IS TEN SYRIAN REBELSTE KHUT PANIN KHUA LAKSAK
April 12, 2016: Islamic State (IS) ten zanin Syria leh Turkey gamgi a om al-Rai khua Syria kumpi lehdote (rebels) khut panin laksak uh hi ci'n Syrian opposition activist ten gen uh hi.
Al-Rai khua pen Syria rebels leh a kipawlpih ten ISte khut panin a laksak uh hi a, tu-in IS ten hih khua laksak kik zo uh ahih manin Iraq leh Syria ah ISte thahat veve lai hi cih kilangsak hi. Britain pansan Syrian Observatory for Human Rights (SOHR) leh Aleppo Today TV station in a genna ISte leh rebelste al-Rai khua ah nasia takin a kikaptuah khit nungun zan zingsangin IS ten hih khua laksak uh hi ci'n gen uh hi.
Al-Rai khua pen Syria leh Turkey gamgi a om ahih manin IS ten hih khua pen Turkey panin galvan leh a van kisapte uh puaklutna lampi (access point to supply lines) dingin zang uh ahih manin hih khua pen poimawh mahmah hi. Tua banah ISte hatna Aleppo province sunga om hi sawnsawn lai hi.
SOHR chief Rami Abdurrahman in zanin IS galkap ten al-Rai khua kiimah khua dang guk Syrian rebelste khut panin laksak beh uh hi. Hih a khua lak kikte uh pen Laizing (Thursday) in Syrian rebels leh IS leh a al-Qaeda tawh pawlpih al-Nusra Front kicite kikaptuahna hangin IS ten a khahsuah uh ahi hi. IS ten tu kum sungin Syria leh Iraq gamah a ukna leitang uh tampi khahsuah uh a, nung diakin Syria galkap ten Palmyra khuapi laksak uh hi. A beisa nipi kalte ah US ten tuithe vanleng (drones) zangin IS leh al-Nusra Front commanders a hun khop go uh hi kici hi.
-The Hindu
Post a Comment
Ngaihsutna hoih thei penpen tawh a nuai ah Comment na pia zel in maw Sanggam. Laigelh mite thapia in, mi a tampipi te muh theih dingin na Share kawikawi in. Lungdam.