Leitungah Pastor mihau 10 tengin

1. DAVID OYEDEPO: Sum neihzah ( Net Worth) US Dollar 150 maktaduai.
Bishop David Oyedepo pen Living Faith World Outreach 1981 in Pawlpi phuankhia a. Tunhih Pawlpi pen Africa gam a Pawlpi lian pen hi. Sunday sim in 3 vei “Faith Tabernacle,” Cannan Land Otta munah kikhop na nei den uh hi. Hih pastor in US leh UK ah Inn leh lo te a neih banah “Private Jet “ US leh UK ah nei hi. Amah pen kum 60th birthday zang pan a thahat mah mah lai hi.

2. CHRIS OYAKHILOME- Sum neihzah (Net Worth) US Dollar 50 Maktaduai.
Christian Oyakhilome pen Nigeria gamah pastor minthang pen bang hi a. “Believers’ World Incorporated Pasian nasepna a phuankhia pa hi in, Christ Embassy cih in zong kisam zelhi. Lagos, khua Nigeria munah in base-in, Pawlpi member 40,000 val nei a. A Pawlpi member tampi tak tepen Politician makai pi pi leh Sumbawl hausa mah mah te hi.
Healing School, Rhapsody of Realities ( Bible devotional) leh NGO pawl khat Inner-city Missions te a neih banah, mun thumah Christian TV channel : Love World TV, love World SAT leh Love world Plus cih te zong nei hi.

3. BENNY HINN: Sum neihzah (Net Worth) US Dollar 42 Maktaduai.
Benny Hinn pen Evangelist leh Bible teacher banga theih hi a. Dam sakna (Healing) Nasep kalsuan pih mah mah hi. Minute 30 TV programe, “This is your day “ cih program neiin leitungbup mite in pakta mah mah uh hi.

4. CRAFLO DOLLAR: Sum Neihzah (Net Worth) US Dollar 27 Maktaduai.
Craflo pen American Evangelist, Pastor leh “Upna” tungnung sinsak thupi mah mah khat hi. World Changer Church International a phuankhia pa hi a. Hihpen Azi in vanzaw bilbel hi.
Multimillion Dollar ministry cih nasep na nei a tua munah “Pasian deihdan ahihleh lam khempeuh ah hauhsak hi” cih thupui zangin sinsak zelhi.

5. BILLY GRAHAM: Sum Neihzah (Net Worth) US Dollar 25 Maktaduai.
Billy Graham pen Southern Baptist America pana Ordained hiin, Evangelist minthang tak, milian leh sangte sunga nasem minthang pen bang hi. America gam President bangzah hiam in Khalam advisor( Spiritual Advisor) ah na zang khin uh hi.
Billy Graham Evangelsitic Association cihpen 1950 ah kipan khia a, Media lamah lam zong thupi takin Pasian thu genkhiat na nei zelhi.

6. T.D.JAKES: Sum neihzah (Net worth) US Dallor 18 maktaduai.
Thomas Dexter pen mi in T.D.Jakes ci in theipen u a “The Potter’s House non-denomination America Maga church” ah Apsotle / Bishop hi a. Pawlpi member 30,000 val neihi. Kumsim in aneih uh “Revival MegaFest “ah mipi 1,00,000 Nuaikhat sang tawmlo paikhawm den uh hi.

7. T.B.JOSHUA: Sum neihzah (Net Worth) US Dollar 15 maktaduai. 
Temitope Balogun Joshua zong T.B.Joshua ci a mite theih mah mah hi. Pastor leh Evangelist mintang tak hi a. Pawlpi khenkhat “The Synagogue, Church al All Nations (SCOAN) “ cih phuankhia pa hi a, hih Pawlpi ahn Christian Television station khat “Emanuel TV” cih nei uh hi. Mipi leh khua adingin kinakzat mah a, Education, Healthcare leh rehabilitation program te zong sem zel uh hi.

8. MATTHEW ASHIMOLOWO : Sum Neihzah (Net Worth) US Dollar 10 Maktaduai.
Matthew pen “Kingsway International Christian Centre (KICC)” London ah senior pastor hi a. Tun ahih leh UK ah Pentecostal Pawlpi sungah alianpen hihna angah laitak hi.
Assets a neih khempeuh manphatna in dollar maktaduai 40 man kim hi.

9. CHRIS OKOTIE: Sum Neihzah US Dollar 10 maktaduai. 
Chris Okotie ming pi pen Christopher Oghenebrorie Okotie hi a, “House hold of God church International Ministries” ah makai hi.
Car mantam deih mah mah Pastor hi a. Mercedes S600, Rolls-Royce, Hummer and Porsche car tampi nei hi.

10. JOSEPH PRINCE: Sum Neihzah (Net Worth) US Dollar 5 maktaduai.

Hih Singapore pastor in a pastor kumkhat lawh pen US dollar 550,000 tak hi a. A mah pen Singapore a “New Creation Church “ ah senior pastor ahih laitak hi a. A Pawlpi un sum nak muh mahmah uh a, kumkhat ah US DOLLAR 44.7 Million bang mu uh hi