SYRIA AH AL-NUSRA FRONT TEN NAUTANG MI 16 THAT
April 9, 2016: Al-Nusra Front terrorist group ten Aleppo lak kik ding hanciam in nung diak a panin hih khuapi leh a kiim suam mun mahmah ta uh a, Aleppo province sunga om Sheikh Maqsood district sung siktum (mortar) tawh a kapna hangun nautang 16 a sih banah 61 in liamna tuak hi ci'n Syria gam-a Russiate galphual Hmeimim airbase kicihna a om Russian center for Syrian reconciliation in pulak hi ci'n Russian Defense Ministry in zanin gen hi.
Russian center for Syrian reconciliation in a genna ah al-Nusra Front ten Aleppo kiim ah galdo ding kithawi kik in, nasia takin galdona pat kik sawm uh hi ci'n gen hi. Russia galkap ten a beisa nai kal 24 in ceasefire thukimna palsatna 6 vei om hi ci'n gen hi. Hih ceasefire palsatna munte pen Latakia ah 4 vei, Homs leh Hama ah khat vei tuak hi ci'n gen beh hi.
Aleppo pen Syria gam sunga khuapi lian pen hi a, al-Nusra Front ten 2012 in a lak uh ahi hi. Syria galkap ten hih khuapi lak kik ding sawmin nasia takin hanciam lai uh hi. UN Secretary General Ban Ki-moon in March kha bei kuanin Syria buaina hangin mi 500,000 bang si ta ding hi ci hi. Ahih hangin UN in a ciamtehna ah Syria buaina hangin mi 470,000 a sih banah million 2 val in liamna tuak ta hi ci'n gen hi.
-Sputnik
Post a Comment
Ngaihsutna hoih thei penpen tawh a nuai ah Comment na pia zel in maw Sanggam. Laigelh mite thapia in, mi a tampipi te muh theih dingin na Share kawikawi in. Lungdam.