US IN SYRIA PRESIDENT LAIHNA DINGIN REBELS-TE GALVAN PIAK SAWM
Aug. 17, 2016: White House in Wall Street Journal editorial page ah Syria buaina a ven' theih leh Syria president Assad laih khiatna dingin Plan B kizat sawm ta hi ci'n suaksak hi. US galphualpi Pentagon in Syria kumpi lehdote (rebels) training, galvan tuamtuam, sum leh tank kapsiatna - anti-aircraft missiles a piak bek tawh hun sa loin Saudi Arabia leh Turkey in huhna a piak Syrian ‘moderate’ rebel groups tuamtuamte leh IS/Daesh, al-Nusra leh al-Qaeda ngongtatte tungah president laih khiatna dingin anti-missile tanks kipia ding hi ci'n pulak hi. Pithai (Tuesday) ni in Wall Street Journal ah "US in Syria ah ceasefire a lawhcin' kei leh 'Plan B' kizang dinga, Syrian Rebels (Moderate groups) kicite khut sungah anti-aircraft galvante kipi a ding hi," ci'n thulu ah tuangsak veuvau hi.
US Secretary of State Kelly nangawnin Syrian ceasefire pen lawhcing to zel hi a cih lai-in tu-in Pentagon in US leh Russia vaihawmna tawh Feb.27 in ceasefire thukimna suai kikai a lawhcin' lai takin kilemna thugenna (Peace Talks)hun ding kingak lai-in US in Plan B kizang ding hi a cih mawk pen US in Syria ah kilemna om ding deih taktak mah hiam? Moderates rebels a cih ten kua teng huam kha hiam? US in Iraq leh Libya sim in mipi deihna tawh kiteel kumpi a laih bangin Middle East ah kumpi laih kik ding hanciam hiam? cih dotna lianpi piangsak hi.
Zan in Loud & Clear a sem Brian Becker leh Crescent International editor Zafar Bangash in zan-a Geneva ah Syria buaina tawh kisai kilemna thu genna kipan pen tawh tawh kisai a holimna uh-ah US in Assad laih ding mah hanciam hiam cih thu kikum uh hi. Brian Becker in Geneva peace talks a kineih lai pi-in bang hangin US in terrorists tuamtuamte tungah anti-aircraft missiles piak sawm hiam? ci'n a dotna ah Zafar Bagdash in US in Plan B kizang ding hi a cih pen Peace Talks kipat ma-in Wall Street Journal in a suahsak hi a, ahih hangin ceasefire lawhcing napi US in Plan B kizang ding hi a cih mawk pen dah huai mahmah hi. US in a nuihzak huapi pipi geelna nei a, terrorists (dipkuatna piangsak ngongtatte) leh sum tawh kiguai galdote (mercenaries) kicite tungah galvan piak ding a cih pen hihte Syria nautang mite tungah ngongtat mahmah uh a, hih bang mite moderate (a ngongtat lua lo, a hun bek, a lai hawl pawl) a cih mawk uh pen a (USte) ngaihsutna uh a kiveel phat uh kisam hi ci'n dawng hi.
Zafar Bangash in US in Islamic ngongtatte a do nuam hi loin president Assad laih ding bek lunggulh a, Middle East ah kilemna om ding deih lo hi ci'n gen hi. Russia in a hih ding bangin mipi deihna tawh a kiteel kumpi huhna pia a, kilemna a om theihna dingin nung diakin Syria nusiatsan hi. Russia ten tung lam panin huhna a piakna tawh nung diakin Palmyra khuapi Syria galkap ten a lak manin US, Turkey leh Saudi in haza-in na patau a, Syria galkap ten Aleppo a lak kik ding a lauh manun gamnuaimite tungah a lauhuai mahmah tank kap siatna piak sawm hi ci'n gen beh hi. Syria galkapte Syria-Turkey gamgi lamah zong mainawt zel ahih manin hih munte Syria galkap ten a lak khak ding leh Turkey in gamnuaimite galvan huhna a piakna lampite kidal ding lau ahih manin Turkey patau a, hih thu hangin Turkey in gamnuaimite galvan a tamzaw sem ding hanciam hi ci'n gen beh lai hi.
-Sputnik
Post a Comment
Ngaihsutna hoih thei penpen tawh a nuai ah Comment na pia zel in maw Sanggam. Laigelh mite thapia in, mi a tampipi te muh theih dingin na Share kawikawi in. Lungdam.