UN PEACEKEEPERS TEN C.A.R. AH NUMEI TUNGAH A NGONGTATNA THU SEEL SIM
April 14, 2016: UN in Central African Republic (CAR) gam-a UN galkapte - UN peacekeepers kici ten numei tungah ngongtatna tawh a gamtatna (sexual violence) 40 val thu seel sim hi ci'n NGO ten pulak uh hi. US pansan NGO AIDS-Free World ten UN peacekeeping mission in the Central African Republic (MINUSCA) galkapte tungah sexual violence ngawhna thak 41 ciamteh a, UN in hih ngawhnate kikan ding hi ci'n a kamciam peel hi ci'n gen hi.
Hih NGO ten 'Code Blue Campaign to End Impunity for Sexual Exploitation and Abuse' kici tawh nasem in MINUSCA galkapte numei tungah a ngongtatna uh March 25 panin April 4, 2016 kikal kanna nei uh a, numei 59 a thudotna panun MINUSCA galkapte numei 41 tungah ngongtat uh hi cih mu uh hi. Hih thu NGO ten UN tungah April 7 in a puak hangin tu dong UN in hih ngawhnate thusim lo den lai hi.
UN in hih ngawhnate nial a, NGO ten a thukanna panin a muh khiatte uh kibetdaih sawm lo hi ci'n pang hi. AIDS Free World a co-director len Paula Donovan in UN in numei tungah ngongtat leh numei buan galkapte dan piak ding thu don lo a, UN in hih banga numei tunga ngongtatte dan piakna dingin ngimna kician leh ngaihsutna nei lo hi ci'n gen hi.
Source: Al Jazeera
Post a Comment
Ngaihsutna hoih thei penpen tawh a nuai ah Comment na pia zel in maw Sanggam. Laigelh mite thapia in, mi a tampipi te muh theih dingin na Share kawikawi in. Lungdam.