Tua pawlpi ah La thumvei sa aa,
- Zomi Siamsin
- Zomi Mawhpuak
- Ka lawm hoih pen Zeisu cih teng sa hi.
A laigui zom Min Thang Guite zong Lasiam minthang mahmah khat hi aa, amau unau Lasiam bek hilo mel leh sa lam ahzong duang cing mahmah uh hi. Pasian in Zomite hong lapsang sak ahih manin Lungdam hang. Music City khuapi ah La sak Phone panin aki la pak hih anuai aa ahihi.
Music City ahi Nashville Tangthu Tomno
Francis Nash: North Carolina gam-ke khat in a ki om hunsungin American Revolution hunsunga galhang mahmah khat ahi galkapmang Gen Francis Nash min tapsak in 1779 kum pawlin Nashborough cih minpua khuapi ahi hi. Hih hun in mipum 345 kim bek phapan in, tua zong sila dingin a kila mivomte 150 tawh a kisimkhawm ahi hi. Nashville khua tangthu ah John Donelson, James Robertson leh mualtung mi te tawh a kopkhawm Francis Nash te min kihel pelmawh hi.
Nashville City: North Carolina gamke khat in a ki om hunsung 1784 kum ciangin, Nashville khua ci in min kician in hong kithei ta hi. Nash khua cihna ahi hi.
State Capital: TN state ngah zawh a kum 47 khit October 7, 1843 kum ciangin Tennessee State khuapi dingin Nashville in kipsakna hong ngahta hi.
Music City: 1700s kumlai in Davy Crockett te makaihna tawh music van tuamtuam zangin na minthang ngei khin uh hi. 1800s nunglam ciangin music van thak tuamtuam Nashville khuapi panin kimu theita hi. England kumpinu Queen Victoria in 1874 kum in pawi lianpi bawlin hih pawi ah lasakna hong nei ding pen Musical city pan hi ding hi na cingei a, tua pen Fisk Jubilee Nashville singers te a genna hi. 1950 kum in Radio Broadcast pan thugen David Cobb in Nashville pen Music city hi cin genkhia ziahziah ngei hi. Lasiam tampi Bon Jovi, Michael Buble, Kid Rock cih tuamtuamte in la a na khum ngei uh ahi hi.
OpryLand City:
Nashville a minthang sak min lawhna khat hi a, Music tumtheih na hall pi a kigenna a hi hi. June 30, 1972 ni in kihong hi in, “theme park” zong kici hi. Hih hall lianpi sung pan in lasiam tampi ten la ong sakna tawh kizui in Opryland USA cih leh “The Stars of the Grand Ole Opry cih pahtawina min hong ngah hi. A zawdeuh in Hih hallpi zangin
1972 pan 1997 Christmas lasak pawi thupi kibawl den a, tua in Nashville minthang sak mahmah hi.
Miphazah: 601,222 White: 60%, Blk of Afr. 28% Hispanic 10%; Other 9% Asian 3%
Zomi Today
Post a Comment
Ngaihsutna hoih thei penpen tawh a nuai ah Comment na pia zel in maw Sanggam. Laigelh mite thapia in, mi a tampipi te muh theih dingin na Share kawikawi in. Lungdam.