America Khang Kikhelzia Khendan (Different American Generations)
Tansang pilsinna ah hi ta leh America gam tawh kimemat thupi lapi a kigen simin khang zui a hunkhenna ‘Generations’ te a gen dan uh tel masa le hang thunung thuma kithei baih zawdeuh hi. Zolai tawh sim theih dingin a tomin anuai abangin hong gelh khia ing.
The Greatest Generations (GI Generations), Silent Generations, Baby Boombers Generations, Generation X, Generation Y (Millennial Generations), Generation Z, cih bangin na khen dimdiam uh hi.
1. The Greatest Generations (GI Generations): Born in 1924 or earlier; Age (2018) 90 plus. Hih hun a piangte in ‘The Great Depression’ kici sum le pai haksatna lianpi or kialpi nawk kha uh a, Galpi II-na sungin gal nak do mahmah uh hi. Hih hun a piang khang mite pen haksatna lah thuak, gal lah nak do mahmah uh a, mihangsante hi takpi uh hi. Tua zah khatin hih khangte sung pan President tampi khang uh hi. Lyndon B. Johnson, Richard M. Nixon, Gerald R. Ford, Ronald Reagan, Jimmy Carter, George H. W. Bush te pen hih khang mite (Born 1901 – 1924) na hi uh hi.
2. Silent Generations, born: 1928 – 1945; age (2018) 73 – 90; Bachelor zo 15%. Kum 1929 – 1939 sungin The Great Depression kici sum le pai haksatna lianpi leh leitung galpi khatna leh nihnate in hih khangte sukha mahmah hi. Khangnote in zi leh pasal neih ding, tanu tapa neih ding peuhmah ngaihsut in nei ngam mel lo uh hi. Tua hangin hih hun sung a piangte peuhmah pen nakpi takin nasem in hanciam uh a, kam tam pau loin kidawm khiankhian uh hi. Thu thak la thak nak ngaihsut khol lo uh hi. Tua hang mahin hihte khangin President sem om lo uh hi, kici hi. Music lamah Pop leh Rock khan hun hi.
3. Baby Boomber Generations, born: 1946 – 1964; Age (2018) 54 – 72. Bachelor zo 24%. Galpi veng ta a, kialpi zong veng ta a, galkuan tangval/papi tampite inn hong ciah ta uh hi. Tangvalten zi nei ziahziah uh a, zineisate zong nupa in nuamtak om khawm thei ta uh ahih manin nau hong piang ziahziah hi. Khan khatin million 77 bang khang khawm vat uh a, American tangthu ah mihing pun pen hunin kiciamteh hi. Sum le pai nuamtak zong thei uh a, a teek dong uh an nek tui dawn ding patau lo zaw uh hi. Leitungbup hoihna ding khawng ngaihsunin thu thak la thak ngaihsunsun uh hi. US Presidents Clinton, Bush, Obama leh Trump te zong hih hun in ahuam khak President te ahi uh hi. Pilsinna field khempeuh, kumpi nasepna department khempeuh ah American pilna leh hauhna tawh leitung ah gualtung tuangin leitungbup vai lian khempeuh ah amau loin a piang zo lo zah phial dinmun tung to zo uh hi.
4. Generation X, born: 65 – 80; Age (2018) 38 – 53. Bachelor zo 25%. Hih khangte pen Baby boomber te zahin nu le pate in hoih tak don zo lo kem zo lo uh hi. Nupa kikhen leh innkuan kitam kham tam semsem banah numeite in innpua kanin nakpi takin nasem uh ahih manin tate pha takin kikem lo kipantah lo hi. A kiphawk lo, a ki-awlmawh lo khang hun kici hi. Media lamte in ‘MTV Generation’ ci uh a, music lamah ‘Hip Hop Generation’ hong pian hun hi, kici hi. Na sep khat peuhpeuh kiva mahmah uh a, haksa sak luat leh kihtaak leh patauh luat nei khol lo uh hi.
