Rev.Zam Khat Kham in Ph.D ngahta ding....

Rev.Zam Khat Kham pen apa H. Go Suan Nang leh a nu Vung Khaw Haute’ sung panin April 29, 1969 ni-in Tedim khua ah suak hi. Faith Baptist Bible College-Tedim (BABS, 1990), Berean Baptist Bible College & Seminary-Bangalore, India (MDiv, 1994), leh Jangshin University Graduate School PCTS-Seoul, South Korea (ThM, 2005) te ah pilna sina, Mandalay University of Distance Education-ah Psychology major tawh leitung lam pilna BA sin hi.


 April 15, 1995 ni-in ordination kipia a, 1991 kuma kipan Leilum EBC pawlpi ah pastor sem hi. 1994-2003 sung THUPHA PUAK editor sema, FBBC ah laihilh hi. 2003 kumin Laisiangtho Thuhaksate kici laibu khat gelh ngei khin hi. A zi Go Khan Lun tawh tapa 2 leh tanu 4 nei uh a, Tedim khua, Lawibual vengah teng uh hi. Tuni May 20,2016( Friday) 7:00pm hunin Concordia Seminary Graduate School, St. Louis, MO, USA ah PhD (Systematic Theology) tawh lukhunelkai hong ngah ding ahihi.

Tuni tak mun tuamtuam panin Live tawh a en nuamten>>http://www.csl.edu/live

Sia Khampi in Systematic tawh Ph.D hong ngahna ding hangin Lungdampih mahmah hang.


ThawnTuang
Admin:ZomiNational/ZomiLand