau Za Ning in a dawng hi. "Nong dawnna a man hi. A pil mahmah naupang na hi hi. Kuama hilh loh in inn na lam thei kei ding hi. Kei ka hih leh kuama hilh loh in bu ka tom thei hi. Bu ka tom tung mahin ka siam pah hi. Kei tom sa bu a hoih hiam, en dih in. Ka bu dingin mun tuamtuam panin sing hiang ka kaikhawm hi. Ka muk in tuah in gamlapi pan la lenpih hi. A gik mahmah hangin khia tuan loin haksapi-in ka tuah teitei hi. Nang banga thadah ka hi kei hi," ci-in a siapa hilh ding bangin va-ak in a hilh hi. Tua bang a cih ciangin Pau Za Ning a maizum a va-ak a en ngam kei hi.
Pau Za Ning in, "Inn ka lam theih loh hangin leitungah nasep ding tampi a om hi," a cih leh va-ak in, "Himah hi, inn i deih bangin puan zong i deih hi. I nek ding an zong i deih hi," a ci hi. Pau Za Ning in, "Hi hi, ko mihingte in puan ka deih uh bangin no va-akte in puan na silh kei uh hi," a ci hi. Va-ak in, "Hih thu kua hong hilh ahi hiam? Ka puan-ak en in. Hih sanga puan hoihzaw na mu ngei hiam?" a cih leh, "ka bawl theih loh hangin ka sin thei hi," a ci hi.
Va-ak in, "Hi hi, no naupangte in, na sin theih uh ngeina ahi hi. Ahi zongin lai sim loin, hih bangin busim tawntung lecin bangci sin theih ngei ding na hi hiam. Kei ka hi leh ka neu tunga kipan hih ahoih mahmah mul vom puan ka silh hi," aci hi.
Pau Za Ning in, va-ak in hong zo hi, ci-in ngaihsun a, "Va"akte hih zahin a pil dingin ka ngaihsun ngei kei hi," a ci hi. Va-ak in, "Na cih bangin a man hi. Na an nek ngaihsun in. Kua hong vak sa ahi hiam?" a cih leh, "Ka nu le ka pa hong vaksa ka hi hi," a ci hi.
Tua ciangin va-ak in, "Tua ahi leh nang naungek na hi hi," a ci hi. Pau Za Ning heh a, "Naungek nong cih lai leh suangin kong deng ding hi," a ci hi. Va-ak in, "Naupang suang tawh mi deng ka thei ngei kei hi. Ko va-akte nangawn in suang tawh mi ka deng kei uh hi. Tua banga suang tawh mi a dengte mi gilo ahi hi. Bang hangin heh na hi hiam? Ko va-akte in ka neu tung ua kipan ko nek ding komau ka zong tawm thei pah uh hi. Nang thu a na nek ding na zon theih loh manin naungek kong ci hi," a ci hi.
Pau Za Ning in, "Ka gol ciangin an zon ding ka sin ding hi," a cih ciangin va-ak in, "Nang va-ak zah a na siam nading na tampi na sam lai hi," a ci hi. Pau Za Ning in, " Na thu gen a man hi, ahi zongin laisin nading hun tampi ka nei lai hi," a cih leh va-ak in, "Hun tampi na neih hangin kicing in ka um kei hi. Tu in nang va-ak sawmnih zahin na liat hangin va-ak khat siamna na ban zo nai kei ding hi. Thadahpa aw, bang hangin sun ni lohin siang limah lumlum na hi hiam, sang kah in," a ci hi.
Va-ak dangte in zong, "Sang kah in, sang kah in," ci-in a sawl huan uh hi. Pau Za Ning heh a, a laibu tawh deng dingin a kithawi hi.
Va-akte thakhatin leng uh a, sing dawnah a tuang uh hi. A vekpi un, pau Za Ning thuak zawh loh dingin, "Ak, ak," ci-in nakpi in a ham tawn-tung uh hi. Tua ciangin Pau Za Ning in thuak zo lo a, a bil hum in sang lamah a tai hi. Sang tuah ciangin lungdam mahmah in a lawmte tawh inn lamah a ciah khawm hi.
Zingsang a va-ak omna singkung a et leh va-ak nupa a om lai hi. Pau Za Ning in, " Lawm va-ak aw, heh kei in, thadahpa ka hi manin tusunin ka laibu tawh deng dingin kong kithawi hi," a cih hangin va-ak in bangmah gen loin a om hi.
Inn a tun ciangin a nu kiangah, va-ak tawh a kihonate a gen hi. A nu in, " Na mang hi ding hi," a ci hi. Ahi hangin Pau Za Ning in a mang ahi loh lam a tel hi. Tua a hi ciangin khat veivei a thadah ciangin, nang va-ak siamna zah nangawn siamna na nei nai kei hi, na tha khauhsak in, ci-in amah le amah a kihansuah hi.
Src:Zolai Simbu
Tua va-ak khat in, ''Hua lai-ah sangkah thadah naupang khat a om hi, mihai ahi hi,'' ci-in a vekpi un, ''Ak, ak'' ci-in a nuihsan uh hi. ''A thadah naupang aw, ko ganhingte sangin a gina lo zaw na hi hi. Ko vasate nangawn thadah loin nakpi in na ka sem uh hi. En in, ko tomsa bu hoih na sa hiam?" a ci uh hi.
Pau Za Ning in, "Na bu hoih ka sa hi, ahi hangin na bu sungah ka om nuam kei hi," a ci hi. "Hi mah hi, nang ganhing hilo mihing na hi hang ahi hi," ci-in nakpi-in a hamsan kik uh hi.
