2. Thaumuk sang in laikung kiktak huai zaw aa, i lawm te sang in, i gaalte kiktak hui zaw thei hi.
3. Itna ah kiam leh mawh na ki zong aa, itna ah khan leh dikna ki zong hi.
4. Pawi simna sang in sigal na hoih zaw aa, sigal na sang in natveh na hoih zaw hi.
5.Na khempeuh ah paulap bei mawh aa, ah piang khempeuh ah lung kim leng paulap khempeuh bei pah hi.
6. Thupha ciapteh thei na pen gualzawh na hi aa, thusia ciapteh thei na pen gual lel na hi.
7. Hawmthawh na pen demzawh lo na hi thei aa, nen niam na pen tawisan toh na hi thei hi.
8. Mawhsak na pen dikna pulak na hi thei aa, gensiat na pen paktak piak na hi thei hi.
9. Thupha sim2 leh teh thusia ta zo lo ding aa, thusia sim2 leh teh thupha ta zo lo ding hi.
10. Guahzuk ma in huihnung thei den aa, thupha ngah ma in ze et na ki tuak thei hi.
11. A hau pawlpi in sia vak zo lo thei aa, ah zawng pawlpi in, sia vak zo thei hi.
12. Pawlpi kimkhat in sia te thu dong aa, pawlpi kimkhat in sia te thuhilh hi.
13. Thupi na sak mah2 te Pasin aa ding in thupi lo thei aa, thupi na sak het lo te Pasian aa ding in, thupi zaw thei hi.
14. Sahang in mi ah peh ding teh ngik masa aa, mi hing hong bawl sia ding te in hong pakta masah hi.
15. Mi ii gensiat leh ei ah ki phat pian ii hi pah aa, mi ii phat leh ei ah ki ngiamkhiat ii hi pian hi.
16. Thupha in gal nei thei ah hi man in, na thupha te sim in laa, pulak khin kei in.
17. Mipil gam ah mipoi te ki hehpih aa, mihai gam ah mipoi te ki sim mawh hi.
18. Hong ngai te sang in hong it te tenpih huai zaw aa, hong it te sang in hong hehpih te tenpih huai zaw lai hi.
19. I mut theih na mun pen lupna nuam pen hi aa, gilkial lai tak aa, nek ann pen ah lim pen hi.
20. A zaktak huai man in zaktak bawl in laa, na zaktak bawl man in, zaktak huai sak in.
21. Khatvei minthan khan tawn ki mang lo aa, khatvei min siat khan tawn ki mang hi.
22. Hauhna in kep siam ngai mah2 aa, zawn na in thuakzawh ngai mah2 hi.
23. Tuni mi hau pa zing teh khutdawh ngen suak thei aa, tuni mipil pa zing teh kol bulh suak thei hi.
24. Na lian khat zawh na ding in thang paih na ki sam thei aa, ah met bawl thei ta ding in thupha suak thei hi.
25. Lungsim ki ell mi nih omkhop pen, ah gam laa hi na pi ah nai aa ki en dulven et tawh ki bang hi.
26. I ngah thupha hang aa lungdam kohpen, ngah ing cih lah na vauchia piak na tawh ki bang hi.
27. Nang deih bang ah pian kei leh, nang deih bang Topa ci pah in, nang deih bang Topa na cih leh, ah piang bang ah lung kim in.
28. It na pen paak namtui bang in nam tui aa, ah hi zong in zang hetkei leng bei thei hi.
29. Zang sem2 leng tam sem2 aa, man i neih sak leh bei baih hi.
30. Thadah te aa ding in nasep pen dantat na hi aa, thanuam te aa ding in nasep lo pen dantat na hi.
31. Na dinmun sang in na ki ngiamkhiat zaw leh, na dinmun sang in hong ki tawi sang zaw ding hi, na dinmun sang in na ki sangsak zaw leh, na din mun sang in hong ki niamkhiat zaw ding hi.
32. Gualzawh ma in guallelh na ah om leh, tua gualzawh na limci thei pan hi.
33. Hi zoken teh ci aa, ah hi zo ve2 sang in, hi zo in teh ci aa, ah hi zo lo tawm zaw den hi.
34. Pasian in mi ah tawi sang ding ciang in, mi hing te lam pan ki nengniam masa den hi.
35. Ganhing te ah ki in kisi in, ah kam uh tawh ki pet uh aa, mi hing te ah lungsim uh tawh ki pet hi.
36. Ngaihsut lo mi nih nasep khop pen, tha ki tuak lo bawng leng kai tawh ki bang hi.
37. Ui in ah kitak te tawng in ah kitak lo te pet aa, mi hing hong kitah te in hong koko in, hong kitah lo te in hong suh ek hi.
38. Pasian in mawh na pulak pah lo thukpah lo aa, ah pulak teh mimai ah pulak in,ah thuk kik teh ah kang in thuk hi.
39. Tu lai tangval nungak te ki it lo in ki ngai uh aa, khantawn aa ding hi lo tawl khat aa ding in ki teng uh hi.
40. Na lian khat i sep zawh ciang bek in phat na ki ngah aa, na nengno khat ii sep khial ciang na ngawn in gen siat ki ngah hi.
41. Mi pawl khat te ah mi pum piang thak in, ah neih sa piangthak lo aa, mi pawl khat te ah mi pum piang thak lo in, ah neih sa piang thak hi.
42. I piak ding sumpi ah tawm ciang in ki thu man zolo aa, i piak ding sumpi ah tam ciang in ki haza thei hi.
43. Nuih na khem peuh nuam na hi kim lo aa, kah na khem peuh dah na hi kim lo hi.
44. Van tung ah tung mi te aa ding in, leitung pen hell tawh ki bang aa, hell sung ah tung mi te aa ding in, leitung pen vantung bang hi.
45. Mi hing in ei bek ah maan ii ki sa aa, ah hi zong in Pasian in kei mawh nei hing ah ci te deih hi.
46. Hong ki phat ciang in nuipah pekpak ken laa, hong ki gensiat ciang in gum pah ngeungau ken.
47. Ki phat na zong ki gen siat na kipat na hi thei aa, ki gensiat na zong paaktak na hi thei hi.
48. Mi hai sawm in hong muh khialh sang in, mi pil khat in hong muh khialh dah huai zaw aa, mi hai sawm in hong phat sang in, mi pil khat in hong phat ut huai zaw hi.
49. I muanpen te mah in hong khemzo pen aa, i ngaih pen te mah in hong muh dah zo pen hi.
50. A mi na muhdah man in, ah thu nialken laa, ah thu na deih lo man in, ah mi mudah ken.
Lungsim Limlangh
**********************
Rev. Job Thawngno
Post a Comment
Ngaihsutna hoih thei penpen tawh a nuai ah Comment na pia zel in maw Sanggam. Laigelh mite thapia in, mi a tampipi te muh theih dingin na Share kawikawi in. Lungdam.