PKK TEN TURKEY GALKAP THUM THAT
May 1, 2016: Kurdistan Workers' Party (PKK) ten Turkey leilu-nisuahna lam-a om Mardin province sunga om Nusaybin khua sungah Turkey galkap national army servicemen kicite suah uh a, thum that in, 14 kapliam uh hi ci-in Turkish General Staff in tu ni-in gen hi. A liamte zato innah kipuak pah hi ci-in gen beh hi.
Turkey kumpi in PKKte tawh Ceasefire thukimna suai a kaih uh July 2015 in palsat in kap kikapkik uh a, tua khit a sawt loin Suruc khua ah Turkey galkap ten Kurdish mi 30 a thah khit nungun kikaptuahna hong nasia mahmah hi.
Kurdish minamte pen singtangmi hi uh a, Turkey, Iran, Iraq leh Syria gamte ah teng kawikawi uh hi. Turkey gamah amau leh amau kivaihawmna ding (autonomy) ngen uh a, Turkey kumpi in a piak nuam loh manin 1984 panin PKK ten Turkey kumpi lehdo hong kipan uh hi.
-Sputnik
Post a Comment
Ngaihsutna hoih thei penpen tawh a nuai ah Comment na pia zel in maw Sanggam. Laigelh mite thapia in, mi a tampipi te muh theih dingin na Share kawikawi in. Lungdam.