Zomi Dongtuak Kipawlna

Zomi Dongtuak Kipawlna
Pan Palai Sem In
Mizogam Dongtuak Laizom Zosuante Huhna
August 8 2017 In Ki Ap Ding Hi.

Amasa in Zomite ih pankhop ciang, ih vai kuang in nop mahmah hi. Tu ciangciang ih sumngah pen Gamdang pan pekkhat zong panailo in teng200 kim phata hi. Hakha Rescue Committeete ngahzah ihngah zawhloh hang alungkim huai mahmah pangkhopna ahihi. Hakha Rescue Committee te nasepna atangzai sak ahi, Chin State Capital aom, U Lian tuamtuam, zum tuamtuam leh Gamdang a om, amipih te uh ahihi.

Piakzah Ding

Zomi Dongtuak Kipawlna Pan Antang MMK 30000 mante Ip100 kipuato ding a, a sum om lai zahzah ki ap ding hi. Sum ngahzah vekpi pen mipi tung ah, August 7, 2017 ma in list tawh hong kizasak ding hi.

Paizia Ding

Akaipen August 6, 2017 in Kalaymyo a Committeete Tedim hong tungto ding uh hi. Tedim ah August 7, 2017 zingsang in AD pa in apna leh khakna kineisak ding hi. Apai ding khempeuh pen Thawng(Pi Hau Man Tapa) Parado leh Dalkhai khua Pu Dal Tawng Surf tung tuang ding a, a kisap leh Mawtaw akhonkhong a hong si ding kizong lai ding hi.

Zomi Cultural Sociaty-Champhai Tawh Khut Kilen

ZCS ten Antang Pua Mawtaw pen, Ciau Lei pen amau Mawtaw tawh hong kheng ding a, tua ban ah Mihing Pua Mawtaw teng Champhai dong a lut theih nang in vaipuak honglaksak ding uh hi. Champhai tungciang in ZCS ten zin hong do ding uh hi. Hih ZCS ten Vaipuak hong la nung acih khempeuh pen, YMA -Champhai inzong vaipuak hongla nung ci ahihman in, amau hong kikum ding uh hi.

ZCS leh ZDK Meeting Neiding

Zomi Cultural Sociaty-Champhai leh Zomi Donghu Kipawlna pan Champhai apaiteng, Aungust 7, 2017 nitak kimeltheihna, thukikupna leh Mizogam Dongtuak Laizom Zosuante Huhna piakdan ding kikupna om ding a, khut kilen diamdiam ding hi.

Suangtang Khat Tawh Vasanih Kapkhia

Hihbang in ma ihpang khop liailiaina hang in nalianpi asem hihangh. Mizogam Dongtuak Laizom Zosuan te huh bek thamloh ' Laizom Zosuante' cih kammal ihzat ciang, tunsung khat pan piang hi ngeingei hangh e cihla asa hihangh a, Zomi Movement amanawt ih hihi. Zo-reunification Organization ih hihloh sam hang, Mizoten zong Central Goverment ah Indigenous mun ah Zotribe a kiciapteh nang ngetna aneih laitak uh hi cihthu kiza hi. Tuaban ah cikmah a khut kilen ngeilo Zomi Cultural Sociaty leh Kawlgam a CSOs makaite khut kiletna hongsuak hi. Zomi Donghu Kipawlna ah pen Tedim leh Kawl pan Kipawlna atamzaw akihel ahihman in Sak leh Khang kizopna, nasep khopna hong lian semsem ding hi.

Tua ahihman in U te Nau te aw, Thangho leh Liando in Mimtangh Tangtangh phelhawm ci a, tangthu a sutsut, tua itna anei Zomite in Itna khahsuak kei ni.

Lungdam
Cin Lian Khai(Zogamkhaino)