Phone leithak te Theihding

Ih deih hetloh phonete leikha leng sumbeisaklel in akisamlo sumzatna hong hithei hi. Phone khat lei cih pen sum paihkhiatna khat hi in eima deihdan zatnop dan tawh kituakding hong kisam ding hi. Adiakdiak in ihzat noploh dan tawh kituakte leikha leng akisamlo sumzatna hong hi banah sum mawkbei sakna hong hithei hi. Tua hih manin phone khat leiding hileng theiding kilawm thute kong gen nuam hi.

HOIH IHSAK PHONETE GELH IN
Mi zat ihmuh phone namte, journal laibu sunga phone nam te, amasa in laisung ah gelh inla anaui a dotnate dawn in.
1. Banghangin phone leiding kahiam cih kidong phapha in. 
2. Nasuum, kha suum, nanasepna dinmunte leh nazat nading munte ngaihsun masa in.
3. Na theingeiloh mizuak secondhandte leikei in.
4. Ei sang akhangto zaw gamte ah phone amantam zang khinlo uh ahilam phawk in.
5. Phone na lei ding ciang bang lungtup,banghangin lei nuam cih ngaihsun in.
6. Na leiding phone ah battery sawt khawm akisam ding maw kisamlo ding cih theician in. (Phone pawlkhat battery sawt khawm lo hi.)

7. Na leiding phone ah Wifi ahat akisam diam cihte ngaihsun in.
Nangma zatding phone khat pen nadeihdan tawh kituak liann in nalung hong kim sakding thupi ahih manin tuate pen ngaihsut masa anei a leiding kilawm hi.

ALEI KHINSA TE THEIHNA TE
Nakim a om phone zuakna a te zong phone nalei ma in anuai a akigelh khiate nakan ding manggilh kei in.

1. Phone thakte atawn man pen zii tawh zuakding mipi theisak na (advertise) om maw omlo, aman kidek thei maw theilo kan in.
2. Phone thak nalei ciang warranty pia maw pia lo dong in

NA LEISAWM PHONE II THUKAN IN

Internet sungpan in nalei ding phone tawh kisai thute pen tuhun ciangin baihmahmah in kizong thei hi. Adiakdiak in khatvei lei nading nahih leh hun la in kan huai hi. Tua ban ah na leiding phone ah MP3, video, camera te ahoih hiam cih kan in. Model zong na kan ding mangilh ken.

LEI DING A HUN HOIH TEL IN

Phone athak khat banghun in leiding cih pen nakhut sung ah om hi. Discount apiak hun,nasum neih deuh hunciang maw, nakha sum sangciang cih bang in kilei theihi. Phone nalei ciang na phone hoih maw hoihlo cih aphual pan in vel pah in. Nalung kim dong damdam in naleisawm phone thu phone zuakte tungah dong in. Camera, video cih akipan hoih maw hoihlo ki encian theih ahih lam manggilh ken.Tua ban ah warranty hun sungin akisiat leh aphone in kikhekkik thei maw theilo, kisia hileh koi ah lak ding cih akipan dot ding akisam te zong nadot ding manggilh ken.

Cin Ngaih