SYRIA PANIN TURKEY AH MI 30,000 KIIM DING GALTAI BEH
April 15, 2016: Syria leilu lam-a om Aleppo province ah Syria kumpi lehdote (rebels) leh ISte kikaptuahna nasiat luat manin a beisa nai kal 48 sungin Syria mi 30,000 kiim ding Turkey ah galtai kik uh hi ci'n Human Rights Watch (HRW) in pulak hi. HRW in hih galtaite Turkey gamgi ah Turkey galkap ten gamgi a khak banah galtaite thau tawh na kap hi ci'n ngawh a, Turkey kumpi'n galtaite a lutsakna ding ngetna nei hi. Ahih hangin Turkey in hih ngawhna nial hi.
HRW in hih galtaite a tam zawte pen Syria gam-a Syria galtaite omna ding a kibawlsak emergency camps kicite a omte hi a, ISte leh rebelte kikaptuahna a nasiat luat manin Turkey manawh dinga tai uh hi ci'n gen hi. Galtaite Turkey ah a lut sawm hangun galkap ten thau tawh na kap uh ahih manin lut thei lo uh hi ci'n Human Rights Watch Middle East and North Africa division deputy director Nadim Houry in Al Jazeera newte kiangah gen Lebanon panin gen hi.
Aleppo province sungah a beisa khate ah rebels kicite leh Syria galkapte (Russiate huhna tawh) nasia takin na kikaptuah ngei uh a, tua hangin galtai tampite bukna dingin emergency camps kici tampi kibawl hi. Feb. 27 in Syria kumpi leh rebels ten ceasefire hong neih ua kipanin kikaptuahna hong dai a, tu-in Syria galkapte hong khawl leh hih rebelte hatna IS ten lak ding nasia takin hong kithawi saan uh hi.
-Agencies and Al Jazeera
Post a Comment
Ngaihsutna hoih thei penpen tawh a nuai ah Comment na pia zel in maw Sanggam. Laigelh mite thapia in, mi a tampipi te muh theih dingin na Share kawikawi in. Lungdam.