"Nang bang naupang sangin va-akte bang zah in pilzaw cih na thei hiam? ci-in a dot ciangin, "Thei keng, no va-akte sangin naupangte pilzaw in ka um hi," a ci hi. "Bang hangin tua bangin um na hiam? Pilna na nei kei hi. Inn lam thei ding na hi hiam? Hong gen in," va-ak in a ci hi.
Pau Za Ning in, "Tu in ka lam theih loh hangin ka gol ciangin ka lam thei ding hi," a ci hi. "Bang hangin tu in lam thei lo ding na hi hiam," ci-in va-ak in a dawng kik hi. "Kuamah in hong hilh nai lo hi," ci-in Pau Za Ning in a dawng hi. "Nong dawnna a man hi. A pil mahmah naupang na hi hi. Kuama hilh loh in inn na lam thei kei ding hi. Kei ka hih leh kuama hilh loh in bu ka tom thei hi. Bu ka tom tung mahin ka siam pah hi. Kei tom sa bu a hoih hiam, en dih in. Ka bu dingin mun tuamtuam panin sing hiang ka kaikhawm hi. Ka muk in tuah in gamlapi pan la lenpih hi. A gik mahmah hangin khia tuan loin haksapi-in ka tuah teitei hi. Nang banga thadah ka hi kei hi," ci-in a siapa hilh ding bangin va-ak in a hilh hi. Tua bang a cih ciangin Pau Za Ning a maizum a va-ak a en ngam kei hi.
Pau Za Ning in, "Inn ka lam theih loh hangin leitungah nasep ding tampi a om hi," a cih leh va-ak in, "Himah hi, inn i deih bangin puan zong i deih hi. I nek ding an zong i deih hi," a ci hi. Pau Za Ning in, "Hi hi, ko mihingte in puan ka deih uh bangin no va-akte in puan na silh kei uh hi," a ci hi. Va-ak in, "Hih thu kua hong hilh ahi hiam? Ka puan-ak en in. Hih sanga puan hoihzaw na mu ngei hiam?" a cih leh, "ka bawl theih loh hangin ka sin thei hi," a ci hi.
Va-ak in, "Hi hi, no naupangte in, na sin theih uh ngeina ahi hi. Ahi zongin lai sim loin, hih bangin busim tawntung lecin bangci sin theih ngei ding na hi hiam. Kei ka hi leh ka neu tunga kipan hih ahoih mahmah mul vom puan ka silh hi," aci hi.
Pau Za Ning in, va-ak in hong zo hi, ci-in ngaihsun a, "Va"akte hih zahin a pil dingin ka ngaihsun ngei kei hi," a ci hi. Va-ak in, "Na cih bangin a man hi. Na an nek ngaihsun in. Kua hong vak sa ahi hiam?" a cih leh, "Ka nu le ka pa hong vaksa ka hi hi," a ci hi.
Tua ciangin va-ak in, "Tua ahi leh nang naungek na hi hi," a ci hi. Pau Za Ning heh a, "Naungek nong cih lai leh suangin kong deng ding hi," a ci hi. Va-ak in, "Naupang suang tawh mi deng ka thei ngei kei hi. Ko va-akte nangawn in suang tawh mi ka deng kei uh hi. Tua banga suang tawh mi a dengte mi gilo ahi hi. Bang hangin heh na hi hiam? Ko va-akte in ka neu tung ua kipan ko nek ding komau ka zong tawm thei pah uh hi. Nang thu a na nek ding na zon theih loh manin naungek kong ci hi," a ci hi.
Pau Za Ning in, "Ka gol ciangin an zon ding ka sin ding hi," a cih ciangin va-ak in, "Nang va-ak zah a na siam nading na tampi na sam lai hi," a ci hi. Pau Za Ning in, " Na thu gen a man hi, ahi zongin laisin nading hun tampi ka nei lai hi," a cih leh va-ak in, "Hun tampi na neih hangin kicing in ka um kei hi. Tu in nang va-ak sawmnih zahin na liat hangin va-ak khat siamna na ban zo nai kei ding hi. Thadahpa aw, bang hangin sun ni lohin siang limah lumlum na hi hiam, sang kah in," a ci hi.
Va-ak dangte in zong, "Sang kah in, sang kah in," ci-in a sawl huan uh hi. Pau Za Ning heh a, a laibu tawh deng dingin a kithawi hi.
Va-akte thakhatin leng uh a, sing dawnah a tuang uh hi. A vekpi un, pau Za Ning thuak zawh loh dingin, "Ak, ak," ci-in nakpi in a ham tawn-tung uh hi. Tua ciangin Pau Za Ning in thuak zo lo a, a bil hum in sang lamah a tai hi. Sang tuah ciangin lungdam mahmah in a lawmte tawh inn lamah a ciah khawm hi.
Zingsang a va-ak omna singkung a et leh va-ak nupa a om lai hi. Pau Za Ning in, " Lawm va-ak aw, heh kei in, thadahpa ka hi manin tusunin ka laibu tawh deng dingin kong kithawi hi," a cih hangin va-ak in bangmah gen loin a om hi.
Inn a tun ciangin a nu kiangah, va-ak tawh a kihonate a gen hi. A nu in, " Na mang hi ding hi," a ci hi. Ahi hangin Pau Za Ning in a mang ahi loh lam a tel hi. Tua a hi ciangin khat veivei a thadah ciangin, nang va-ak siamna zah nangawn siamna na nei nai kei hi, na tha khauhsak in, ci-in amah le amah a kihansuah hi.
Src:Zolai Simbu
Thupi mahmah ei hong zom toto vua leh
ReplyDelete