TUPNA KICIAN KHAT NEI IN TUAILAI ZOMI
Pai nading lampi leh TUPNA anei mi in kal khat zong suan nailo in lam lai zang atung khin hi.Mi khangto te leh mi khangto ding te in TUPNA kician nei ciat uhhi.TUPNA i cih ih i nuntaak ziading lam honglak van khat ahihi.Lampi paizia theilo pi in,pai nopna mun i tun theihloh mah bang in,TUPNA neilo pi in khantoh na leh gualzawh na om theilo hi.Hih leitung ah ei ma mailam nuntaak zia ding kician tak a,a ngaih sunthei mi kitawm mah2 hi.
Khuasung lampi tung a vaak mite dong in,miza sung pan sawmkua in TUPNA kician neilo khading uhhi.Mi pawlkhat te alawm agual tawh nitak zu nekding kiciam a,tua in a ma nikhat ading alian mah2 TUPNA ahihi.Nidang ciang in zong tuasang alian zaw TUPNA nei zolo uhhi.Mi tampi enleng,tuu laitak nasep na pan in, theihna/pilna te mailam minleh zaa khantoh na ding in, hanciam ning ci-a TUPNA anei mi kitawm mah2 hi.
Tua mite in tuipi tung a-a laam singluang te tawh kibang a,TUPNA omlo in,tui i luan na dung azui mite ahihi.Tuabang mite ading TUPNA cih omlo a, gualzawh na zong omlo dinghi.TUUPNA icih in i ngaihsut(lung gulh) leh i suunmang pan in hong piangkhia ahihi.Tua na lung gulh mah2 na suunmang pen- (
1)A piangthei thu hi ding hi.
(2)Sep zawh nading ki taangsam te na neih kul hi. (3)Piang theiding hi cih upna/hanciam na/cihtakna, na neih kul hi.Tua teng na neih khit ciang, na suunmang pen, na nuntaak na sung ah a kician mah2 TUPNA khat in koih in.T
UPNA a om takciang gualzawh na om pan hi.TUPNA a nei mite a gualzawh uh ciang,a pianpih pilna/ciimna hi ci-in i ngaihsun kha thei hi.Mihing te i pianpih pilna/ciimna te ki lamdang lua lo hi.Nang na pilna/na hatna te TUPNA nei lo in na zat lai tak, tua mipa in ama pilna/hatna khempeuh, a kician mah2 TUPNA khat sungah a zat theih man ahihi."Mihing te i suunmang hang in khantoh na i ngah ciat hi.
Mi gualzo te leh mi khangto te in, suunmang a nei mite a hihi", ci in USA kumpi lui "Woodrow Wilson" in gen hi. Nang zong tuu laitak na suunmang,na lung gulh te TUPNA khat in koih inla, nisim in laibu sung ah gelh den in.Na mitkha ah luai sak inla,na lungsim tawng ah koih in.Sepding a kisam te sep ki panta in.
A khaktan thei gamtatna/ngaihsutna leh thu te pelh zawh nading hanciam in.a sawt lo in na nuntaak na sung ah a hoihlam khantohna/lungkimna/lungnopna te hong piang dinghi.A ki tatsat ngeilo khantohna lampi khat khit khat hong ki hong dinghi. lungdam.
MangSuan
Nashville TN,USA.
Pai nading lampi leh TUPNA anei mi in kal khat zong suan nailo in lam lai zang atung khin hi.Mi khangto te leh mi khangto ding te in TUPNA kician nei ciat uhhi.TUPNA i cih ih i nuntaak ziading lam honglak van khat ahihi.Lampi paizia theilo pi in,pai nopna mun i tun theihloh mah bang in,TUPNA neilo pi in khantoh na leh gualzawh na om theilo hi.Hih leitung ah ei ma mailam nuntaak zia ding kician tak a,a ngaih sunthei mi kitawm mah2 hi.
Khuasung lampi tung a vaak mite dong in,miza sung pan sawmkua in TUPNA kician neilo khading uhhi.Mi pawlkhat te alawm agual tawh nitak zu nekding kiciam a,tua in a ma nikhat ading alian mah2 TUPNA ahihi.Nidang ciang in zong tuasang alian zaw TUPNA nei zolo uhhi.Mi tampi enleng,tuu laitak nasep na pan in, theihna/pilna te mailam minleh zaa khantoh na ding in, hanciam ning ci-a TUPNA anei mi kitawm mah2 hi.
Tua mite in tuipi tung a-a laam singluang te tawh kibang a,TUPNA omlo in,tui i luan na dung azui mite ahihi.Tuabang mite ading TUPNA cih omlo a, gualzawh na zong omlo dinghi.TUUPNA icih in i ngaihsut(lung gulh) leh i suunmang pan in hong piangkhia ahihi.Tua na lung gulh mah2 na suunmang pen- (
1)A piangthei thu hi ding hi.
(2)Sep zawh nading ki taangsam te na neih kul hi. (3)Piang theiding hi cih upna/hanciam na/cihtakna, na neih kul hi.Tua teng na neih khit ciang, na suunmang pen, na nuntaak na sung ah a kician mah2 TUPNA khat in koih in.T
UPNA a om takciang gualzawh na om pan hi.TUPNA a nei mite a gualzawh uh ciang,a pianpih pilna/ciimna hi ci-in i ngaihsun kha thei hi.Mihing te i pianpih pilna/ciimna te ki lamdang lua lo hi.Nang na pilna/na hatna te TUPNA nei lo in na zat lai tak, tua mipa in ama pilna/hatna khempeuh, a kician mah2 TUPNA khat sungah a zat theih man ahihi."Mihing te i suunmang hang in khantoh na i ngah ciat hi.
Mi gualzo te leh mi khangto te in, suunmang a nei mite a hihi", ci in USA kumpi lui "Woodrow Wilson" in gen hi. Nang zong tuu laitak na suunmang,na lung gulh te TUPNA khat in koih inla, nisim in laibu sung ah gelh den in.Na mitkha ah luai sak inla,na lungsim tawng ah koih in.Sepding a kisam te sep ki panta in.
A khaktan thei gamtatna/ngaihsutna leh thu te pelh zawh nading hanciam in.a sawt lo in na nuntaak na sung ah a hoihlam khantohna/lungkimna/lungnopna te hong piang dinghi.A ki tatsat ngeilo khantohna lampi khat khit khat hong ki hong dinghi. lungdam.
MangSuan
Nashville TN,USA.
Post a Comment
Ngaihsutna hoih thei penpen tawh a nuai ah Comment na pia zel in maw Sanggam. Laigelh mite thapia in, mi a tampipi te muh theih dingin na Share kawikawi in. Lungdam.