Malaysia pan in ciahna vanleng ticket ka lei hi. Ka ciah ni hong tun ciangin lawmten hong kha uh a, vanlengtual pan kei bek ka lut hi. Ka van teng ka guan toh kawm in ei Zomi mel a om tam ci'n ka khuadaak simsim hi. Kua mah ka mu kei hi. Mi teng hong kim ta ei cih ciangin a nunung pen ah tangval melhoih, a pil mel mahmah khat ong lut a, ka geiah ong tu hi. Ka hopih masa ngam kei hi.
Vanleng pen van laizangah a len zawh nai langh khit ciangin ka geia tu tangval melhoihpa in Kawlpau in ong hopih hi. Ken zong Kawlpau mah in ka dawng kik hi. Ong hopih kik ciang Zopau sit silsel in ka min ong dong hi. Min leh puam teng ka kigen khit uh ciangin Zomi tuak ka hihlam uh ka kitel pan uh a, ka kimaingap mahmah pah uh hi. Nungak tangval kituah cih peuh hun tawmvei sungin thu tampi ka kikum man uh hi. A sawt lo in Yangon vanlengtual ka tu uh hi. Ko lawmta ka kikupkup uh ciangin Yangon ah zin tunna ding meltheih kician a nei lo tuak ka hi uh hi. Vanlengtual pan Taxi saap in Bus khawlmun tawh a kinaina zinbuuk khat ah giah ding ka khentat uh hi.
Tua zan nuam takin ka kithuah uh hi. Aman ong it bawl mahmah ahihman in numei khat ka hihna tawh ka muang mahmah pah mai hi. Amah pen khamtung khuaneu khat pan hi in, kei zong khamtung khuaneu khat mah pan ka hihi. Khua a kibat loh hangin minam khat hihna tawh mailam ding saupi ka geel khawm uh hi. Zingsang khua hong vaak in Kawlpi lam zuan in Buspi tawh ka ciah khawm uh hi. Ka lungnuam in ka lungmuang mahmah hi. Ka ihmut zong nuam mahmah hi.
Kawlpi ka tun uh ciangin Bus khawlmun ah vai dawn nuam tampi na kigual zihziah uh hi. Ka tuanna Bus uh ong khawl ciangin Bus pualam ah nupi melhoih mahmah khat leh a it huai mahmah naupang thumte pen ko omna lamah ong pai phei uh hi. Ka khiang uh ong tun uh ciangin ka lawmpa in nuihmai takin "Lawm aw hihte pen ka zi leh ka tate hi" hong cihsan hiat lel hi. Tua khit ciangin a innkuan un mawtaw hoih mahmah khat tawh mual hong khupsan uh hi. Amau nungah kei kia in paulo phun lo in, khitui luang ngelhngelh kawmin ka vanteng tawh ka zin tunna lam zuan in ka pai hi. Ka pa in a nuntaak laia hong thu vaikhak khat ahi "Mi muang baih lua kei in" hong cih pen ka phawk sansan hi.
(Phuah tawm...Fiction)
By Francis Lamthang (Zomi Quavadis)
Vanleng pen van laizangah a len zawh nai langh khit ciangin ka geia tu tangval melhoihpa in Kawlpau in ong hopih hi. Ken zong Kawlpau mah in ka dawng kik hi. Ong hopih kik ciang Zopau sit silsel in ka min ong dong hi. Min leh puam teng ka kigen khit uh ciangin Zomi tuak ka hihlam uh ka kitel pan uh a, ka kimaingap mahmah pah uh hi. Nungak tangval kituah cih peuh hun tawmvei sungin thu tampi ka kikum man uh hi. A sawt lo in Yangon vanlengtual ka tu uh hi. Ko lawmta ka kikupkup uh ciangin Yangon ah zin tunna ding meltheih kician a nei lo tuak ka hi uh hi. Vanlengtual pan Taxi saap in Bus khawlmun tawh a kinaina zinbuuk khat ah giah ding ka khentat uh hi.
Tua zan nuam takin ka kithuah uh hi. Aman ong it bawl mahmah ahihman in numei khat ka hihna tawh ka muang mahmah pah mai hi. Amah pen khamtung khuaneu khat pan hi in, kei zong khamtung khuaneu khat mah pan ka hihi. Khua a kibat loh hangin minam khat hihna tawh mailam ding saupi ka geel khawm uh hi. Zingsang khua hong vaak in Kawlpi lam zuan in Buspi tawh ka ciah khawm uh hi. Ka lungnuam in ka lungmuang mahmah hi. Ka ihmut zong nuam mahmah hi.
Kawlpi ka tun uh ciangin Bus khawlmun ah vai dawn nuam tampi na kigual zihziah uh hi. Ka tuanna Bus uh ong khawl ciangin Bus pualam ah nupi melhoih mahmah khat leh a it huai mahmah naupang thumte pen ko omna lamah ong pai phei uh hi. Ka khiang uh ong tun uh ciangin ka lawmpa in nuihmai takin "Lawm aw hihte pen ka zi leh ka tate hi" hong cihsan hiat lel hi. Tua khit ciangin a innkuan un mawtaw hoih mahmah khat tawh mual hong khupsan uh hi. Amau nungah kei kia in paulo phun lo in, khitui luang ngelhngelh kawmin ka vanteng tawh ka zin tunna lam zuan in ka pai hi. Ka pa in a nuntaak laia hong thu vaikhak khat ahi "Mi muang baih lua kei in" hong cih pen ka phawk sansan hi.
(Phuah tawm...Fiction)
By Francis Lamthang (Zomi Quavadis)
Post a Comment
Ngaihsutna hoih thei penpen tawh a nuai ah Comment na pia zel in maw Sanggam. Laigelh mite thapia in, mi a tampipi te muh theih dingin na Share kawikawi in. Lungdam.