SUICIDE BOMBER 4 IN STAVROPOL KIIM SUAM
April 11, 2016: Russia gam sunga om North Caucasus kianga om Stavropol kiim sunga Novoselitskoye khua-ah sihpih bomb puaksak mi li in suam uh a, hih sipih bomb puaksakte a bomb uh puaksak thum in si uh a, police ten khat kaplum man uh a, kuamah a si bel om lo hi ci'n Russiate' state news agency TASS in tuni in pulak uh hi.
TASS in hih sihpih bomb puaksakte pen gamnuaimite hi a, police station suam sawm uh ci'n gen hi. Regional Interior Ministry in nautang leh law enforcement officers a liam kuamah om lo hi ci'n gen hi. Novoselitskoye khua-a senoir police officer Sergei Karamyshev in police ten kamkupna nei dingin kimuhkhawmna a kineih lai in bomb nga hong puaksak uh hi ci'n AFP news agencyte kiangah gen hi. Police duty ten sihpih bomb puaksak thumte kongah lut ding na phal lo uh a, a bomb uh tua munah puaksak pah uh a, hih sihpih bomb puaksak ten bomb 5 leh gradade bomb khat zang uh hi ci'n Sergei Karamyshev in gen beh hi.
Stavropol kiim-a police spokeswoman Natalya Tyncherova in bel a bomb puaksakte khat a bomb tawh si khawm a, nihte pen kikaptuahna ah kikaplum hi ci'n gen hi. Russia gam-a North Caucasus mual tung (Mountains) kiim pen gamnuaimi tuamtuamte tamna mun hi a, kum tampi buaina bawl ta uh hi. December kha in zong North Caucasus republic of Dagestan sunga om Derbert ah mi gilo ten thau tawh mi khat kaplum in, mi 11 kap liam uh a, IS ten ko gamtatna hi ci'n gen uh hi.
-Agencies
Post a Comment
Ngaihsutna hoih thei penpen tawh a nuai ah Comment na pia zel in maw Sanggam. Laigelh mite thapia in, mi a tampipi te muh theih dingin na Share kawikawi in. Lungdam.