1). Na sanggam khat peuhpeuh a ginatloh hangin nulepa mai ah thuhilh vatvat kha kei in. Tua bang na hih ciangin nu le pa lungdam tuan het lo hi. “Kei om kei leng, sim mawh ngelngel ding hi” ciin na sanggampa / nu hehpih huaisa lua in lunggim mahmah zawsop uh hi. Deih bangin a gamta nuamlo na sanggam pa /nu tungah itna le deihsakna tawh lungduai takin na gamtat khiankhian theih ciangin, pau loin a om khinkhian na nulepa in ...“Ka tate muanhuai ta hi” ciin lungsim tawlnga thei in nang tungah lungdam mahmah pan uh hi. Unau sungah a cithei leh a lawhcing na hihna hangin nulepa in ong itzaw ding sa kha kei in. Nang tawh kikhawlin mi hampha hih ding sangin a ginalo na sanggampa / nu tawh ahithei bangin nuntak khop ding lunggulh zaw leh thupisa zaw ahihlam phawk gige in.
2). Nulepa te'n na tate (a tute) a tawi ciangin naungek a kah zenzen leh la pah daidai kei in. Na lak daidai leh kei kep ding phallo ai tam ci in kisuang giugiau a khasia dekdek liang thei hi.Na tangek lai a cinat ciangin a pilepute tawi sak, kem sak hamtang in. Kem nuam khoi nuam lua kisa in tu khinkhian thei lo zezen uh a, ahizongin a ma thu in ong la ngam het lo uh na hi thei hi.
3). Hunthak vanzat tuamtuam ( Phone, Internet, facebook, viber, gmail, cycle, mawtaw,…,) na neih bangbang na sinpih ciangin nulepate in na mit-hek ong en gige uh hi. Hawmthawhna le zahpihna khat na neih khak zenzen leh zum mahmah uh a, “Thei zo mahmah khang e” ong cihsan uh hangin a lungsim tawng ah “Ka taten hai ong sa lua hi zen veh e” ciin khasia khinkhian uh hi.
Nulepa tawh na om khak sunsun ciangin leitung thupiang tuamtuamte leh hunthak van leh nate khantohzia leh nasep dante na theih bangbang gen zel in. Nitak mei-awi kawmin Cingkhup leh Ngampawm tangthu, Thangho le Liando tangthu, Penglam tangthu te ong gengen hunte phawk kik inla, tua hun lai in zaknop sa lua in na hak kilkel mah bangin amau zong na gen thute zaknop sa lua in na gen bangbang sun tawh zan tawh zaza nuam uh hi.
Lian Tuang
3). Hunthak vanzat tuamtuam ( Phone, Internet, facebook, viber, gmail, cycle, mawtaw,…,) na neih bangbang na sinpih ciangin nulepate in na mit-hek ong en gige uh hi. Hawmthawhna le zahpihna khat na neih khak zenzen leh zum mahmah uh a, “Thei zo mahmah khang e” ong cihsan uh hangin a lungsim tawng ah “Ka taten hai ong sa lua hi zen veh e” ciin khasia khinkhian uh hi.
Nulepa tawh na om khak sunsun ciangin leitung thupiang tuamtuamte leh hunthak van leh nate khantohzia leh nasep dante na theih bangbang gen zel in. Nitak mei-awi kawmin Cingkhup leh Ngampawm tangthu, Thangho le Liando tangthu, Penglam tangthu te ong gengen hunte phawk kik inla, tua hun lai in zaknop sa lua in na hak kilkel mah bangin amau zong na gen thute zaknop sa lua in na gen bangbang sun tawh zan tawh zaza nuam uh hi.
Lian Tuang
Post a Comment
Ngaihsutna hoih thei penpen tawh a nuai ah Comment na pia zel in maw Sanggam. Laigelh mite thapia in, mi a tampipi te muh theih dingin na Share kawikawi in. Lungdam.