ETHIOPIA GALKAP TEN NUMEI GALMAT A MANTE SOUTH SUDAN GAMAH VA DELH
April 22, 2016: South Sudan leh Ethiopia gamgi Jonglei kiim-a teng Nuer minamte Murle minam thau tawi ten galkap puan silhin nung kalin Ethiopia gam sunga om Gambela kiim-ah machine thau tawh va suam uh a, nautang 208 a thah ban uh-ah naupang 102-125 kikal galmat in nei in, South Sudan gamah taipih uh hi. Naupang a mat bek uh hi loin gan 2,000 val zong laksak sawnsawn uh hi. Hih naupang kimante hunkhia dingin Ethiopia galkapte South Sudan gamah pawlkhat va lut uh hi.
Galkap ten hih Murle thautawina omna mun en khia ding (reconnaissance missions) kisawl khin zo a, naupangte omna mun zong kithei ta hi ci'n Ethiopia information minister Getachew Reda in AFP news agencyte kiangah gen hi. Hih naupangte hutkhiatna dingin operations nasia takin a kineih theihna ding
South Sudan kumpi tungah phalna kingen hi ci'n gen beh hi.
South Sudan kumpi tungah phalna kingen hi ci'n gen beh hi.
Al Jazeera reporter Catherine Soi in hih mi 208 kithahna Gambela kiimah galkap tam mahmah a, hih kiim leh South Sudan gamgi pen security zone in kipulak hi ci'n gen hi. Murle thau tawi ten mi a thah lai un a suakta, zato inn a om khatin, "Ka innkuanpihte 7 hong kithatsak uh hi," ci'n gen a, a suakta numei khat in, " Li vei hong kap kha uh a, ka ta kum 3 mi a lu kapsak uh a, ka tate nih hong matsak uh hi," ci'n gen hi. Gambela kiim-a sihna tuakte thuakpihna in ni nih sung gambup in thuakpihna zanhal leh zan in nei uh hi.
Hih Murle minamte pen South Sudan gam-a singtang minamte hi uh a, a thahte uh pen Ethiopia gam-a Nuer minamte vive ahi hi. Hih Murlete leh Nuer minamte pen tualgual hangin na kido mun mahmah uh hi. South Sudan ah Dec. 2013 in tualgal na om a, hih tualgal hangin South Sudan mi 200,000 val Ethiopia ah galtai uh hi. Gambela pen South Sudanese panin km 50 bekin kigamla a, Ethiopia ah Ethiopia kumpi lehdo (rebels) leh South Sudan rebels zong tampi om uh a, hih rebels ten Ethiopia gam-a kumpi innte leh galkapte suam mun mahmah hi. South Sudan in Sudan gam panin 2011 kumin suahtakna na ngah a, leitunga gam naupang pen in kiciamteh hi. South Sudan tualgal a dai/veng danin a om hangin tualgal om lai-in a thuak khate khat leh khat phuba kila kik uh ahih manin kithahna om den lai hi. Tualgal hangin mi tul sawm valin sih lawh a, million nih val inn lel lo nusia in tai in, million 1 val gilkial in om lai hi.
Source: Al Jazeera and agencies
Post a Comment
Ngaihsutna hoih thei penpen tawh a nuai ah Comment na pia zel in maw Sanggam. Laigelh mite thapia in, mi a tampipi te muh theih dingin na Share kawikawi in. Lungdam.