5. Millennial Generations, born: 1981 – 1996; Age (2018) 22 – 37. Bachelor zo 29%. Generation Y a ci zong om hi. Google, Apple Company, Facebook, Disney cihte tawh khang khawm uh a, technology in nakpi-in nuntakna kilamdangsak hi. A tamzaw thamtham 87.5% te in “Sum om leh na khempeuh piang thei – money is the best measure of success” cih kigen zel thu um nawn lo uh hi. Amau ukna lopi ah sum tampi mu a nasep ding sangin amau ukna sem a sum tawm zaw muh ding haksa sa lo uh hi. Khang masa dangte tawh tehna in nek le dawn kining cingin sum le pai haksa sa lo uh hi. Pilsinna lamah zong amau ut bangin a ut tan uh sin zo uh hi. Technology pilna khang mahmah ahih manin om mun pan a sumbawlna leh leitungbup zin khiat kul loin a om mun uh pan leitung pheklek thei uh hi. Khang masate bang loin nu hoih pa hoih hih ding kin ngaihsut mahmah uh a, tate lim tak kemin pantah uh hi. Nau suak thak pen khang masate sangin kiam zaw hi. Khuapi inn sangpipi leh mawtaw ging naunaute paisanin khuata lam gamdaihna a ten ding lunggulh zaw uh hi.
6. Generation Z, born: 1997 – 1912; Age (2018) 6 -21. Bachelor zo 39%. Hih Generation Z te pen technology leh social media tawh khang khawm ta uh hi. Anu a pate ii khang sangin tansang pilsinna kahna ding sum haksatna nei uh hi. Thumu, ngimna lian nei, hehpihna leh thukhualna nei, vaipuak la ngam uh hi. Mi tungah kinga se loin amau leh amau nuntak ding leh nasep theih ding ut uh hi. Pheituam a ten uh ciangin kawnggak zang nuam khol lo uh a, mawtaw tuan ciangin zong kawnggak nawngkai sa uh hi.
Gamsung nopna leh daihna, buaina khat peuhpeuh pen kumpite in vaipuak nei hi, cih um uh hi. Facebook khenah Twitter leh Instagram nak zat zaw ta uh hi. Pilsinna leh nasepnate ah internet pan olno takin sin thei sem thei uh hi. Online nak zat cimtaak in mihing maitang kimu a kizop-kipehna thupisa uh hi. Leitungbup huam a vai lianpipite lunghimawh in kin mahmah uh hi. ................................
Thang Van Lian
Tansang pilsinna ah hi ta leh America gam tawh kimemat thupi lapi a kigen simin khang zui a hunkhenna ‘Generations’ te a gen dan uh tel masa le hang thunung thuma kithei baih zawdeuh hi. Zolai tawh sim theih dingin a tomin anuai abangin hong gelh khia ing.
The Greatest Generations (GI Generations), Silent Generations, Baby Boombers Generations, Generation X, Generation Y (Millennial Generations), Generation Z, cih bangin na khen dimdiam uh hi.
1. The Greatest Generations (GI Generations): Born in 1924 or earlier; Age (2018) 90 plus. Hih hun a piangte in ‘The Great Depression’ kici sum le pai haksatna lianpi or kialpi nawk kha uh a, Galpi II-na sungin gal nak do mahmah uh hi. Hih hun a piang khang mite pen haksatna lah thuak, gal lah nak do mahmah uh a, mihangsante hi takpi uh hi. Tua zah khatin hih khangte sung pan President tampi khang uh hi. Lyndon B. Johnson, Richard M. Nixon, Gerald R. Ford, Ronald Reagan, Jimmy Carter, George H. W. Bush te pen hih khang mite (Born 1901 – 1924) na hi uh hi.
2. Silent Generations, born: 1928 – 1945; age (2018) 73 – 90; Bachelor zo 15%. Kum 1929 – 1939 sungin The Great Depression kici sum le pai haksatna lianpi leh leitung galpi khatna leh nihnate in hih khangte sukha mahmah hi. Khangnote in zi leh pasal neih ding, tanu tapa neih ding peuhmah ngaihsut in nei ngam mel lo uh hi. Tua hangin hih hun sung a piangte peuhmah pen nakpi takin nasem in hanciam uh a, kam tam pau loin kidawm khiankhian uh hi. Thu thak la thak nak ngaihsut khol lo uh hi. Tua hang mahin hihte khangin President sem om lo uh hi, kici hi. Music lamah Pop leh Rock khan hun hi.
