ICELAND PRIME MINISTER KITAWP
April 6, 2016: Washington pansanin leitunga news organization tuamtuam kipawlkhopna International Consortium of Investigative Journalists (ICIJ) kici ten siah (tax) pia nuam lote min a pholakna uh Panama Paper kici ah leitunga ulian 140 leh tukpeng suihsiam pawlkhat leh FIFA uliante min tuanga, siah a piak nuam loh manun gamdangah a sumte uh koih sim uh hi ci'n million 11 financial document pholakkhia (leaked) uh hi.
ICIJ ten hih thusim a pholakte lak panin min tal lang pawlkhatte pen Leonel Messi, Platini (UEFA president lui), FIFA president, Argentina president, UK Prime Minister David Cameroon' pa, Ukraine presidentpa leh Putin' lawmte min pawlkhat tuang hi. Chinate min tampi leh Indiate mi 500te min zong tuang hi. Pakistan PMpa' innkuanpihte min zong tuang hi.
Hih min taklang diakte lakah Icelandte Prime Minister (PM) Sigmundur David Gunnlaugsson leh a zi min zong tuanga, hih thu hangin Iceland gamah lungphona nasia takin piang a, lungphona nei ten aktui pheng deng gawpin kiphinna nasia takin a neih manin Iceland Prime Minister Sigmundur David Gunnlaugsson a sepna tanin kitawp (resigned) ta hi.
China leh Russia in hih Panama Paper leaks in nitumna gam makaite imcip hi ci'n ngawh a, hih news betdaihna dingin nasia takin pan la uh hi. Hih International Consortium of Investigative Journalists ten financial document million 11 a pholakkhiat uh pen Mossack Fonseca law firm kicite ciamtehna panin a ngah uh hi a, Germany gam-a Sueddeutsche Zeitung newspaper in suaksak masa pen hi.
Iceland Prime Minister (PM) kitawpna thu pen Gunnlaugsson was Iceland agriculture minister in pulak a, PM in Icelandte parliament Reykjavik phiat (dissolve) ding leh kiteelna neih thak ding a sawm hangin President Olafur Ragnar Grimsson in nial hi. PM Gunnlaugson in hih ngawhna nial a, kei leh ka zi'n siah lim takin pia den hi ung ci'n gen hi. US Justice Department in nung kumin FIFA sungah nekgukna thu a kan lai un siah piak nuam loh manin hih gamdang-a sum koihna (offshore accounts) hong ten hih sumte FIFA uliante golhgukna dingin zang uh hi ci hi. Hih ICJIte' heipi in kua hong phuk kik tam maw?
-AP/The Hindu
Post a Comment
Ngaihsutna hoih thei penpen tawh a nuai ah Comment na pia zel in maw Sanggam. Laigelh mite thapia in, mi a tampipi te muh theih dingin na Share kawikawi in. Lungdam.