US INDIA MI SANGNAUPANG KHAT KIKAPLUM
April 12, 2016: Zan halin in New Jersey state sunga om Rutgers University ah thau tawi mi nih in a thau uh pheng kap uh a, kum 21 a upa Shani Patel a sihna banah a roommate pa'n zong liamna tuak hi.
Shani Patel pen Rutgers University ah junior economics major sin hi a, Newark a om Rutgers Universityte' off-campus apartment building ah a om lai un thau tawi ten a kaplup hi ci'n Essex County Prosecutor Office in gen hi. Shani Patel' roommatepa kua hiam cih kipulak lo a, nak liam mahmah hi ci'n ulian ten gen uh hi.
Rutgers Police Department ten a genna ah Rutgers University pen sangnaupang 12,000 kahna hi a, tu-in a university lauhuai nawn lo hi ci uh hi ci'n The New York Times in gen a, thukan ten hih thupiang kanna nei lai uh hi ci'n gen beh hi.
Essex County Prosecutorte zum leh Newark Public Safety Director ten thau kapte kua hi ding hiam cih muanmawh kinei nai lo a, thau gin khitin kum 20 mi ding mi nih thau gin'na panin tai uh a, kua hi ding hiam cih kikan lai hi ci'n gen uh hi.
-The New York Times
Post a Comment
Ngaihsutna hoih thei penpen tawh a nuai ah Comment na pia zel in maw Sanggam. Laigelh mite thapia in, mi a tampipi te muh theih dingin na Share kawikawi in. Lungdam.