3. Baby Boomber Generations, born: 1946 – 1964; Age (2018) 54 – 72. Bachelor zo 24%. Galpi veng ta a, kialpi zong veng ta a, galkuan tangval/papi tampite inn hong ciah ta uh hi. Tangvalten zi nei ziahziah uh a, zineisate zong nupa in nuamtak om khawm thei ta uh ahih manin nau hong piang ziahziah hi. Khan khatin million 77 bang khang khawm vat uh a, American tangthu ah mihing pun pen hunin kiciamteh hi. Sum le pai nuamtak zong thei uh a, a teek dong uh an nek tui dawn ding patau lo zaw uh hi. Leitungbup hoihna ding khawng ngaihsunin thu thak la thak ngaihsunsun uh hi. US Presidents Clinton, Bush, Obama leh Trump te zong hih hun in ahuam khak President te ahi uh hi. Pilsinna field khempeuh, kumpi nasepna department khempeuh ah American pilna leh hauhna tawh leitung ah gualtung tuangin leitungbup vai lian khempeuh ah amau loin a piang zo lo zah phial dinmun tung to zo uh hi.
4. Generation X, born: 65 – 80; Age (2018) 38 – 53. Bachelor zo 25%. Hih khangte pen Baby boomber te zahin nu le pate in hoih tak don zo lo kem zo lo uh hi. Nupa kikhen leh innkuan kitam kham tam semsem banah numeite in innpua kanin nakpi takin nasem uh ahih manin tate pha takin kikem lo kipantah lo hi. A kiphawk lo, a ki-awlmawh lo khang hun kici hi. Media lamte in ‘MTV Generation’ ci uh a, music lamah ‘Hip Hop Generation’ hong pian hun hi, kici hi. Na sep khat peuhpeuh kiva mahmah uh a, haksa sak luat leh kihtaak leh patauh luat nei khol lo uh hi.
5. Millennial Generations, born: 1981 – 1996; Age (2018) 22 – 37. Bachelor zo 29%. Generation Y a ci zong om hi. Google, Apple Company, Facebook, Disney cihte tawh khang khawm uh a, technology in nakpi-in nuntakna kilamdangsak hi. A tamzaw thamtham 87.5% te in “Sum om leh na khempeuh piang thei – money is the best measure of success” cih kigen zel thu um nawn lo uh hi. Amau ukna lopi ah sum tampi mu a nasep ding sangin amau ukna sem a sum tawm zaw muh ding haksa sa lo uh hi. Khang masa dangte tawh tehna in nek le dawn kining cingin sum le pai haksa sa lo uh hi. Pilsinna lamah zong amau ut bangin a ut tan uh sin zo uh hi. Technology pilna khang mahmah ahih manin om mun pan a sumbawlna leh leitungbup zin khiat kul loin a om mun uh pan leitung pheklek thei uh hi. Khang masate bang loin nu hoih pa hoih hih ding kin ngaihsut mahmah uh a, tate lim tak kemin pantah uh hi. Nau suak thak pen khang masate sangin kiam zaw hi. Khuapi inn sangpipi leh mawtaw ging naunaute paisanin khuata lam gamdaihna a ten ding lunggulh zaw uh hi.
6. Generation Z, born: 1997 – 1912; Age (2018) 6 -21. Bachelor zo 39%. Hih Generation Z te pen technology leh social media tawh khang khawm ta uh hi. Anu a pate ii khang sangin tansang pilsinna kahna ding sum haksatna nei uh hi. Thumu, ngimna lian nei, hehpihna leh thukhualna nei, vaipuak la ngam uh hi. Mi tungah kinga se loin amau leh amau nuntak ding leh nasep theih ding ut uh hi. Pheituam a ten uh ciangin kawnggak zang nuam khol lo uh a, mawtaw tuan ciangin zong kawnggak nawngkai sa uh hi.
Gamsung nopna leh daihna, buaina khat peuhpeuh pen kumpite in vaipuak nei hi, cih um uh hi. Facebook khenah Twitter leh Instagram nak zat zaw ta uh hi. Pilsinna leh nasepnate ah internet pan olno takin sin thei sem thei uh hi. Online nak zat cimtaak in mihing maitang kimu a kizop-kipehna thupisa uh hi. Leitungbup huam a vai lianpipite lunghimawh in kin mahmah uh hi. ................................
Thang Van Lian
Post a Comment
Ngaihsutna hoih thei penpen tawh a nuai ah Comment na pia zel in maw Sanggam. Laigelh mite thapia in, mi a tampipi te muh theih dingin na Share kawikawi in. Lungdam.