SINGAPORE: August 11, 2016 Thursday niin Piang Ngaih Don July 26 ni a that a kingawh a zi leh a sungnu mah bangin Kelvin Chelvam zong thukhenzum ah thudot dingin kipaipih hi.
Aman a inn vua CCTV lakhia in palikte kiangah zong zuau gen ahih manin thudotna kinei hi. A zi Gaiyathiri Murugayan leh a sungnu Prema S Naraynasamy te a mawhna uh a selpih sawmman ahi hi. Palik sem Chelvam in zong Piang Ngaih Don a sihma 23 July ni in ciang tawh a liang sat sak hi.
A sihma kha khat hun laiin zong Chelvam in Piang Ngaih Don a luzang sam pan phuai in khai gawp a, a khe leh lei kimatlo dongin khaito hi. Chelvam thukhenzum ah thudotkik ding pen September 8, 2016 hi.
A zi leh a sungnu pen Jul 25-26 kikal a Piang Ngaih Don that hi a ngawh hi a, a liamma khempeuh pan a kibawlsia a si cih zong kimu thei hi ciin Singapore thukizakna Channel NewsAsia in gen hi.
Palikte genna ah Bishan Street 11 inn Block 145 pan sun 11am in huhna kisam ung ci-in sapna ngah uh a ava pai uh leh Piang Ngaih Don, kum 24 luang a votsa, a tang nawnlo a kisial, a sisa in mu uh hi.
Singapore thukhun omsa bangin ngawhna banga amau thah ahih takpi leh a nuta un khailup hiam khantawn thongkia hiam hiding hi. - CNA/
http://www.channelnewsasia.com/news/singapore/husband-of-bishan-maid/3033664.html?cid=FBcna
http://www.channelnewsasia.com/news/singapore/husband-of-bishan-maid/3033664.html?cid=FBcna
Post a Comment
Ngaihsutna hoih thei penpen tawh a nuai ah Comment na pia zel in maw Sanggam. Laigelh mite thapia in, mi a tampipi te muh theih dingin na Share kawikawi in. Lungdam.