SOMALIA AH JOURNALIST KHAT KITHAT
2007-2011 kikal sungin al-Queda tawh kipawl al-Shabab ten journalist mi nga a thahte uh huhna a pia journalist sem mah Hassan Hanafi zan zingsangin Somalia kumpi'n 'firing squad' kicite zangin Mogadishu ah kaplumsak hi.
Hassan Hanafi pen 2014 in Kenya ah kiman a, galkap thukhenna (military court) ah thahna ding panin kipelhna ding (appeal) a nget hangin kinolh ahih manin kikaplum hi.
Hassan Hanafi pen 2009 panin 2011 sung al-Shabab ten amau official thu lamsang a tangkona dingin a zat uh (official mouthpiece) Radio Andalus ah sem hi. February kha in Somalia state TV ah interviewna kinei a, tua-ah in Hassan Hanafi in journalists tuamtuam thahna dingin thu na pia mah ing ci'n gen hi. Ahih hangin nung kha in a phone call audio recording ah Hassan Hanafi in palik ten thongah a bawlsiat manin journalistte thahna ding thu a genna thu kipholak (leaked) hi.
Committee to Protect Journalists ten a ciamtehna ah 2007 panin Africa continent sungah journalist 25 kithat ta hi ci hi. Al-Shabab kici ten Somalia kumpi pen nitumna gamte taw sawn hi ci'n laih khiat ding hanciam uh a, 2011 in Mogadishu khuapi panin Somalia galkapte leh African Union (AU) galkapte kipawlin na hawlkhia uh hi. Ahih hangin al-Shabab ten Somalia leilu leh laizang leh AU galkap a kihelte gam Kenya, Djibouti leh Uganda gamte ah sihpih bomb zangin mun tuamtuam suam kawikawi uh hi.
-Al Jazeera
Post a Comment
Ngaihsutna hoih thei penpen tawh a nuai ah Comment na pia zel in maw Sanggam. Laigelh mite thapia in, mi a tampipi te muh theih dingin na Share kawikawi in. Lungdam.